Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Rifondou walon ey esperanto
Potchî al pådje Di dvant  1, 2
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: vén 04 dja, 2008 21:43:17    Sudjet: Li cene da Marcel Slangen Responde tot citant

Li cene da Marcel Slangen

(dins Djåzans walon, Noyé 2007)

Nosse bon camarade Paul-Henri Thomsin a-st-ataké çou qu'on pout loumer ine «campagne» conte li «r'fondou walon». Vos avez polou trover in-artike so l'sudjèt è Buletin walon dèl Fèdèråcion dè meûs d'nôvimbe, wice qu'il èspIike -è francès- tot l'må qu'i tûze di cisse novèle manîre dè voleûr sicrîre nosse walon.

Nos-èstans po l'pus sûr di s'costé cwand i dit qui ç'lingadje la n' arè may si plèce amon nos-ôtes, d'ot'tant qu'l'îdèye prumîre dès cis qu'ont tûzé a çoula n'èsteût nin dè fé on novê walon, mins dèl sicrîre d'ine ôte manîre, ine ôrtografe qu'areût racovrou lès walons d'tote li Walonerèye.

Et c'èst vrèy qui cwand on lét l'fwért bê roman d'a Lorint Hendschel, "So l'anuti", par ègzimpe, on r'troûve cisse vol'té la dè s'fé comprinde tot-avå. Et çoula n'candje qui l'walon qu'on lét, èt nin l'walon qu'on djåse. Insi par ègzimpe, tot vèyant tchestea, li Lîdjwès lérè Tchèstê èt l'Namurwès Tchèstia ...

Målureûsemint, i fat dîre qu'i-n-a dès cis qu'ont r'mètou la-d'ssus dès novês mots qu'i n'a qu'zèls qui lès comprindèt èt qui discorèdjèt lès léheûs.

Adon i fat bin dîre qui totes cès-îdèyes, bones po-z-ataker, tot come l'esperanto qu'Paul-Henri done come ègzimpe, n'ont wêre di tchance dè viker, la qu'lès djins ont dèdja leû lingadje d'a zèls qu'il ont-st-avu bin dèl ponne a-z-aprinde.

Djans, qui nosse Paul-Henri s'rapåh'tèye : nos-èstans bin d'acwérd avou lu : «Li rfondou walon» ne s'installera pas dans nos chaumières. Je sais que vous n'en voulez pas.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: vén 04 dja, 2008 22:18:28    Sudjet: Responde tot citant

(rimetou e rfondou so "Toudi")

http://forum.toudi.org/viewtopic.php?p=41554#41554
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: sem 09 fev, 2008 15:15:50    Sudjet: Li cene da Gauditiaubois Responde tot citant

Si dji comprint bén Thomsin trove ki lès walons dèl province di lîdje sont trop bièsses po lêre lu rfondou. c'est seurmint vrê... Dins lès 3 autès provinces, ça va bén, faut dîre k'nos-astons pus malins. Ouf, ti!

André Gauditiaubois, li 7 di decimbe 2007.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mie 19 mås, 2008 22:00:31    Sudjet: Lete a P.H. Thomsin Responde tot citant

Lete a P.H. Thomsin po loukî do rmete les catches e for

Binamé fré walon,

Dji vos evoye, cial djondant, li Rantoele 45 ki Pablo Sarachaga î respond a vosse lete (p. 15).

Dji croe ki, po clôre li cayet, nos n' nos divréns nén sifwaitmint margayî. Nos fjhans l' minme bouye. Vos, vos sayîz di resprinde li blame do walon emey les cis k' end ont co sovnance. Nozôtes, nos aprestans on sistinme po ki, si cisse blame la rifwait on ptit feu, on såye (on sepe) cwè fé avou.

Nos arinnans eto les cis ki n' ont nole sovnance do walon, po basti leu cnoxhance : nou vîs parints kel djåzént, nou camaeråde, et hay vos nd åroz.

Et, emey les Walons, les cis k' ont vnou å monde e nosse pitite patreye u les cis k' î ont-st arivé enawaire, gn a dpus d' pareys ki des ôtes !

Nos ovrans dins l' minme cinse; mî : nos estans l' minme cinsî. Vos ramexhnez les dierinnès grinnes k' i dmeure do dvere. Nozôtes, nos aprestans l' tere po ki, dins 20, 30, 100 ans, ces grinnes la, k' åront djermé, trovénxhe la wice si rsemer, et nosse tere walone esse reverieye.

Croeyoz bén ki dji m' fwai må tchaeke côp ki des waloneus si margayèt po des cawes di ceréjhes. Dabôrd kel Tchant des Walons riclame, hôt et foirt :

On s' voet voltî inte frés del Walonreye
Et on-z est presses, onk l' ôte, a s' diner l' mwin.


Ki ça vos våye bén.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje Di dvant  1, 2
Pådje 2 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group