Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Les mediaminteus

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 27 awo, 2011 19:00:54    Sudjet: Les mediaminteus Responde tot citant

Vormint, ça fwait on bon moumint ddja ki dji n' riwaite pus les noveles ezès tchinnes come RTB, TF1, evnd.
Les mintes k' i djhèt a tot côp bon sont disgostantes.

On pout tuzer ki c' est målåjhey di saveur si c' est des mintes ou des vraiyes; mins po les sacwès ou evenmints ki dj' a des bounès infôrmåcions, di prumire mwin, avou des prouves, pa des côps ki dj' a mi minme veyou d' mes ouys; po ces sacwès la dji pou esse seur a 100% cwand dji voet-st ene minte.
Et ça m' a fwait m' dismefiyî pol restant.

Et bén sovént, cwand dj' arive, des djoûs, des moes, pa côps des anêyes après, a trover des infôrmåcions, adon ça vént confirmer m' dismefiyance: c' esteut bén des mintes.

Dj' a stî kékès djoûs e vacances, lon erî del Daegntoele et des telefones; dji n' pola vey ki l' TV. Li TV ki dit k' les "rebeles" libyins ont pris l' mwaisse veye, ki tot est houte, ki les "bons" ont wangnî eyet les "måvas" pierdou...
awè...

La ki dj' rintere, et ki dj' pout lére et vey des infôrmåcions nén mostrêyes pal cinseure oficire.
Dj' aprind ki Tripoli n' est nén prijhe påzès "rebeles", mins seulmint kékès bokets; ki ça sereut minme ene sitratedjeye po les prinde å golet. Vraiy ou nén? dji n' sai nén co; mins d' çoula l' TV d' avår ci n' end a rén dit.
Dj' aprind eto ki des "gaztîs" estazunyins mancèt leus colegues ki djåzèt trop francmint; les cis d' CNN ont dit a des gaztîs di TeleSUR eyet di RussiaToday di n' nén djåzer d' AlQaeda, sins cwè i pôrént bén mori.
Dj' aprind ki des oficîs "rebeles" k' i gn a djåzèt avou èn accint irlandès... mins nerén, li TV bedje nos dit ki ça sereut "Kadafi" k' a des merçunaires (sins dner nole prouve), mins des etrindjirs a hopes dins les rangs des "rebeles" on n' lome nén çoula des merçunaires.
C' est l' veur k' on n' est nén a on ctoirdaedje di mots près; li minme TV dit ossu, sins rodji, k' on tape des bombes so les scoles po protedjî les efants. Notez, c' est nén novea, tins del guere siconte li Vietnam i gn a-st avou ene djin po dire ki l' viyaedje aveut stî distrût po l' schaper.

Dj' aprind ossu, et c' est co pus gråve, end a-t on cåzé å posse? ki po preprarer l' atake siconte Tripoli l' OTAN a lancé si pus grand bombårdumint, so ene djournêye i gn ourit ostant d' moirts ki so les 6 moes di dvant.
Dj' aprind ossu ki les imådjes mostrêyes å posse sont fåsses, filmêyes di sor on platea d' cinema.
Dj' aprinds k' i gn a des sôdårds do Qatar sol terén, avou leu-z ekipmints, leu tanks, leu drapea. (a, eyet leu tchinne di televuzion, AlDjazira, ki dispoy li cmince sieve di coroye di transmission pol propagande di guere di l' OTAN).

Bén seur, vos ploz croere çoula ou nén.

Mi dj' pinse k' ene djin ki pout ôre l' istwere des deus costés a pus di tchances d' aprepyî del verité.

Pocwè nos medias n' nos mostrèt i måy k' on seu costé?
A croere k' i sont zels minmes d' onk des costés, dowô?

A vos d' lére, a vos d' cweri, a vos d' tuzer.

