Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Novele copinreye a Libin
Potchî al pådje 1, 2, 3  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 28 mås, 2014 22:50:47    Sudjet: Novele copinreye a Libin Responde tot citant

Nos vnans d' amonter ene novele copinreye a Libin.

Les raploûs si front li dierin vénrdi do moes, a 6 eures al nute, al "måjhon do viyaedje" di Libin, 5, Cwårtî latén.

Li prumî raploû si frè li 25 d' avri. Li prumî tinme serè les candjmints dins l' ovraedje d' on maçon et dins les bastimints, dispu l' eployaedje di l' "oujhea", disk' asteure.

L' ekipe des enondeus (avou des roles so papî, mins tchaeconk saye di ramoenner totes sôres di walon-cåzants, et d' dire li sinne tins des raploûs) :

Prezidint : Jacques Dupuis
Vice-prezidint : Michel Gosset
Cwårlî : Léon Thomas
Penleu : Jean-Marie Otjacques
Djintis mimbes :
* Marcel Hellebois
* Mireille Bauduin

Emilie Lecuivre, di l' Aisse del Tuzance del Hôte Lesse (Libin, Telin, Welin, Dåvdisse) frè l' reclame del copinreye (fé cnoxhe tos les pondants et les djondants, les dates, les tinmes).

Les raploujhisses rimerciyèt Lucien Mahin k' a rashonné les djins et André Lamborelle k' a espliké tote si apriyesse dins les ôtes copinreyes.

L' agayon est so les voyes. Sayans del fé tcheryî.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 15 avr, 2014 14:52:35    Sudjet: Responde tot citant

La réunion fondatrice d'une "copinreye" a Libin a eu lieu le 28 mars 2014. Il a été décidé de créer un noyau de personnes pour mener la "copinreye", composés de : Jacques Dupuis (Tellin), Michel Gosset (Libin), Léon Thomas (Bouillon), Jean-Marie Otjacques (Libin), Marcel Hellebois (Transinne), Mireille Bauduin (Transinne).

La réunion suivante, à laquelle vous êtes cordialement invité(e), aura lieu le vendredi 25 a 6 h. à la "maison du village", quartier latin (sur le côté de l'église) à Libin. Le thème serait "esse maçon dispu k' on tchèriot l' mwartî avu l' ojế" qui sera lancé par Michel Gosset.

Nous comptons sur votre présence pour dynamiser cette initiative, lancée par Lucien Mahin et André Lamborelle.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 19 avr, 2014 20:48:31    Sudjet: Responde tot citant

Dji vos ranonce li raploû del novele copinreye "les rcåzeus d' après l' Aiwe di Lesse" li vénrdi 25 d' avri a Libin, måjhon do viyaedje (dilé l' eglijhe) a 6 eures al nute. ça dvreut durer deus ptitès eures.

Li tinme propôzé al dierinne reyunion, c' esteut "l' ovraedje d' on maçon, dispu l' eployaedje di l' oujhea (ojê, oûjê, ujê, oûja = oiseau).

Po vos enonder, vos ploz schoûter li cassete k' est metowe ciddé;

http://warao.walon.org/~lucyin/lv/cassetes/15B.mp3

(on cåze di ciste ahesse la après 5minutes 50 disk' a 8'45''. C' est on responda (interviou) ki dj' aveu fwait avou Louis Baidjot amon Raymond Manager d' Ôpont.

I fåreut ossu prinde on tinme pol raploû d' après. Pocwè nén l' ovraedje d' on lutî [luthier] pa Wili Marchal (luçon dinêye a Bive li 1î d' avri). Ou l' ovraedje del tchene (tchambe, tchanve) [chanvre] pa Pire Otjacques. Pol moes d' octôbe, dj' a ddja egadjî Jean Breuskin ki nos vénrè cåzer do perlinaedje a Sint-Djåke e Galice [St Jacques de Compostelle].

