djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: mår 27 awo, 2013 8:53:23 Sudjet: Firefox OS e walon |
|
|
Binamés soçons,
Mozilla vént d' enonder si libe sistinme d' operance (SO) "Firefox OS", bâzé so Linux. Des telefones atacnut a rexhe avou ç' sistinme la. Nén co el Beldjike mins il est ddja possibe d' end atchter pal Daegntoele come, metans amon Geeksphone.
Come c' est on libe programe, il est possibe del ratourner e walon. Dj' a ddja ataké pol modêye 1.1 ki rexhrè al difén do moes d' setimbe (li date n' est nén co conoxhowe). Dj' a comandé on telefone amon Geeksphone pol moes d' octôbe et, si nos ovrans rade et k' Diè l' vout bén , ça srè l' prumî telefone malén ki cauzrè walon.
Si vos m' voloz dner on côp di spale, li ratournaedje si fwait dins Transifex al paudje shuvante :
https://www.transifex.com/projects/p/gaia-l10n-11/language/wa/
I s' faut fé on conte so Transifex (s' on n' nd a nén co) et dmander di poleur ratourner "Gaia" (l' eterface uzeu di Firefox OS) e walon. Dj' a ddja radjouté Pablo et Gaytan k' ont ddja on conte so Transifex.
Ki ça vs vauye bén a tertos et a bén rade,
Djan _________________ Mi copiutrece cåze walon -> http://walotux.walon.org |
|