Kékès plaeces wice ki vos ploz cweri, so ç' tinme ou co des ôtes, èn ôte son d' clotche:

e francès:
http://www.michelcollon.info/
http://www.voltairenet.org/
http://www.legrandsoir.info/

e castiyan:
http://www.telesurtv.net/
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 27 awo, 2011 19:35:23    Sudjet: Re: Les mediaminteus Responde tot citant

Pablo Saratxaga scrijha:

Dj' aprinds k' i gn a des sôdårds do Qatar sol terén, avou leu-z ekipmints, leu tanks, leu drapea. (a, eyet leu tchinne di televuzion, AlDjazira, ki dispoy li cmince sieve di coroye di transmission pol propagande di guere di l' OTAN).


C' est l' veur k' aeyir, sol Djazira, gn aveut, après les imådjes des revinteus, sins unifoûmes, on responda d' on sôdår bén moussî, avou ene bele båbe bén rtaeyeye et bén prôpe. Dji n' kinoxhe nén assez les accints di l' arabe po saveur si c' est on Qatarî u nén, mins ça pôreut bén nd esse onk. Il estént dilé ene rafinreye.

Londi, i djhît k' il avént apicî deus des fis Gaddafi, pu mårdi, i s' disdijhént.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 28 awo, 2011 11:33:23    Sudjet: Responde tot citant

So Wiki, tot sayant di dmorer neute :

http://wa.wikipedia.org/wiki/Guere_civile_libyinne
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 28 awo, 2011 19:19:37    Sudjet: Responde tot citant

Ene guere civile c' est ene guere etur deus bindes d' on minme payis.

Mins chal c' est nén çoula, c' est ene guere etur les årmêyes di l' OTAN eyet l' Libeye.
Ci n' est nén pask' i gn a ene pougnêye di libyins (et co di pus d' ôtès arabes) a mostrer dvant les cameras ki ça candje li rapoirt di foices.

Djåzer di "guere civile" c' est nén neute; c' est l' pont d' vuwe d' ene des pårteyes.

Li pus neute ci sereut di djåzer seulement di "guere".

Eyet l' contnou di l' årtike n' est nén neute nerén; metans, totes les imådjes ki vos avoz metou sont po onk des costés.
Pocwè nole imådje des bombårdumints so Tripoli, nole imådje des metingues avou l' vete drapea (nén seulmint el Libeye, mins dins bråmint des payis), nole imådje des touwaedjes raecisses des "rebeles"...
Vos djhoz eto ki l' guere sereut ddja hoûte... adon k' on s' bate co tot avå.

Et sol Sireye, la eto vos n' estoz nén neute; vos metoz çou k' est dit påzès medias di l' OTAN, ki vôrént bén fé l' minme k' avou l' Libeye (mins, l' Sireye n' a nén fwait les boudes del Libeye, di dismantler si årmumint siconte des avions, do côp, pont d' "aidance" di l' OTAN po les "revinteus")
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 29 awo, 2011 0:17:37    Sudjet: Responde tot citant

Wikipedia, c' est tertos eshonne. Vos ploz rmete ene paltêye, tot waitant çou ki si scrît so les ôtes Wiki, li castiyan u l' catalan, metans.

Sol tåve del Rantoele, dj' a metou "guere di Libeye".

Po les fotos, on pout candjî, s' end a des cenes ki mostrèt les distrujhaedjes di l' OTAN so les Cmons.

Pol Sireye, dji croe ki c' est tolminme ene vraiye revintreye di tot l' peupe, et pattavå l' payis.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: lon 29 awo, 2011 14:39:46    Sudjet: Responde tot citant

Citåcion:
Mi dj' pinse k' ene djin ki pout ôre l' istwere des deus costés a pus di tchances d' aprepyî del verité.

Pocwè nos medias n' nos mostrèt i måy k' on seu costé?
A croere k' i sont zels minmes d' onk des costés, dowô?

A vos d' lére, a vos d' cweri, a vos d' tuzer.

Kékès plaeces wice ki vos ploz cweri, so ç' tinme ou co des ôtes, èn ôte son d' clotche:

e francès:
http://www.michelcollon.info/
http://www.voltairenet.org/
http://www.legrandsoir.info/

e castiyan:
http://www.telesurtv.net/


Bén seur ki les medias d' amon nos-ôtes sont do costé d' l' OTAN et des rebeles. Et avou tos les cwårs k' ons a rsatchî des gazetes i n' ont pus trop les cwårs po verifyî so plaece.

