Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Consonne sonore & sourde; soft & hard consonants
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: mie 18 may, 2011 20:04:35    Sudjet: Consonne sonore & sourde; soft & hard consonants Responde tot citant

Consonne sonore & sourde; soft & hard consonants => doûce et deure cossounes.

Dj' a lontins croeyou ki c' esteut l' årvier di çou k' est so:
http://wa.wikipedia.org/wiki/Cossoune

ki vént del pitite croejhete da Hendschel:
http://users.skynet.be/lorint/picr/node20.html

ASTEME ! nén cweri di comprinde ci rindjmint la a pårti d' l' inglès: c' est tot ôte tchoi :
http://answers.yahoo.com/question/index?qid=20071117181005AA78xnG

I shonne k' on-z a rprins li rindjmint do neyerlandès et suwedwès :

Citåcion:
cist årtike la
FINALLY --and this is to me the MOST confusing!-- is the use of "soft" and "hard" when describing certain other European languages to refer to a completely DIFFERENT distinction between consonants. The following pages on Swedish Dutch and Scottish refer to "unvoiced" stops (p, t, k) as "hard consonants", and the "voiced" versions of these stops (b, d, g) as "soft consonants". I have NO idea why! (I actually would have thought that, if you're going to use "hard" and "soft" for this distinction, the "harder" ones would be those that USE the voice!)


Nén merveye ki dji maxhive må les djotes. Dj' aveu l' minme idêye ki l' ome vaici ki B, GU, Z estént pus deures ki P, C, S.

Bon, on wåde li sistinme Hendschel, mins i fåt saveur dou çk' i vént.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: mie 18 may, 2011 20:31:07    Sudjet: Responde tot citant

Li waibe
http://www.dutchgrammar.com/en/?n=SpellingAndPronunciation.23

dit come nozôtes.

Mins, sol Wiki,

http://nl.wikipedia.org/wiki/Medeklinker

c' est come so les ôtes lingaedjes :

cossounes sins vwès : p, t, k

cossounes vuzlêyes (di "vuze", on vî mot ritrové pa Djôr po "vwès") : b, d, g : les coides del vwès djouwèt po lzès prononcî.

doûcès cossounes (b, d, g) => vuzlêyès cossounes en: voiced consonants; nl: bestemde medeklinkers

durès cossounes : (p, t, k) => cossounes sins-vuze u: disvuzlêyès cossounes en: unvoiced consonants; nl: stemloze medeklinkers

adurixhmint des cossounes å coron => disvuzlaedje des cossounes å coron ou: divuzlaedje (ki court mî ki "diSvuZlaedje")
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mie 18 may, 2011 21:07:24    Sudjet: Responde tot citant

Pocwè aler vey li neyerlandès et l' suwedwès ? C' est purade do costé do francès, di l' italyin, do spagnol et do portuguès ki nos fåt cweri.

Iatlyin : sorde / sonore
Francès : sourdes / sonores
Portuguès : surdas / sonoras
Spagnol : sordas / sonoras
Catalan : sordes / sonores

Adon, por mi, i fårè rprinde ci mode là pol walon. Nosse langaedje vént do latén, nén do vî-tixhon.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 19 may, 2011 8:19:36    Sudjet: Responde tot citant

"Vuze" ???
Ritrové èwou, dins kwè ?
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: dju 19 may, 2011 12:44:30    Sudjet: Responde tot citant

djozewal scrijha:
"Vuze" ???
Ritrové èwou, dins kwè ?


dji croe k' c' est dins les vîs Noyés.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: dju 19 may, 2011 12:47:19    Sudjet: Responde tot citant

Maisse Arsouye scrijha:
Pocwè aler vey li neyerlandès et l' suwedwès ? C' est purade do costé do francès, di l' italyin, do spagnol et do portuguès ki nos fåt cweri.

Iatlyin : sorde / sonore
Francès : sourdes / sonores
Portuguès : surdas / sonoras
Spagnol : sordas / sonoras
Catalan : sordes / sonores

Adon, por mi, i fårè rprinde ci mode là pol walon. Nosse langaedje vént do latén, nén do vî-tixhon.


L' aroke, c' est k' i gn a nou åjhey mot po "sourd" & "sonore" e walon:

sourdåd, storné po [sourd] ni va nén po les cossounes
sonore = ? brutiante ? cial eto, c' est veyou d' mwaijhe pårt.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 19 may, 2011 15:59:29    Sudjet: Responde tot citant

lucyin scrijha:
djozewal scrijha:
"Vuze" ???
Ritrové èwou, dins kwè ?


dji croe k' c' est dins les vîs Noyés.


Haust done "vûse" à Visé, Mamdi...( musike èt plorer)
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1147
Eplaeçmint: Oûpêye

MessaedjeDate: vén 20 may, 2011 0:57:09    Sudjet: Responde tot citant

Dji n' sai nén kî a-st advinté l' prumî l' lomaedje e walon; mins i m' shonne ki l' idêye c' est k' i gn a des sons ki sont setchs, seurs, deurs, foirts et ds ôtes pus flouwants, soucrés, doûs, tenes.

Li lomaedje "avou ou sins vwès" est on discrijhant lomaedje; dismetant ki l' lomaedje deure/doûce est on lomaedje di sintiaedje, çou k' on rsint åd fwait di ces cossounes la.

PS: sol wikipedia dji voe ki foirt/fwebe (mins e latén, fortis/lenis) est on vî lomaedje eployî dins linwistike des lingaedjes tîxhons.
http://en.wikipedia.org/wiki/Fortis_and_lenis
Eyet eto dins http://fr.wikipedia.org/wiki/Orthographe_du_breton on lét l' eployaedje e francès di voyales "durcies" et "adoucies" avou l' minme sinse k' e walon.

