|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: dju 21 djn, 2012 12:50:48 Sudjet: |
|
|
Gaytan, Pablo et mi on î boute.
Dji rlé et fwait les metaedjes a djoû del croejhete. Dji sayrè d' radjouter des rdijhaedjes d' oteurs e rfondou, di dpus k' les cis e Feller.
Gaytan et Pablo boutnut so les viebes.
Voci çou k' on a dit so emile:
Pablo scrijha: |
Bondjoû,
Li Sat, May 19, 2012 at 02:39:48PM +0200, Jean Cayron scrijha:
> 1) Fé l' croejhete è francès. Pocwè ? Paski dji n' vou nén fé ene croejhete
> po les walondvizants mins po totes les djins.
>
> 2) Cite croejhete-ci doet esse li pus "linwicieuse" possibe. Ele fåt k' ele
> fouxhe åjheye à lere tot dijhant tot çou ki gn a à dire.
C' est bén l' grande croejhete adon.
dji vén di rlére; et dji voeya ki les scrijhaedjes e walon (nén les
egzimpes ricopyîs des oteurs, ces-la ni candjèt nén) ni sont nén ttafwaitmint
sorlon les rîles do rfondou d' asteure.
Fåt saveur ki l' croejhete a stî fwaite divant li rfondou esse metou so pîs.
Lorint eployive ene sôre di "Feller unifyî", avou, dji croe, eto "ea" et "xh";
mins nén co les oi, oe, oen, sch, jh; nerén l' grand disfaflotaedje.
C' est ci dierin pont la ki dmande ene miete di tuzaedje.
Soeye-t i on scrît come e rfondou, mins metant eto les accints
po les longowès voyales (såf motoit po les "ôy").
Soeye-t i on scrît pår e rfondou, mins adon i fåreut radjouter on ptit
tchaptrea å cmince do live po-z espliker ene miete li scrijhaedje.
ça pôreut esse èn adaptaedje do tecse del pitite croejhete.
I fåt co candjî l' intrêye do "j" (n' egzistêye pus e rfondou),
sol minute (n' egzistêye pus e rfondou po les mots normås, on screye
ass, vouss, purade ki as', vous'; et po l' k' n' ... av' sav' c' est
des apostrofes), eyet radjouter l' betchfessî "oen" eyet l' rîle
des tchapeas ki n' si scrijhèt nén so ene voyale (ôte ki "ô") pa
dvant ene douce cossoune, on "r" ou on "y".
> Croejhete do walon Live II : codjowaedje
>
> là ki l' codjowaedje c' est on spès boket.
On spès, oyi.
Et c' est co l' seu ki n' a nén co stî fwait e rfondou
(i gn a kékès pådjes sol codjowaedje sol wikipedia, mins i manke co tot plin).
Dj' a dispoy on moumint li pordjet di corwaitî a çoula, po sayî di
ramonçler totes les sôres di codjowaedje dins les diferins lives
di codjowaedje, et di fé on live di referince po tot l' walon.
Dji n' avance nén foirt, la ki dj' î boute di tinzintins; mins dj' a
ddja metou l' djivêye des viebes da Gilliard dins on tåvleu, avou
l' limero di codjowaedje da sinne; et cmincî a rfonde sacwants.
L' idêye c' est di mete so sacwantès colones, li cogne e rfondou,
li cogne disfondowe d' on live di codjowaedje avou l' limero do
modele po ç' viebe la (et insi po tos les lives di codjowaedjes).
On côp ki c' est fwait, on pout ddja trover åjheymint tos les viebes
ki s' codjowèt parey totavå; les cis k' ont des codjowaedjes diferins
mins k' on pout normalijhî so ene cogne (metans dins l' Gilliard
i gn a "abandoner" (sôre 3) et "aband'ner" (sôre 12), k' on rfondreut
come "abandner", dj' abandnêye)
> D' abôrd, il est ossu possibe kel Gaytan boute so les codjowaedjes dins
> OpenOffice, la k' i gn a co rén d' fwait (i fåreut fé ene sôre di
Dji vs ataetche li tåvleu ki dj' a ddja fwait;
si vos savoz î radjouter des viebes dins les colones ki mankèt
(codjowaedje di Stasse metans) ça sereut clapant.