Mins vos sourdant i n' sont nén pus neute (mins vos l' dijhoz vos minme, i sont d' l' ôte costé).
Michel Collon eyet l' Grand Soir sont des gaztîs/gazete di gôtche anti amerikinne. Li moenneu do Réseau Voltaire eyet s' mwaisse sourdant pol Liban si dit lyi-minme "protche" del Jamahiriya. Il est voet voltî l' Hezbola eyet des payis come l' Iran, li Venezouwela ou co Cuba. Tertos des payis sconte les Amerikins et l' imperialisse occidintå et aloyîs po des cis avou Kadafi. Tant k' a Telesur, c' est l' TV do Venezouwela eyet elle est avou Chavez.

Nosse Meyssan n' avance nole prouve såf si parole. Nén d' dipus k' les ôtes gaztîs. Dire ki les djins ki sont-st avou les revinteus n' sont k' ene pougnêye ça n' est ossu k' des paroles dites insi e l' air sins prouves. Sovint i repete djusse li propagande di Khadafi (oyi, lyi eto i ndè fwait).

Mins çou k' est l' vraiy c' est kel vraiy si trove inte les deus mins nén todi do costé k' on vôreut (ça, a tchaekonk di fé si idêye...).

Ene afwaire ki shonne bén vraiy c' est k' l' OTAN a bén aidî les rebeles pa ls airs avou les bombes. Çou ki shonne seur ossu c' est k' les fôces sipeciåles britanikes et motoit eto francesse on moenné (et moennnèt) l' sitratedjeye del batreye d' Tripoli.

Çou k' est vraiy eto c' est k' c' est ene mannete guere e k' i gn a yeu des "bavures" del pårt des revinteus eyet d' l' OTAN. Minme des belès mangonreyes. Mins cwè dire des cisses do redjime di Khadafi? Dji ndè voet nén on seu mot dins vos sourdants.

Vos alez vey, dins deus samwinnes, i candjront co leus istwere paski ça n' va nén avou çou k' il avént dit pa dvant. Cwand on voerè kel vete plaece eyet l' palås on vraiymint stî prins podbon.

Dji dit ça mins dji n' dit rén.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 29 awo, 2011 16:03:22    Sudjet: Responde tot citant

Mins l' manire di moenner da Kadafi n' a rén a vey dins l' istwere, et n' end a måy rén yeu a vey.

Dins l' tins, i gn egzistéve çou k' on loméve "droet eturnåcionå", ki djheut k' on payis n' pout nén ataker èn ôte.
Asteure, on-z a rivnou en erî ås tins coloniås; li guere siconte del Libeye c' est del minme sôre ki les gueres di l' opiom siconte del Chine.

Li Libeye a stî distrûte nén cåze di çou k' Kadafi a fwait ou nén ådvins di s' payis; mins cåze di çou k' i fjheut ådfoû, copurade en Afrike: i costrujheut ptit a ptit des instuitucions eyet tcherpintes redjonåles afrikinnes ki permetèt-st a l' Afrike di s' diswalper sins mezåjhe di l' Urope; par egzimpe c' est gråces a çoula ki l' prumî spoutnik afrikin a stî enondé i gn a waire.

Si l' fwait di fé del repression eyet touwer des djins esteut l' critere, pocwè çki l' OTAN n' atake nén l' Inglutere? i gn a-t i, å livea del violince, tant do costé des revinteus, i do costé des foices di l' Estat, ene si grande diferince etur çou k' s' a passé a Londe eyet çou k' s' a passé a Benghazi å cmince?

PS: telesur n' est nén l' tv do Venezwela, mins ene tchinne avou pårticipåcion di sacwants payis (6 pol moumint, si dji m' sovén bén), del minme manire ki arte n' est nén l' tv del France mins ene tchinne franco-almande.

