|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mår 08 awo, 2006 0:42:09 Sudjet: "Batracyins" => glumiantès biesses |
|
|
dji croe ki dj' a trové on fel mot po batracyins :
did la :
ecawêyès glumiantès biesses : avou ene cawe = latén "Caudata" (F. Urodèles) : come les rognes et les rognes d' aiwe
sicawêyès g. b. => sins cawe (ki leu cawe a stî côpêye : c' est djusse çoula, ca, cwand il estént co maclotes, end avént ene) latén "ecaudata" Fr. "anoures" come les rinnes et les crapåds.
Va-t i ? |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: dim 30 set, 2007 7:08:08 Sudjet: |
|
|
Citåcion: |
sins rujhes; u sins grand rujhes ni arokes |
Djusse ène kèsse : kwand i nda pont, pokwè mète on "s" ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dim 30 set, 2007 14:44:09 Sudjet: |
|
|
djozewal scrijha: |
Citåcion: |
sins rujhes; u sins grand rujhes ni arokes |
Djusse ène kèsse : kwand i nda pont, pokwè mète on "s" ? |
ça i gn a deus sôres, les lingaedjes ki contèt zero eyet onk del minme manire, ambedeus å singulî; et les cis ki les contèt diferinmint, zero å plurial eyet 1 å singulî (ou, dit d' ene ôte manire, des lingaedjes wice ki seulmint "1" est diferin).
Li francès est on lingaedje del prumire sôre:
- 0 voiture, 1 voiture, 2 voitures
L' espagnol est on lingaedje del deujhinme sôre:
- 0 coches, 1 coche, 2 coches
Dji n' sai nén vormint pol walon, la k' on n' ôt nén l' plurial do singulî (såf po les årtikes femrins ki s' metèt pa dvant).
D' on costé, li walon est del minme famile linwistike ki l' francès, motoit k' i freut del minme manire.
D' èn ôte costé, li walon dit dj' a toumé, come li castiyan, et nén dji so toumé, come li francès.
Sol grande croejhete da Lorint ( http://croejhete.walon.org/ ) dji n' trove nole infôrmåcion so s' pont la; djusse ki, po les nos, c' esteut l' rîle dins l' vî scrijhaedje walon di n' måy mete di måke di plurial, la k' i n' a nole oyåve diferince.
eg: lèz granz trô (po les grands trôs asteure)
çou ki n' nos aide nén télmint :)
Avou nou/nole c' est tofer li singulî (c' est insi eto e castiyan, on dit bén "ningún coche"); mins avou zero/sins/pont di/... dj' a sovint veyou scrît avou l' måke do plurial e walon.
C' est eto cisse rîle la k' est shuvowe dins les ratournaedjes infôrmatikes (c' est oblidjî di defini l' algorisse des plurials po les ratournaedjes).
Mins on trove eto des scrijheus ki n' metèt pont d' s; metans: "ene måjhone sins finiesse"
S' i fåreut dire "blanke finiesse", comint dirîz vs:
- ene måjhone sins blanke finiesse, ou
- ene måjhone sins blankès fniesses ?
Candjî pol dierin côp pa Pablo Saratxaga, li dim 30 set, 2007 22:55:05; candjî 1 feye |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: dim 30 set, 2007 20:06:21 Sudjet: |
|
|
M' maujone n' a (pont) d' (blanke) fènièsse.
L' maujon, vêla, branmint d' fènièsses, nén iène di blanke.
Dins m' potche, pont d' caur, di liard, d' aidant...
C' èst m' n' idêye
èt l' francès a lès minmès racènes ki l' walon, k' èst, li, l' pus vî, l' pus près do roman.
Dji m' va sayî d' î ranchî po vîre kwè mins, c' n' èst nén po ça k' ça va polu dîre tchèrète
paski, lès vîs sicrijâdjes èt lès riles di creujète ni vont nén sovint èshène. |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: lon 01 oct, 2007 19:18:18 Sudjet: |
|
|
Voci sakants ècsimpes dins lès vîs sicrîjaedjes do XIime sièke:
"Mahumet levent en la plus halte tur :
n'i ad paien nel prit en ne l' aort"
"Non i fud naz emfes anceys"
"Maint gentil home aveit occis"
"De marbre de mainte color
Granz sis toises ot de hautor"
"A quelqu' ennui, a quelque painne"
Avou çoula nén moyin d' dècider. Por mi, kwand i nda pont, nén dandjî d' mète on "s"... |
|
Rivni al copete |
|
|
jacques
Date d' arivêye: 2007-01-01 Messaedjes: 25
|
Date: mie 03 oct, 2007 12:41:15 Sudjet: |
|
|
Po m' part, dju dis" sins blankès finièsses" |
|
Rivni al copete |
|
|
Maisse Arsouye
Date d' arivêye: 2005-07-04 Messaedjes: 194 Eplaeçmint: Djiblou
|
Date: mie 03 oct, 2007 15:08:56 Sudjet: |
|
|
Dji direu "sins blankès finièsses" eto. _________________ Rissaetchî-vos di m' solia ! |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|