Bon raploû, e sohaitant k' i gn åye del djin. Sayîz d' rameuter åtoû d' vozôtes.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 31 may, 2014 10:47:47    Sudjet: Responde tot citant

Après l' troejhinme raploû :
Citåcion:
Djåke Dupuis emila a Lucyin
Nosse soce di Libin toune bin mi sonne-t-i...

Mins c'est bramin d'ovrèdje por mi.

Prèzidin...to ratindant k'one ôte sonye prêt.

C'est les djins ki faut fwè vinu...

Di Rotchfwar à Libin ci n'est nin lon è on pouro allè diska Tchôrnoe Nassogne avou Alfred Wanlin è Julie Leboutte... Willy

Djåke.


Proficiate, mwaisse. Saetche, i betche !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 03 djn, 2014 10:59:53    Sudjet: Responde tot citant

Rapoirt do 3inme raploû

Estint là :

Nosse vice-présidin : Michel Gosset k'éve rouviè li deuzinme raplou è k'a stî binauche d'esse avou no

Nosse peneu : Jean-Marie Otjacques ki noz a li on boket d'à Ernest

Nosse waude-caurs niyådî : Léon Thomas

Marcel Hellebois, Mireille Baudouin

Ernest Benoit k'a li des scrijhadjes d'a lu.

Alfred Wanlin eyet Julie Leboutte

René Lamouline estéve ritnu à Bouillon.

Emilie Lecuivre del Aisse del tuzance di Måtche ayéve bin fwé s' mesti. Dj'a sti kweri l' clé addé lèye voye d' Atrivå.

Li solo blinkéve sul plece del Måjhon d' viyaedje.

Ké plaijhi di divisé torto eshonne to tuzant à vos k'esté do payis è ki scrît si bin.

Djåke.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 03 djn, 2014 11:05:50    Sudjet: Responde tot citant

Fén binåjhe ki ça toûne bén, ki Jean-Marie Otdjåke, ça a l' air ki ça lyi rva bén, et ki Erness Benoit a metou l' pî e strî, ki Djilet et Toumas ont-st agritchî l' convwè, et Mireye et Mårcel ont sepou vni, et k' i gn a des noveas...
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 28 djn, 2014 12:55:56    Sudjet: Responde tot citant

Anonçmint do raploû do 27 di may 2014 :

Bonjour à tous,

Nous vous rappellons que la rencontre en wallon se tiendra ce soir (comme tous les derniers vendredi du mois) de 18h à 20h à la Maison de Village de Libin.

L'invité du jour sera Mr Ernest Benoit qui viendra parler du sciage du bois et du travail en forêt. Mr Jacques Dupuis parlera aussi de l'écrivain wallon André Henin (né à Han-Sur Lesse).

Tout nouveau participant est le bienvenu. Cet atelier est gratuit et ouvert à tous les causeurs en wallon (quelque soit le dialecte).

Merci de tranférer l'information à toute personne intérressée.

Bien à vous,


Bondjou à torto... è à to l'zautes ki vinrint bin djåzé walon avou nos li vénrdi 27 do fenåmoes (juin) di shijh à ûte eures après nonne à la Måjhon do viyaedje è Libin.

Grâces di ni nén rovyî d'è cåzer åtou di vos.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 30 awo, 2014 12:13:51    Sudjet: Responde tot citant