Et ene dierinne sacwè: dji n' riprotche nén åzès medias ou djins pro-OTAN di sotni l'OTAN et les gueres siconte des arabes si c' est la leu-n idêye; dji lzî rprotche di minti, c' est nén l' minme!
Paski a nou moumint les medias n' ont dit k' i sotnèt l' guere conte li Libeye pask' i n' estént nén d' acoird avou si politike eturnåcionåle ou k' i pinsèt k' on govienmint aloyî a l' Urope sereut mî; neni, il ont stî advinter des mintes, come cwè les avions do govenmint avént touwé 6000 djins, ou co ki l' OTAN vou 'protedjî des civils", ou co k' i gn a des åres di mierdistrujhaedje, des påpåds ki sont rsaetchîs d' leus coveuses, des tchårnîs a Timishoara, evnd. Oyi, dji sai, i gn a des mntes d' ôtès gueres, c' est ki, målureuzmint, cisse manire di fé n' est nén nouve. Et c' est paski c' est nén novea ki ça m' disbåtche télmint di vey des djins ki s' leyèt-st emantchî a tchaeke côp.

Do tins d' l' Impire romin il estént pus oniesses, i djhént francmint k' il atakèt les ôtes peupes po lzî rsaetchî des rançons et ndè fé des esclåves.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: mie 31 awo, 2011 14:48:41    Sudjet: Responde tot citant

Pablo Saratxaga scrijha:
Mins l' manire di moenner da Kadafi n' a rén a vey dins l' istwere, et n' end a måy rén yeu a vey.

Gn a nole payi ewou ç' k' ene djin pout dmorer 42 ans å povwer sins k' ça n' fouxhe ene dictateure. Khadafi est on dictateur, k' i feye des bounès sacwès ou nonna. Li Rwè Idrisse end esteut onk eto, nerén.
Pablo Saratxaga scrijha:

Dins l' tins, i gn egzistéve çou k' on loméve "droet eturnåcionå", ki djheut k' on payis n' pout nén ataker èn ôte.
Asteure, on-z a rivnou en erî ås tins coloniås; li guere siconte del Libeye c' est del minme sôre ki les gueres di l' opiom siconte del Chine.

Dji so d' acoird po ç' k' est d' l' atake di l' OTAN.
Pablo Saratxaga scrijha:

Li Libeye a stî distrûte nén cåze di çou k' Kadafi a fwait ou nén ådvins di s' payis; mins cåze di çou k' i fjheut ådfoû, copurade en Afrike: i costrujheut ptit a ptit des instuitucions eyet tcherpintes redjonåles afrikinnes ki permetèt-st a l' Afrike di s' diswalper sins mezåjhe di l' Urope; par egzimpe c' est gråces a çoula ki l' prumî spoutnik afrikin a stî enondé i gn a waire.

C' est kécfeye ene pårt do problinme. Gn a eto l' petrole...

Pablo Saratxaga scrijha:
Si l' fwait di fé del repression eyet touwer des djins esteut l' critere, pocwè çki l' OTAN n' atake nén l' Inglutere? i gn a-t i, å livea del violince, tant do costé des revinteus, i do costé des foices di l' Estat, ene si grande diferince etur çou k' s' a passé a Londe eyet çou k' s' a passé a Benghazi å cmince?

Les foices levantreces ont dandjî troes criteres pos ataker on payis et i fåt k' i fouxhnut tos les troes rimplis:
    Ça doet esse on payis ou gn a des problinmes di droet d' l' ome (ou l' fé croere) po k' l' opinion publike shuve;

    I fåt k' i gn åye èn interesse economike ou on mançaedje a leu såvrité (et sovint les deus)

    I fåt k' ça n' mete nén a zinguezele les rapoirts avou d' ôtes payis dandjreus et fé peter l' sitouwåcion disconte zels


C'est pol deujhinme råjhon k' i nd ont rén a peter del Burmaneye ou del Corêye Bijhrece. C' est pol troejhinme råjhon k' i n' fwaiynut rén disconte li Sireye, paski l' Iran pôreut tot fé peter avår la. Pol Chine, c' est on pô deus et troes.