Dji n' sai nén si vos l' conoxhoz ou l' eployîz; mins vochal li
hårdeye do "codjowoe":
http://lucyin.walon.org/codjowaedjes/codjowoe.cgi
vos ploz mete on viebe et vey si codjowaedje.
si vos trovez des flotches, ou on viebe ki n' s' î trove nén, dijhoz mel.
I gn a eto sol wikipedia:
http://wa.wikipedia.org/wiki/Troke_da_Hendschel
http://wa.wikipedia.org/wiki/Atuze_des_troes_bodjes
(et naivyî a pårti d' la).
|
_________________ Mi copiutrece cåze walon -> http://walotux.walon.org |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: vén 22 djn, 2012 3:38:26 Sudjet: |
|
|
Et mi, dji vôreu bén bouter al tcherete po l' fråze, les årtikes etch. _________________ Li walon n' est nén d' l' esperanto. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: vén 22 djn, 2012 12:24:28 Sudjet: |
|
|
djan-djan scrijha: |
Gaytan et Pablo boutnut so les viebes. |
Av les 2 sourdants shuvants :
codjowaedjes da Francard (pådjes del fén di s' motî)
codjowaedjes da Coppens (croejhete aclote); bén diswalpêye po les viebes foirt disrîlés.
codjowaedjes da Tombeur (Djinape) : djusse les mwaissès trokes.
Dj' aveu sondjî, po les viebes foirt disrîlés, di dmander di fé des tåvleas ås djins k' ont co dins l' tiesse on codjowaedje coinrece (et k' ont ddja ovré avou nozôtes) :
* Manfred Lejolly po Ovîfa
* Christine Tombeur po Båjhî (Djinape)
* Jean Goffart po Ronsåt
* Tiri Dumont po Wagnlêye
* Emile Pècheur pol Bork
* André Lamborelle po Oufalijhe
* Louis Baidjot po Bayamont
* Pire Otdjåke ou mi, dit-st i l' fô po Transene-Viyance
----
Dj' a fwait li 3inme sôre di viebes avou on coron R + Cossoune, la ki l' R fond sol bodje A (les cis del 5inme troke).
http://wa.wiktionary.org/wiki/Categoreye:Viebes_ki_s%27_codjow%C3%A8t_come_siervi
----
dj' a intré "diveur" so Wiccionaire :
http://wa.wiktionary.org/wiki/diveur
li suddjonctif prezintrece est erîlé avou les sfwaits viebes (cawete -ye).
http://wa.wiktionary.org/wiki/doeye
rashiou sol fôme del Hôte Årdene, waire documintêye "deûye":
http://wa.wiktionary.org/wiki/de%C3%BBye
Li seule pitite aroke, c' est ki l' "namurwesse ordinaire" (doevnut) ni shût nén bagaedje, mins on l' pout fé shuve (doeynut), oubén dobe rifondowe (come diynut / dijhnut ?). _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 22 djn, 2012 15:24:55 Sudjet: |
|
|
lucyin scrijha: |
Av les 2 sourdants shuvants :
codjowaedjes da Francard (pådjes del fén di s' motî)
codjowaedjes da Coppens (croejhete aclote); bén diswalpêye po les viebes foirt disrîlés.
|
Mi dj' a djusse li Gillard, li ptit da Tombeur, eyet (prin al bibioteke) li Stasse.
L' ôte live di codjowaedje di Lidje, li ci da Morayns, djel pou prinde al bibioteke avou.
Mins po les deus ki vos djhoz, dji n' les a nén.
Citåcion: |
Dj' aveu sondjî, po les viebes foirt disrîlés, di dmander di fé des tåvleas ås djins k' ont co dins l' tiesse on codjowaedje coinrece (et k' ont ddja
|
boune idêye.