I m' shonne ki cisse manire la di lomer les cossounes est foirt corante, do moens po les lingaedjes k' ont mezåjhe d' ene sifwaire opozucion b,d,v,z,.../p,t,f,s,...

Mi c' est l' lomaedje "sourd/sonore" ki dji n' a måy polou mwaistri, la k' i m' shonne todi ki dvreut esse å rvier (paski, djustumint, "sourd" ça m' fwait pinser a ene sacwè di setch/côpant/foirt/deur, dismetant ki "sonore" ça m' fwait pinser a ene sacwè di flouwant/andoûlant/tene/doûs).
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Feintisti



Date d' arivêye: 2005-12-27
Messaedjes: 19
Eplaeçmint: Lidje

MessaedjeDate: vén 20 may, 2011 14:14:19    Sudjet: Re: Consonne sonore & sourde; soft & hard consonants Responde tot citant

Citåcion:
The following pages on Swedish Dutch and Scottish refer to "unvoiced" stops (p, t, k) as "hard consonants", and the "voiced" versions of these stops (b, d, g) as "soft consonants". I have NO idea why!

"Soft" vout ossu dire mole, ledjire...

El evolucion des romans lingaedjes, on voet k' les "sourdådes" divnèt sovint vuzlêyes inte deus voyales, et sovint s' rabatèt etermint.
Dji croes k' on s' sierveut d' cis mots po dire ki l' cossoune a vwè esteut moens "mårkêye" ki l' sourdåde cossoune, pask' ele aléve avou l' voyale di dvins ou d' drî (on s' sierve del minme vwè).
_________________
Feintisti

Li toirdou åbe vike pus lontins ki l' åbe droet, li taeyeu d' legne ni pout nén l' côper.
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: sem 21 may, 2011 11:44:07    Sudjet: Responde tot citant

Gråces po totes les responses.

Po continter tertos, dji va mete tote li sinonimeye so Wikipedia.

Ene doûce cossoune ou ou vuzlêye cossoune ou sounante cossoune ou mole cossoune ... [fr: consonne sonore ou voisée; en:voiced consonant; nl: zachte medeklinker, gestemde medeklinker, stemhebbende medeklinker; romans lingaedjes : sonora...] Asteme, l' atuze inglesse di "soft consonant" vout dire ôte tchoi.

Ene deure cossoune ou divuzlêye cossoune ou cossoune sins-vuze ou soude cossoune ... [fr: consonne sourde ; en:unvoiced consonant; nl: harde medeklinker, stemloze medeklinker medeklinker; romans lingaedjes : sorda...]. Asteme, l' atuze inglesse di "hard consonant" vout dire ôte tchoi.

Li passaedje do prononçaedje /d/ => /t/ dins on mot come /gade/ si lome : adurixhmint ou divuzlaedje des doûcès cossounes å coron

L' alondjmint otomatike do prononçaedje des voyales I, U & OU si fwait divant les doûcès cossounes ou vuzlêyès cossounes:

live => /lîf/ (fr: [livre & lièvre])
soude => /soût/ (fr: [sourde & sourdre])
Lidje => /lîtch/
shuve => /chûf/
liberté => /lîbèrté/ (prononçaedje corant a Lidje)
uzer, aduzer => /ûzé/ /adûzé/
teribe => /tèrîp/ ((prononçaedje corant a Nameur)

Po cisse fonccion la, R si codût come ene doûce cossoune
cure => /kûr/
boure, moure => /boûr/ /moûr/
shure => /sûr/

Va-t i ?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: sem 21 may, 2011 14:57:03    Sudjet: Responde tot citant

So wiki :
* Dj' a metou des hårdêyes, sins candjî l' tecse, so:
http://wa.wikipedia.org/wiki/Cossoune

* Dj' a fwait deus pådjes, loyeyes avou les cenes do francès "consonnes sonore" & "consonne sourdes", et riloyeyes eto avou l' restant del documintåcion e walon:

http://wa.wikipedia.org/wiki/Vuzl%C3%AAye_cossoune
raloyeye a:
http://wa.wikipedia.org/wiki/Do%C3%BBce_cossoune

eyet:
http://wa.wikipedia.org/wiki/Divuzl%C3%AAy%C3%A8s_cossounes
raloyeye a:
http://wa.wikipedia.org/wiki/Deure_cossoune

Ça m' a fwait toumer so ene sacwè del grosse croejehte da Hendschel ki n' a nén stî ritnowe e rfondou d' asteure.
http://wa.wikipedia.org/wiki/Vuzl%C3%AAye_cossoune#Divuzlaedje_des_do.C3.BBc.C3.A8s_cossounes_do_dierin_p.C3.AE_des_addjectifs_femrins_pluriyals_metous_padvant

... çou ki mostere k' on djoû, i fåreut dire parey so totes les waibes ki djåznut do rfondou!!!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Feintisti



Date d' arivêye: 2005-12-27
Messaedjes: 19
Eplaeçmint: Lidje

MessaedjeDate: dim 22 may, 2011 1:00:25    Sudjet: Responde tot citant

Si on atake li linwince e walon, c' est motoit on djoû k' on pôrè dner des classes a l' univiersité ! Laughing

lucyin scrijha:
... çou ki mostere k' on djoû, i fåreut dire parey so totes les waibes ki djåznut do rfondou!!!

Djåzer, c' est on mot e lidjwès, mins -nut, c' est ene finåle come e namurwès... On pout fé des afwaires insi e RW? Laughing Li croejhete a dné li referince: "i tchant-èt".
_________________
Feintisti

Li toirdou åbe vike pus lontins ki l' åbe droet, li taeyeu d' legne ni pout nén l' côper.
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group