Tant k' a l' Inglutere, ossu gråve ki ça pout esse, et ossu mwaijhes ki les politikes do goviernumint fouxhnuxhe, les djins on vôté po ces politikîs la et dji n' a måy oyou cåzé, a pårt dins V po Vendetta, di sicretès prijhons e Grande-Burtaegne. Åresse, on n' a waire oyou d' rivindicåcions des djins k' ont stî sketer les botikes. Ça n' est nén come les Greks, metans.

Pablo Saratxaga scrijha:
PS: telesur n' est nén l' tv do Venezwela, mins ene tchinne avou pårticipåcion di sacwants payis (6 pol moumint, si dji m' sovén bén), del minme manire ki arte n' est nén l' tv del France mins ene tchinne franco-almande.

C' est l' vraiy mins c' est ene tele "bolivåryinne" (come CNN est ene tele US) kel Venezouwela a l' mitan des pårts do capitå. Li pupårt des payis ddins (a pårt kécfeye l' Årdjintene) ont des goviernumint disconte les amerikins (sovint po des bounès råjhons). Ça n' mi sbarreu nén k' il åynuxhe ene vuzion nén pus neute ki CNN, metans.

Pablo Saratxaga scrijha:
Et ene dierinne sacwè: dji n' riprotche nén åzès medias ou djins pro-OTAN di sotni l'OTAN et les gueres siconte des arabes si c' est la leu-n idêye; dji lzî rprotche di minti, c' est nén l' minme!
Paski a nou moumint les medias n' ont dit k' i sotnèt l' guere conte li Libeye pask' i n' estént nén d' acoird avou si politike eturnåcionåle ou k' i pinsèt k' on govienmint aloyî a l' Urope sereut mî; neni, il ont stî advinter des mintes, come cwè les avions do govenmint avént touwé 6000 djins, ou co ki l' OTAN vou 'protedjî des civils", ou co k' i gn a des åres di mierdistrujhaedje, des påpåds ki sont rsaetchîs d' leus coveuses, des tchårnîs a Timishoara, evnd. Oyi, dji sai, i gn a des mntes d' ôtès gueres, c' est ki, målureuzmint, cisse manire di fé n' est nén nouve. Et c' est paski c' est nén novea ki ça m' disbåtche télmint di vey des djins ki s' leyèt-st emantchî a tchaeke côp.

Do tins d' l' Impire romin il estént pus oniesses, i djhént francmint k' il atakèt les ôtes peupes po lzî rsaetchî des rançons et ndè fé des esclåves.

C' est l' vraiy k' i gn a bråmint des mintes, a cmincî pal faitindje k' i sont la djusse po waeranti les civils.

Po ndè vni ås mintes di Thierry Meyssan, riwaitant ene miete çou k' il a raconté dispoy li cominçmint sol Libeye. Voci des afwaires ki dji n' croe nén, mins dji n' a nén les prouves, mi eto.

Moes d' djun 2011 i dit çouci:
Citåcion:
Les exactions commises par les mercenaires du prince Bandar en Cyrénaique ont terminé de convaincre bien des hésitants. La télévision montre en boucle les œuvres des leaders d’Al Qaida en Libye, dont certains ont été libérés directement de Guantanamo pour combattre aux côtés des États-Unis. Des images insoutenables de lynchage et de mutilations dans des villes érigées en Émirats islamistes, à la mode afghane ou irakienne, par des individus deshumanisés par les tortures qu’ils ont subies et excités par des drogues puissantes. Il n’est pas nécessaire d’être un vieux partisan de la Révolution de Kadhafi pour la soutenir aujourd’hui face aux horreurs auxquels se livrent les jihadistes dans les « zones libérées » par l’Alliance.

A-t i ene ôte prouve ki çoula a pårt k' on l' mostere al televuzion ? I n' fwaiynut pont d' propagande zels, seurmint...

Et ossu çoula
Citåcion:
Un groupe d’enquêteurs du Réseau Voltaire est actuellement en Libye. Thierry Meyssan, président du réseau de presse non alignée, était l’invité spécial de ce programme, le 27 juin 2011.