Citåcion: |
dj' a intré "diveur" so Wiccionaire :
http://wa.wiktionary.org/wiki/diveur
...
Li seule pitite aroke, c' est ki l' "namurwesse ordinaire" (doevnut) ni shût nén bagaedje, mins on l' pout fé shuve (doeynut), oubén dobe rifondowe (come diynut / dijhnut ?). |
i gn årè kékès vraiyès disrîleyes tot l' minme. |
|
Rivni al copete |
|
|
Gaytan
Date d' arivêye: 2009-11-14 Messaedjes: 46 Eplaeçmint: Batice (Payis d' Heve)
|
Date: vén 22 djn, 2012 17:07:04 Sudjet: |
|
|
lucyin scrijha: |
Av les 2 sourdants shuvants :
codjowaedjes da Francard (pådjes del fén di s' motî)
codjowaedjes da Coppens (croejhete aclote); bén diswalpêye po les viebes foirt disrîlés.
codjowaedjes da Tombeur (Djinape) : djusse les mwaissès trokes.
|
Li dictionaire da Francard est foirt målåjhey a trover (dj' en a veyou on egzimplaire sol waibe, mins à 250 €. Les 2 ôtes dji n' elzès kinoxhe nén. Dj' a treus dictionaires, les 2 volumes da Haust, li dictionaire da Stasse et li dictionaire da Wizimus. Dj a eto les 2 volumes del croejhete da Stasse. _________________ Gaytan |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: sem 23 djn, 2012 12:23:29 Sudjet: |
|
|
Sourdants :
i fåreut ki dji vs riscane (djusse les pårteye Codjowaedje):
* li Coppens
* li Bastin (Courcele)
* li Francard
* li Twisselman (Bouyon)
Av loukî les kékes tåvleas del Båke so les bwès d' l' Årdene II (Transene) (1î et 4inme troke, gn a pont d' deujhinme so l' Basse Årdene)
Mins cwand årè dj' li tins, ou on scalot po l' fé fé ???????
Dji m' î va tuzer moirt !!!!!!!!! _________________ Li ci ki n' a k' on toû n' vike k' on djoû. |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: sem 23 djn, 2012 22:30:42 Sudjet: |
|
|
Dj' a l' sitroete plake då Coppens. Dji vs evoyrè les bokets avou les viebes. _________________ Mi copiutrece cåze walon -> http://walotux.walon.org |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: sem 23 djn, 2012 22:53:46 Sudjet: |
|
|
Djor scrijha: |
Et mi, dji vôreu bén bouter al tcherete po l' fråze, les årtikes etch. |
Djôr, po n' nén bouter dins tos les sins, dji propoze di cintrålijhî les candjmints et les rmete mi-minme ezes sourdants e Latex. On ndè berdelrè pa dvant s' i fåt so berdelaedje.
Comint fé?
1. Vos alez sol waibe del croejhete,
2. Vos potchîz al pådje ki vs voloz amîdrer, li schaper et rlomer so voste éndjole
3. Vos l' drovoz avou LibreOffice ou Word et mete en alaedje li shuvaedje des candjmints.
4. Fijhoz vos candjmintset schaper en ODT ou DOC.
5. Revoyîz m' li fitchî, dji fwait l' resse
Dji sayrè d' trover ene plaece po mete l' ovraedje metou a djoû pitchote a midjote.
Vos dvrîz aprume rilére http://users.skynet.be/lorint/croejh/node1.html divant d' ataker. Li såme est d' mete a djoû cisse croejhete ci sorlon l' pont d' vuwe diswalpé pa Lorint, nén d' tot riscrire, ni di tot redvinter.
Dj' a ddja rpassé on côp tote li pårteye "présentation" et dj' boute pol moumint sol prononçaedje et ôrtografeye. _________________ Mi copiutrece cåze walon -> http://walotux.walon.org |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: dim 24 djn, 2012 12:10:18 Sudjet: |
|
|
Lucyin, Djôr,
Ene des grosses bouyes po mete a djoû l' croejehte est d' radjouter des egzimpes literaires e rfondou. Po ça, dj' inmreu bén awè li dpus di manuscrits des belès letes del Rantoele ki dj' pout. Dj' ô bén les lives. Por mi awè pus åjhey a cachî après des mots avou l' ricwirrece.
