|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: lon 19 may, 2014 17:58:18 Sudjet: Noveles da Djan-Pire Hiernaux |
|
|
Citåcion: |
Ca fwait do tins ki nos n' avans pus discandjî des noveles. Pont d' må : por mi tot rote... et come dj' a pa côps di vos novèles come tertos, dj' espere nin m' brouyî avou l' sintumint ki tot rote eto por vos. Epwis, sapinse k' on dit : c' est todi mi ki payrè l' medcin ! |
Nodidjo, ti, ké boune novele di vos rawè emey les scrijheus e walon !
Dji metrè vosse tecse dins l' Rantoele 70. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: mår 20 may, 2014 12:14:43 Sudjet: |
|
|
Colson : Dji nel kinoxheu ki pa si ptit motî "chez les Wallons de Belgique" so sacwants mots do seke. I m' parexheut bén vayant et nén grandiveus.
On-z a l' air d' aveur tapé l' hate so ci ome la, disk' å djoû d' ouy ! Nén ddja èn årtike sol Wiki francès !!!! Portant gn a dandjreus bråmint des waloneus k' årént yeu fwait come lu. Ene miete li minme sôr ki Djôzef Mignolet, Djan de Lathuy, et Callaert après l' guere di 40.
Mondiu todi ! Et dire ki çoula nos rpind å nez e 21e sieke !!!
Colson, dji lyi a todi fwait on papî dins l' Wiki walon.
https://wa.wikipedia.org/wiki/Oscar_Colson
Vos ploz rmete ene paltêye... ou fé si pådje dins l' Wiki francès, ou dins des ôtes langues.
Dji va sayî di toirtchî li pådje pol Rantoele 70 (fé ene pådje avou 94 pådjes : saetche, i betche, Lucyin). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: dju 22 may, 2014 11:43:37 Sudjet: |
|
|
Cwè çki s' a passé e 1917 ?
Pocwè k' les grete-papîs walons d' Brussele ont rfuzé di vni bouter a Nameur ? Mes tuzaedjes :
* il estént efoufyîs pa l' assimblêye di pårlumintîs brusselwès (sins waire di Walons dvins) ki s' rapoûléve al Societé Djeneråle di n' nén bouter avou ls Almands.
* c' esteut målåjhey di baguer di ces tins la, et k' on n' saveut nén kimint k' ça aléve tourner. Ci n' esteut nén possibe di fé l' navete.
* les fonccionaires walons d' Brussele vinént des aschates del Walonreye (Tournai, Arlon), ... et n' avént nou ratrait [point de chute] après Nameur.
* i rwaitént Nameur come "li Province", ey ene djin del veye capitåle ni s' va nén eterer el Province.
Kénès consecwinces çoula a-t i yeu di djun a nôvimbe 1917 ?
Loukîz a :
https://wa.wikipedia.org/wiki/Guere_di_14#Politike_des_Almands_el_Beldjike
Sourdant : Oscar Colson, L'unionisme wallon pendant l'occupation allemande en belgique - 1917-1918", eplaidî a Bårçulone (a l' Imprenta catalana, Cambo & co), binamêymint rprodût et cominté e walon pa Jean-Pierre Hiernaux. Vos l' poloz aberweter a pårti del pådje Oscar Colson sol Wiki walon :
https://wa.wikipedia.org/wiki/Oscar_Colson _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|