Cependant, une minute avant le début du programme, l’OTAN a lancé un missile ciblé sur le relais hertzien de manière à empêcher la diffusion de l’émission. L’explosion a eu lieu à proximité de la place Bab Al-Azizia où des manifestants anti-OTAN campent depuis le début du conflit. Les ingénieurs libyens sont parvenus à bricoler une autre antenne relais et le programme a pu commencer avec une heure et demi de retard. Il a fait l’objet de rediffusions. Il sera prochainement visible sur internet.

Vos croeyoz vraiymint k' l' OTAN n' a nén ôte tchoes a fé... Nolu n' conoxhe Meyssan. Ça n' est nén Ben Laden...

Li 2 d' djulete 2011
Citåcion:
Le vendredi 1er juillet 2011, les Libyens se sont rassemblés en masse à Tripoli sur la place verte et alentour. Environ 1 700 000 personnes ont manifesté pour la défense de la patrie, contre l’agression de l’OTAN.
(...)
Les autorités ont distribué 2 millions de fusils mitrailleurs aux civils pour se tenir prêts à repousser l’invasion étrangère.

A-t-i conté lyi minme ou est çki c' est co on chife diné pal télé libyinne? Motoit k' il alént cachî après leu fizik gratisse. Si dj' esteu lyi dji n' dinreu nén trop d' årmes, i pôreut årmer des revinteus. Pol resse, on n' a nén veyou les 2 miyons d' djins s' bate disconte les kékes miyés d' revinteus (800 a 1000 djins sorlon lyi dins èn ôte årtike).

I gn a 6 miyons d' djins e Libeye et 1,5 a Tripoli.

Citåcion:
À ce dispositif, s’ajoute la figure du « Guide », qui ne dispose d’aucun pouvoir légal, mais d’une autorité morale. Nul n’est forcé de lui obéir, mais la plupart le font, comme ils agiraient au sein de leur famille vis-à-vis d’un ainé, bien que rien ne les y contraigne.

Tot l' monde il est bon... Tot l' monde il est djinti (såf les Amerikins et les Uropeyins).

Citåcion:
Il faut ici observer le rapport de force politique. Le Conseil national de transition (CNT) n’a pas su se constituer de base sociale. Sa capitale provisoire, Benghazi, était une ville de 800 000 habitants. Des centaines de milliers d’entre eux ont célébré sa création en février. Aujourd’hui la « ville libérée par les rebelles » et « protégée par l’OTAN » est en fait une agglomération morte qui ne compte plus que quelques dizaines de milliers d’habitants, souvent des gens qui n’ont pas les moyens de partir. Les Benghazis n’ont pas fuit les combats, ils ont fuit le nouveau régime.

Cwè çki ndè sait, il est a Tripoli...

Li 20 d' awousse
Citåcion:
En réalité, l’OTAN a pris acte de son enlisement et ne vise plus une solution militaire classique. Sa tactique est désormais conçue pour appuyer une action politique souterraine visant à provoquer une dislocation de l’État.

L’idée est que les Libyens prêts à soutenir le CNT se comptent en dizaines ou en centaines de milliers, tandis que ceux qui soutiennent le gouvernement se comptent par millions. Dès lors, il est illusoire de penser que les « rebelles » pourront contrôler le pays à court ou moyen terme.(...)

Réunis à Washington le 25 juillet au Center for Strategic & International Studies (CSIS), les meilleurs experts états-uniens sont arrivés à la conclusion qu’il n’y a aucun moyen de prendre Tripoli, en tous cas pas avant deux ou trois ans.(...)

D’ores et déjà il a été décidé que le pitoyable Conseil national de transition serait maintenu pour la forme, mais dessaisi de ses prérogatives, qu’au demeurant il n’a jamais exercées. L’ambassadeur Gene A. Cretz serait nommé « gouverneur de la Libye libre » (sic), comme le général Jay Gardner l’avait été en Irak. Cretz a constitué son équipe et se tient prêt à tout moment à débarquer.(...)

Le chaos libyen serait progressivement étendu à l’ensemble de l’Afrique du Nord (sauf l’Égypte) en installant la terreur d’Al Qaida au Maghreb Islamique.(...)