Lucyin : tos les lives del ramexhnêyes del Rantoele
Djôr : Gabriyel eyet Gabriyel
Ça pout esse e PDF ou tolminme kéne cogne.
S' i sont ddja ene sawouce so les fyis, dijhoz l' mu.
Pol resse, dji cachrè après dins Google so rifondou.walon.org (mins n' prinde ki les tecses oridjinnå, nén les rfondaedjes) et so les årtchives del Rantoele Gazete. _________________ Mi copiutrece cåze walon -> http://walotux.walon.org |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mår 26 djn, 2012 10:58:57 Sudjet: |
|
|
djan-djan scrijha: |
Lucyin
Ene des grosses bouyes po mete a djoû l' croejehte est d' radjouter des egzimpes literaires e rfondou. Po ça, dj' inmreu bén awè li dpus di manuscrits des belès letes del Rantoele ki dj' pout. Dj' ô bén les lives. Por mi awè pus åjhey a cachî après des mots avou l' ricwirrece.
Lucyin : tos les lives del ramexhnêyes del Rantoele |
çou k' est ddja so l' Aberteke :
Li batreye des cwate vints :
http://rifondou.walon.org/lv/b4v.html
Eviè Nonne :
9 sipoûles so 10 sont ddja vaici :
http://rifondou.walon.org/lv/alcroejhete.html
pådje moennrece di Vera
http://rifondou.walon.org/lv/vera.php
pu :
http://rifondou.walon.org/lv/vera1.php
http://rifondou.walon.org/lv/vera2.php
... disk' a tant k' i n a (mins ci n' est nén li tote dierinne dierin des modêyes).
Del ramexhnêye del Rantoele e rfondou :
So l' anuti
passaedjes :
http://rifondou.walon.org/hendschel-anuti.html
(dj' a tote li djivêye Hendschel, tchaptrê pa tchaptrê. Kimint vos l' evoyî ? Elzès retrocler ?
Li tot dierin coridjaedje (live papî, dji l' a fwait amon l' eplaideu => dji n' l' a nén.
Dji m' lome Meliye : rifondant, nén rfondou. Fitchî .doc. El vloz ?
Ôtes sourdants di lives e rfondou
* Li ptit prince, modêye Hendschel (dji n' croe nén ki dj' l' a)
Sacwants lives d' oteurs ki Pablo a rmetou e rfondou, privêymint. (dji n' sai nén si dje' els a, mins gn a "Li ptite comere avou l' blanke camizole" ladvins. _________________ Li ci ki n' a k' on toû n' vike k' on djoû. |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: mår 26 djn, 2012 13:20:53 Sudjet: |
|
|
Lucyin scrijha: |
Dji m' lome Meliye : rifondant, nén rfondou. Fitchî .doc. El vloz ?
|
Djustumint, dji m' dimandéve. El croejhete, Lorint a scrît li rfondou e cråxhès letes eyet l' Feller e clintcheyès letes. Il a todi metou les scrijhas Feller come il ont stî scrîts.
Asteure, si dj' a des egzimpes e rfondou mins nén come asteure (rifondou do cmince) ou foû standård (rifondant ou rifondou da Djôr), comint doe dj' li mete ?
Dji pinse ki fåt wårder l' ôrtografeye di l' oteur mins si ça n' est nén standård et k' c' est metou e crås, i pôreut awè disforvoyaedje, la kel lijheu pinsrè k' ça srè ene fôme sitandård.
Duvreu dj' mi siervi di letes cråxhes eyet clintcheyes ? Et mete ene note å cominçmint del croejhete po l' espliker ? _________________ Mi copiutrece cåze walon -> http://walotux.walon.org |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|