Citåcion:
Emile di priyaedje
Luciyen l'oulinne voye lon did ci ki no raprin n'est nin co rintré
Emilie Lecuivre del Aisse del tuzance di Måtche,
Jean-Marie nosse pèneu,
Michel nosse vice-présidin,
Léon nosse cårly, trésorly, niyådy, magzådy... mwinte walons mots po dire li minme,
Ernest onke di nos scrijheu d'Anlwè,
Alfred è Louise nos bons cinsîs del soce dispoy todi avou des fåves des crakes è des coyes a dire po tchaeke con,
Guy k'on ni kino nin co,
Francis k'a stî avou noz ôte è djulet è ki rivinrè bin sûr,
René ki no vint di Bouillon è divan d'Orgéo,
Marcel & Mireille waloneux do costè di Gochenée mins ki asteure dimornut avou no ,
André Lamborelle ki boute à l'arèdje pol Walon,
Zîré nosse maisse di Rotchfwar,
Georgette li binamée d'a Gilbert,
Willy nost ome del grawe al muzike, one ami dispoy todi... Pardon po to les cis, les cia ki dj'a rouviè.
di 18 eures diska 20 eures.
Les mestîs... les sicrjheux... del Walonreye, Walonie... to tuzan à wårdè bin vikant nosse vî lingadje.
Nosse copinerèiye a stî metue su pî pa Luciyen Mahin e Emilie Lecuivre...
Rin à payî !
Shoûter... Cåzer... Djåzer... Divizer... Bate copene... påjhulemin .
Vinez avou nos ôte...no cåzerans... djåzerans les lingadjes di nosse Walonie-Walonrèye.
Del Gaume diska nosse Picardie... sins rouvié li Champagne.

Vinez addé no avou one sakwè a lire, dire, cobin conter.

Conte-rindou do raploû do 29 d' awousse 2014

Bone nute à tertos

On rade scrijhaedje après nosse copinrèye do dierin vénrdi d'aousse.
Cwand dj'arive, Ernest ratind.
One djin est sul ban pa dzo les aubes a tuzer.
One auto prind plèce, André lamborelle è mousse fou.
On kimince a copiner eshonne.
No fians kinoxhance avou Catherine, one dame do costè di Lidje k'a stî lontimp di Mortehan èt a djazé walon al copinreye di Biètri.
Alfred è Julie arivnut.
Eyet padzo on bê bleu cîr, on divize è radivize.
L'uche del mojhon do vilaedje est todi clôse. Gn'a nouk a boutè ddin. No serans les seus des soces di Libin a nos rassonler ouye, enute, ådjourdu.
Noz estans anoyeus di ni nin avou nosse sicrétaire addé nos.
Michel nosse vice-présidint a rouviè...
Emilie Lecuivre del Aisse del tuzance di Måtche est en condjî...
Marcel & Mireille, des waloneus do costè di Gochliye mins ki asteure dimornut avou nos ont stî cwèri li solo... Francis, Léon è René etou. Sur k' i sèront avou nos tertos li conp ki vint... dierin vénrdi do moes di sètimbe.
Dji drouve les uches... tot tuzant bin aux alarmes.
On tour di tauve po fé kinoxhance... Catherine vint pol prumî conp... André a fwèt 85 km po esse avou nos-ontes...nos dijhans tchaconke one miete di no vicadje.
Li Walon est nosse lingadje, èt nos estans chal, cidlé, vêci po nosse plaijhi del fwé viké.
Olivier ki rivint di l'ovrèdje (a Mårtulindje) tot-z èralant èviè l' Roman Pais inture addé nos èt copine.
Ernest nos lît les sovnances di s' pa k'alève fiesti ses 17 ans li 20 d'aousse 1914. Ernest a oyu si pa endè causer tote si djonnesse èt end a fwèt des tchôcmwårs.
Michel Divoy ki vint do costè di Djedène èt dimeure à Libin sèra li dierin a nos radjonde.
Al fin, Alfred no dirè deus treus crakes...èt nos tchantrans avou André "Vive nosse Walonreye...bê payis d'amour.
Luciyin, l'ouline voye lon did ci, ki no raprind li walon, n'est nin co rintré.
Gråce di vosse compurdadje. Gråce a vos k' a lî discar ci.

Djåke.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 04 set, 2014 12:37:52    Sudjet: Responde tot citant

Citåcion:
André Lamborelle, so èn emile
Li copin'rie di libin ni rote nin mâ èt Djâke Dupuis li mine bin. Damadje qui brâmint èstint an vacances li dièrin côp.