Quoi qu’il en soit, la suite des événements s’apparentera probablement à un coup tordu : l’émir de Qatar est en train de faire construire à Doha des décors en carton pâte représentant Bab el-Azizia (la place sur laquelle se trouvait l’ancien palais de Mouammar Kadhafi) et la Place verte (la place centrale de Tripoli où le « Guide » prononce ses discours). À n’en pas douter, les prochaines images exclusives d’Al-Jazeera ne manqueront pas de créer une réalité virtuelle qui fera, à sa manière, partie de l’Histoire.


Ça c' est d' l' efoufiaedje di diâle! Dispôy, il a dvou cwiter Tripoli pa batea paske i s' dijheut mancî pa les rebeles...

Comint sait-i tot ça lyi?

Li 22 i s' dit mançî d' moirt pa des Gaztî.

Li 23 d' awousse i dit
Citåcion:
Nous sommes enfermés dans l’hôtel Rixos. On ne peut pas dire si tout va s’effondrer ou pas.

D' abôrd k' il est recloyou dins l' otél, k' i n' sait nén verifyî çou k' i gn a å dfoû, vola çou k' i raconte:
Citåcion:
Le dernier message de Thierry Meyssan, daté de 4h30 ce mardi 23 août, parle de grande « victoire » des loyalistes. Selon lui, les assaillants ont été écrasés, « des missiles sol-air ont été apportés en ville », tandis que « l’OTAN a du stopper les bombardements ». « Saïf al-Islam que l’on assurait arrêté a surgit du Rixos et a été acclamé par la foule à Bab Al Azizia. »(...)

À ce moment là des groupes armés ont commencé à sillonner la ville et à tirer dans tous les sens. Nous avons appris que l’OTAN a amené un bateau, juste à proximité de Tripoli, d’où ont été débarquées des armes et des Forces spéciales. (...)

Les forces rentrées dans Tripoli depuis hier elles n’ont pris aucun bâtiment en particulier ; elles ont attaqué des cibles à certains endroits en se déplaçant. Il n’y à en ce moment aucun bâtiment occupé.(...)

Silvia Cattori : On dit ici que le plan pour évacuer les étrangers est prêt. Ils vont donc pouvoir sortir…

Thierry Meyssan : L’Organisation internationale pour les migrations a un bateau qui est prêt à accoster dans le port de Tripoli pour évacuer les étrangers, notamment la presse, prioritaire, dans ces cas là.

Silvia Cattori : Et vous que comptez-vous faire ?

Thierry Meyssan : Pour le moment ce bateau est toujours au large ; il n’est pas rentré dans le port. C’est l’OTAN qui l’empêche d’accoster. Quand l’OTAN l’autorisera l’évacuation se fera.(...)

je suis menacé par des « journalistes » US qui ont dit qu’ils vont me tuer. Mais ensuite ils ont présenté leurs excuses… Je n’ai aucun doute sur leur intention.

Silvia Cattori : L’ont-ils proférée cette menace devant témoin ?

Thierry Meyssan : Oui en présence de [...].


Co on côp, pont d' no, don pont d' prouve.

Li 25 d' awousse Julien Teil, si colegue, evoye èn emile
Citåcion:
« Un groupe de 35 journalistes se sont trouvés pris en otage dans l’hôtel Rixos de Tripoli. Parmi ce groupe se trouvaient Thierry Meyssan et Mahdi Nazemroaya. Ces derniers ont prétendu tout au long de la prise d’otages que les journalistes des grands médias internationaux étaient des espions ayant la volonté de les tuer. Ils ont même donné une interview sur Russia Today à ce propos. Je démens toutes ces accusations à l’égard des journalistes présents sur place dans cet hôtel. Aucun d’entre eux n’avait de mauvaises intentions, ils ont au contraire amplement contribué à notre libération.

Il se « désolidarise complètement de Thierry Meyssan », et le qualifie de « parano dangereux ».

