|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3663 Eplaeçmint: Sidi Smayil, Marok
|
Date: sem 14 nôv, 2009 20:34:13 Sudjet: Passaedje Motî da Stasse => rifondou walon |
|
|
Cial a môde di kesse => response.
On pout dedja scrire :
å dimeure å
ô dimeure ô
è divént å pus sovint e
h dimeure h (hèpe => hepe) "H primaire", ubén divént xh (hame => xhame, pèhon => pexhon); jh (prîhon => prijhon) ou sch (hover => schover). C' est d' après l' prononçaedje di ces mots la après Nameur et Tchålerwè.
li cawete -ê (tchapê, tchèstê) divént -ea (tchapea, tchestea)
les ôtes a fwait... _________________ Li ci ki n' a k' on toû n' vike k' on djoû.
Candjî pol dierin côp pa lucyin, li lon 16 nôv, 2009 21:51:31; candjî 2 feyes |
|
Rivni al copete |
|
|
Gaytan
Date d' arivêye: 2009-11-14 Messaedjes: 46 Eplaeçmint: Batice (Payis d' Heve)
|
Date: lon 16 nôv, 2009 20:30:20 Sudjet: Re: Passaedje Motî da Stasse => rifondou walon |
|
|
lucyin scrijha: |
Cial a môde di kesse => response.
On pout dedja scrire :
å dimeure å
ô dimeure ô
è divént å pus sovint e
h dimeure h (hèpe => hepe) "H primaire", ubén divént xh (hame => xhame, pèhon => pexhon); jh (prîhon => prijhon) ou sch (hover => schover). C' est d' après l' prononçaedje di ces mots la après Nameur et Tchålerwè.
li cawete -ê (tchapê, tchèstê) divént -ea (tchapea, tchestea)
|
Bonswer,
merci bråmint des côp po vosse aidance. C'est ene foirt boune idêye li passaedje Motî di Stasse e rifondu. Dj' aprindrè pus åjheymint avou çoula. I shonne ki çoula n' est nén foirt målåjhey.
Disk' a pus tård alôrse _________________ Gaytan |
|
Rivni al copete |
|
|
lucyin
Date d' arivêye: 2005-07-07 Messaedjes: 3663 Eplaeçmint: Sidi Smayil, Marok
|
Date: lon 16 nôv, 2009 21:45:40 Sudjet: |
|
|
Come di djusse, dj' a cmincî pa les pus åjheyès sacwès :
Endè vla co :
* li cawete -èye (abèye, åhèy, Walon'rèye) dimeure -eye (sins accint) : abeye, åjhey, Walonreye
* les "eû" :
** loukîz si c' est on eu, eur... e francès => eu (sins accint e rfondou) : pèheu (Fr. pècheur) => pexheu, minteû (fr. menteur) => minteu; amoureûs => amoureus; spèpieûs => spepieus
** si c' est on "oi" e francès => oe e rfondou : peûs (Fr. poix) => poes; teût (Fr. toit) => toet; saleû (Fr. saloir) => saloe (pask' a Nameur, c' est pwès, twèt, salwè).
Dji ratin vos kesses. _________________ Li ci ki n' a k' on toû n' vike k' on djoû. |
|
Rivni al copete |
|
|
Gaytan
Date d' arivêye: 2009-11-14 Messaedjes: 46 Eplaeçmint: Batice (Payis d' Heve)
|
Date: sem 21 nôv, 2009 14:20:22 Sudjet: Betchetes eyet cawetes |
|
|
Bondjoû,
li betchete multi est eployeye e walon di Lîdje mins nén e rfondu. Pa egzimpe li mot francès "multiplier" est multipliyî e lidjwès eyet mopliyî e rfondu. Dji n' a trové k' treus mots e rfondu avou l' betchete mopli. Kimint ratourner tot les mots francès avou multi. Kénés betchetes eyete cawetes francèses n' egzistét nén e rfondu. Kimint les ratourner? _________________ Gaytan |
|
Rivni al copete |
|
|
lucyin
Date d' arivêye: 2005-07-07 Messaedjes: 3663 Eplaeçmint: Sidi Smayil, Marok
|
Date: sem 21 nôv, 2009 20:36:29 Sudjet: |
|
|
"multi-" latén n' a nén arivé e walon (ni e francès) dissu cisse cogne la. "multipliyî", "multipliyè", "multipliyer", c' est des calcaedjes do francès k' ont dvou passer e walon diviè 1900-1950.
Li pus près-parint di "multi-" e walon, c' est "mo" [fr. très, moult], mins ci mot la n' a nén stî wårdé a Lidje, djusse so l' Årdene (disfondowes : "mo" diviè Bastogne et Nåwinne; "mou" so l' Årdene nonnrece).
So Tchålerwè, on-z a co ci mot la : "môpliyî", k' a stî rfondou "mopliyî", veyanmint li rfondaedje di "mo".
Tos les mots avou multi- e francès, ni vnèt nén DIREK do latén : c' est des noûmots savants fwaits a cmincî do 17inme sieke.
Kimint les ratourner e walon ?
Dj' a sayî di reployî on côp u deus "mo" :
* pronom "ki" multifonctionnel = > prono "ki" mo-ovrant.
Ôtrumint, i fåt fé ene perifråze :
Loukîz a "multi-sectoriel", k' on m' a dmandé lanawaire :
http://wa.wiktionary.org/wiki/multi-sectoriel
Dji respondrè ås ôtes kesses londi.
Kçvvb (ki ça vos våye bén) _________________ Li ci ki n' a k' on toû n' vike k' on djoû. |
|
Rivni al copete |
|
|
Gaytan
Date d' arivêye: 2009-11-14 Messaedjes: 46 Eplaeçmint: Batice (Payis d' Heve)
|
Date: sem 28 nôv, 2009 20:49:53 Sudjet: Passaedje Motî da Stasse => rifondou walon |
|
|
Bondjoû,
dins l' diccionaire da Simon Stasse, dj' a trové li mot sûre po l' francès suivre. Est-ce li minme ke shure e rfondu? Shure est-i on sinonime di shuve? _________________ Gaytan |
|
Rivni al copete |
|
|
lucyin
Date d' arivêye: 2005-07-07 Messaedjes: 3663 Eplaeçmint: Sidi Smayil, Marok
|
Date: dim 29 nôv, 2009 11:38:29 Sudjet: |
|
|
on-z a prins on dobe rifondaedje :
* shure pus près di sûre (Lidje), sîre (Basse Årdene), chûre (Nameur)
* shuve pus près di chûve (Tchålerwè, Simwès), swève (Hôte Årdene)
"shure" si codjowe come "plaire" => nos shujhans (lg "sûhans"; Basse Årdene "sîjans", Dinant "sîyans")
"shuve" si codjowe erîlêymint po les viebes del 5inme sôre (bodje A = bodje B= shuv-)
A mi idêye, c' et cisse-lale ki serè l' pus eployeye a l' avni, pask' elle est pus simpe.
Dji les radjoute cial :
http://wa.wikipedia.org/wiki/Dobe_rifondowe#mots_.C3.A5_mierp.C3.AE
Loukîz eto so les 2 djermons do Wiccionaire
http://wa.wiktionary.org/wiki/shuve
http://wa.wiktionary.org/wiki/shure _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|