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 28 set, 2014 20:41:44    Sudjet: Responde tot citant

Rapoirt do raploû del fén do moes d' setimbe

Nos avans stî Léon, Catherine, Alfred, Julie, Francis, Emilie è mi Djåke pol raplou do dierin vénrdi di setimbe a Libin.

Emilie ki diwvéve tèlèfonè a tos les djins n'a nin plu li fwé.

Adon Jean-Marie, Ernest, Marcel, Mireille, les Michel's, eyet tos l'z'ôtes n'ont nin stî advizés.

Li copinreye a bén stî... avou shijh djins...

Catherine vinéve did lon... Mortehan... pa dvan di Haccourt nin lon di Oupeye è Visé
Léon di Bouillon... mins divan di Mont addé Houffalize.

Nos avans li des scrijhaedjes d'a De Doyard su les mestîs : cwapî, mounî, sabotî...

Nos sepans bin asteure ki Catherine a fwé li danse avou on groupe di Cugnon en sabots...avou on bê costume k'ele a todi.

Francis di Hinene addé Biarin a pédalé bramin su les voyes del Wallonereye...
eyet no end é sépan co d'pu...ca Alfred nos a co racontè one crake è Julie nos a bén li...

Mins ratmins éne nouve édition do motî d'potche...d'a Yannick Bauthière...

Djåke.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 05 nôv, 2014 23:25:38    Sudjet: Responde tot citant

Raploû do 31 d' octôbe 2014

Estént la :

Luciyin Mahin et Emilie Lecuivre, djonnete meteuse d'araedje k' è va su Otchamps po l'ovrèdje.

ène tåve avou des lives po vinde...

Léon Thomas, li caurlî di nosse soce nos vint di Bouillon. René Lamouline n'est nin avou li eyet Monike non pus.

Catherine Thunissen a vnu avou ène bone sope di poes k'on-z a bevu eshonne al fin del copinreye

Francis Absolone, l' ancyin coreu a velo, di Yinene, mins ki dmeure a Libin.

Dominique Delaive, di Tellin on fel roteu, a cwèri li "måjhon do viyaedje" do costè di "nosse mojhon" eyet s'a pierdou. Damadje, mins i rvinrè. Fåt sepe ossi ki li pti nom dol cwane, c' est "Quartier Latin", limero 5, nin lon di l'aite padri li clokî del gléjhe.

Jean Breuskin nos vint avou totes les sovnances di ses rotadjes su SInt-Djåke-el-Galice mapes eyet fotos. C' est lu ki ténrè l' craetchoe deus eures å long.

Ernest Benoit, li waloneu di Viyance

Michel Gosset nosse vice prezidint

Alfred Wanlin eyet Julie Leboutte, Alfred n'a nin yu l' tins di nos conter one di ses crakes.

Martine Mahin et Yolande Lamouline, deus roteuses

Michel Divoy, del Pitite Louwate.

Jean-Marie Otjacques, nosse penleu ki shonne esse mî e ki rotrè co voltî so SInt-Djåke-el-Galice

Olivier Esnault ki rvént di si ovrèdje a Mårtulindje, ey eraler a Brinne-l'-Alou,

Thierry Dumont ovrèdje fwè sul voye di Fleurus

Espêtchîs ca malåde : Marcel Hellebois et Mireille.

al fin: Pierre Otjacques.

one lumerote e one cråye dimornut cwand on-z è rva do coulot latin po Transene la k' on fwait li raploû d' erî-såjhon del Rantoele.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 08 dec, 2014 10:56:29    Sudjet: Responde tot citant

Court rapwar del Copinereye du Libin do 28 di novimbe 2014. di 6 eures diska 8 eures al shijhe.