Li lédmwin i candje totafwaitmint d' avisse:
Citåcion:
Nous venons à nouveau d’avoir Thierry Meyssan au téléphone, en compagnie de Julien Teil, qui a tenu à ce que nous faisons passer ce message :
« Lorsque j’ai diffusé mon communiqué hier, je n’avais pas tous les éléments en main pour comprendre la situation, cela en raison de la confusion et des diverses manipulations en cours à Tripoli. Ma position concernant la guerre en Libye en général et Thierry Meyssan en particulier restent inchangées. Je suis en total solidarité avec Thierry Meyssan. »


Il est interessant d' sawè k' c' est "en présence" di Meyssan k' i dit çoula.

Asteure k' il est evoye del Libeye, i pôrè co dire ki çou k' on dit c' est des mintes, i n' sait pus l' verifyî.

Lijhoz ossu çouci : http://parisseveille.info/les-aventures-de-thiery-meyssan-a,2950.html

Çoula: Årtike di Bernardo Valli el Republicca, Italeye (må ratourné pa Google mins ça permete di comprinde; rais a stî, metans, ratourné pa Saddam... d' abôrd ki cåze da Khadafi).


Pol resse, ci Meyssan la est ene des djins ki pinse kel 11 setimbe c' est on complot, ki Sarkozy est èn adjint del CIA et vos nd åroz co des cints. Les complots c' est s' sipeciålité.

A vos-ôtes di fé vost avisse so çoula.

Oyi dji sai k' on nos raconte bråmint des mintes mins i n' nos fåt nén prinde po des biesses nerén.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 19 nôv, 2011 23:51:29    Sudjet: Responde tot citant

Cwè tuzer, asteure ki li spoûle est houte ?
* li pårciålité des medias, c' esteut bén l' veur: dji n' a måy oyou djåzer des bounès accions ki l' Kaddafi aveut fwait e l' Afrike, metans. C' est po ça k' i gn a nén yeu on seu payis d' Afrike noer po-z ecoraedjî l' OTAN.
* dins li rpoirtaedje di l' RTBF do 23 d' octôbe (dji ratindéve "Walon-nous"), on mostra ki l' Kaddafi aveut purade ramassé des djins di s' payis - des islamisses - dispu 1998, la k' il aveut stî mancî pa "El Qayida". Divant, c' esteut on djonne moenneu revinteu ki disfindéve les Palestinîs disconte di tos les cis ki les margougnént. Les Amerikins ni lyi plèt nén rprotchî d' aveur touwé des islamisses adon k' end ont schafyî des meyes et des meyes, et co asteure e Pakistan.
* inte 2003 et 2010, Kaddafi esteut divnou cåzu on soçon avou tos les gros d' Urope. Pocwè tot d' on côp ridivna-t i l' diale ?
* li såme di l' OTAN esteut bén di stårer Kaddafi, nén d' aprester on payis democratike. Cwand i voeyèt, asteure, ki les islamisses wangnèt tocosté après les revintreyes arabes (come e l' Aldjereye e 1992), i n' sont tot pierdous.
* li ci ki shonne divni todi pus pouxhant dins l' djeu politike asteure, c' est l' emir do Katar. Mins lu eto a fotou si prôpe pere a l' ouxh la ddja bén vint ans po prinde li povwer. Il a-st amonté li tchinne Al-Djazira ki critike tos les payis arabes, mins MÅY li Katar.
* si Kaddafi a stî waraexhe avou ses sorbateus dins les anêyes 2000 et å cminçmint del revintreye, les revinteus l' ont bén stî ossu, aprume avou les noers ("broûleus" d' Afrike prins å mitan do disdut) et copurade avou Kaddafi cwand il ont-st apicî.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: sem 10 dec, 2011 14:44:27    Sudjet: Responde tot citant

Dj' a yeu d' l' agrès d' vey ki pol Sireye, li gazete La Libre Belgique eyet des gaztîs del RTBF ont stî vey di l' ôte costé, priyîs pa des pårtijhants d' Assad, çou ki s' passeut el Sireye. I nd a rexhou one séreye di papîs one miete moens propagandisse k' a l' abutude:

Papîs di Christophe Lamfalusy:






_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group