Causer Wallon ensemble le 28 novembre 2014 de 6 heures à huit heures du soir.
Nous sommes heureux d' accueillir de nouveaux membres : Dominique , Arsène et Marie-Noelle.

Emilie Lecuivre esteut bén la po nos ascoyî apruster les tåves è nos leyî li clé del sale.

Merci à Emilie pour son accueil, son aide pour arranger les tables et nous avoir confié la clé de la salle.

Nos serrans doze ridjåzeus.
Nous serons douze.
Deus copes, deux couples : Alfred è Julie, Arsène è Marie-Noelle;
eyet dijh tos seus; et dix non accompagnés : Catherine, Dominique, Ernest , Francis , Jean-Marie , Léon , Michel, Jacques .

N'ont plu vinu, empêchés : Michel, Olivier, Marcel è Mireille. René, Monique.

Li rapwarteu del dièrinne soce, vosse sierviteu , s'a trompè : li bone sope ki Catherine avo fwé po nos tortos li 31 n'este nén des poes mins bén avou ene ronde cawoûte cobin péturon… Correction du bref rapport du rendez-vous d'octobre : la bonne soupe de Catherine était du potiron ! Encore merci Catherine !

Arséne et Jean-Marie deux collègues vétérinaires l'un diplomé en 1970, l'autre en 1990 nous parlent de l'évolution de leur métier.


Arsène eyet Jean-Marie nos ont bén mostré kimin li mestî d'årtisse aiyéve candjé su vint ans. Moutwé vont-i discrîre leu mestî… adon n'è dijhans k'éne pitite sakwè . Tins d'Arsène, al sicole li tchivå este li maisse bièsse… to tournéve co åtou d'li, amèder lez djonnes torais, si fijhéve co sovin, les tropeas di Blanc Bleu Beldje s'ont diswalpé avou li pu sovin vèlèdje par céseriène à tote eure do djou è pu sovin dol nute. MIns fwa sèpe ossi ki lu mestî d'årtisse prin les femes… nin seulemin come dins l'tins po responde au telefone…mins po sognè… li pu sovin les ptitès biesses eyet ça va des tchès eyet des tchins à amèder, vacciner, fwé moru paujiremins, mins cobin on furèt on rat on boa on perroquet à rimète "sus pî…"
Grâce mwinte è mwinte cons a Arsène eyet Jean-Marie po leu bê tåvlea du mestî.

Léon nos a ben contè li mwêche kénte del feme d'a René k'a pierdu éne rowe su l'otovoye del Mer… eyet si drole d'aweur d'ariver sins ote misére sul bande des pneus crèvès… l'ome do vinåve k'éve montè les pneus d'ivier ayéve stî disturbé pa one sakî è René ayéve raminé li vwèture a sa måjhon sins riwéter aux boulons.
Co bén ki nos avans li Bon Dju avou nos.

Dijh ût n'est nin ût… pol raplou ki vint Michel no viné po shijh eure al shijhe diska ût… Michel avait entendu 8 heures du soir…et est donc venu bien à temps pour une réunion à 20 heures… 18 et 8 peuvent se confondre.

Notez ben qu'à l'unanimité la réunion de décembre se fera le 19 !!!
De 18 heures à 20 heures… de 6 heures à 8 heures du soir.
Nous demandons à Emilie de veiller à ce que la salle soit disponible pour nous à Libin ce soir du 19.

Prindez astème ki nosse copinereye ni si fra nén li vénrdi 26 do moes d'decimbe mins bén li 19 !!!! D'ine seule vwè to les soçons l'ont dimandé.
Eco faut-i k'el sale soye libe, si el ni l'est nén è trové éné ôte, eyet li fwé sèpe à tortos timpe assé.

Pol 19/12/2014 wètez aux spots di nos viaedjes. Tuzez a éné sakwè a lire ou tchanté su Noyè... sins obligation !!!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje 1, 2, 3  Shuvant
Pådje 1 so 3

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group