 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
lucyin
Date d' arivêye: 2005-07-07
Messaedjes: 3772
Eplaeçmint: Sidi Smayil, Marok
|
 Date: dju 15 dja, 2015 14:43:41 Sudjet: Dji so Tchårli et dji so 500 efants d' Gaza |
 |
|
On waloneu ki n' vout nén dire si no mi scrît :
| Citåcion: |
Li guere civile anonceye shonne ataker. Li Holande va spåde 10.000 sôdårds dins l' payis. Et nos n' estans k' å cmince des maneuves.
Mins, a l' eure del pinsêye unike "Dji so Tchårli", ci sereut si mete a fén et s' distrure [se suicider] ki di cwiter les rangs. Dji nel frè nén. |
Mi response :
C' est drole k' on pinse parey sol "pinsêye unike", sol "guere civile".
Tins d' l' esté, on-z a touwé 1500 civils so Rhaza. Ene bombe di drome a schafyî cwate hôts tchîfs do Hamasse k' avént on raploû. DJUSSE li minme sinnariou ki pol Tchårli-samwinne, mins a l' evier. (li Hamasse, c' est des djins ki n' shuvèt nén li spotchante pinsêye da tertos sol Moyén Levant, on pô come les gaztîs do Tchårli-samwinne).
Di ç' tins la, li France DISFINDEUT les rotaedjes po sotni les Palestinîs. E 2014, li France a fwait 2 gueres a "l' ôte costé", e l' Irak ey e Mali. On n' a måy sepou li nombe di touwés, seurmint bråmint des civils eto. C' est des gueres assimetrikes. "L' ôte costé" n' a pont d' Mirage ås bombletes teleguidêyes, pont d' dromes. Il eploye les minmes metodes ki l' FNL [front d' Liberåcion aldjeryin] e 1955-60, ki touwént des civils dins des cafès. Après l' guere, les terorisses do FNL ont divnou les moenneus do payis. Bouteflica est co la. Do costé del Palestene, Izåk Rabine, ki va divni prumî minisse d' Israyel, esteut catalogué come terorisse pås ocupants inglès.
Pocwè k' les Djwifs touwés a Paris ont stî eterés a Djeruzalem ??? Ci n' esteut nén des Francès ? Si c' esteut des Djwifs marokins, il årént dvou esse eterés a Caza, avou l' policî marokin moirt divant l' sidje del gazete. Pocwè Netaniahou vént i pretchî ki les Djwifs di France divrént wangnî Israyel ? DJUSSE LI CONTRåVE di çou k' i fåreut fé po spotchî l' må al raecinêye (= rifé viker eshonne les Djwifs des Payis arabes avou les muzulmans d' ces payis la, come di 700 a 1950) Li payis arabe la k' gn a co ene pitite kiminålté djwive k' a des vraiys povwers (come conseyîs do rwè), c' est l' Marok, et c' est onk des seus payis k' a passé sins trop di må li "prétins arabe". ÇKFM [ou k' i faleur mostrer, çe qu'il fallait démontrer]
Come direut Djezus-Cri : "Il ont des ouys ey i n' voeyèt rén; il ont des orayes, et i n' etindnut rén."
Et tot conté tot rabatou : à qui profite le crime ?.
_________________
Li ci ki n' a k' on toû n' vike k' on djoû.
Candjî pol dierin côp pa lucyin, li dim 25 dja, 2015 22:11:32; candjî 1 feye |
|
| Rivni al copete |
|
 |
lucyin
Date d' arivêye: 2005-07-07
Messaedjes: 3772
Eplaeçmint: Sidi Smayil, Marok
|
| Date: dim 25 dja, 2015 22:04:49 Sudjet: |
|
|
Djowele Spirkel sicrijha li djoû minme on foirt bea tecse.
| Citåcion: |
Mi keûr è-st-èvôye al disbautche dispû l' matin pa l'uch au laudje »
Jean Guillaume
Dès côps qu'i-gn-a, gn-a pus rin qui va !
Audjoûrdu, nos-èstans pèneûs come on r'naud qu'one pouye aureut yeû !
Nos nos-avans dispièrté tot machurés èt nosse keûr è-st-ossi pèsant qu'on pwin d' chîs lîves !
Mins nos brès n' sont nin vûdes ca nos pwartans l' bèsace di Charlie !
Li cène qu'èst todi plin.ne di libèrté d' dîre, di scrîre, di lîre, di tchanter, di dèssiner
Li cène qu'èst todi plin.ne di rîre, di couyonâdes, di fiyâte po d'mwin
Mins plin.ne di risses èto èt, fwârt avant, plin.ne di vîye sins peû èt sins in.ne !
Tot rindant bon d'vwêr aus fèls dèssineûs èt aus gazètîs, aus-ajents d' police, aus brâvès djins qui sont mwârts sins-awè tot faît leû bouye
Tot sawaîtant aus cias qui sont-st-à l'ospitau di r'prinde fistu au pus rade
Nos leû d'djans
Nos nos foutans do diâle èt co do martchand !
L'Agasse |
_________________
Li ci ki n' a k' on toû n' vike k' on djoû. |
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
| Date: lon 26 dja, 2015 13:14:27 Sudjet: |
|
|
Dins sakants payis à rlaye on tuwe lès djins po leû moudêye d' rilidjon : sunnite, tchiyite, crustine : à kî k'ça profite ?
Tuwer dès djins pask'is volenut rîre di tot èt d' tèrtos, ça fêt balançe ? |
|
| Rivni al copete |
|
|
lucyin
Date d' arivêye: 2005-07-07
Messaedjes: 3772
Eplaeçmint: Sidi Smayil, Marok
|
| Date: dju 29 dja, 2015 18:49:28 Sudjet: |
|
|
| djozewal scrijha: |
Tuwer dès djins pask'is volenut rîre di tot èt d' tèrtos |
Dj' a schoûté londi on long responda d' on lomé Ali Ben Makhlouf, on filozofe... francès, come si no l' dit bén.
Li kessioneu ni l' a nén spårgnî. Aprume des kesses et des messes so l' islam et les macsådaedjes di Paris.
Sol kesse "li liberté est ele sacrêye ?", il a yeu cisse response cial :
«Les Francès ont-st ene dujhance da zels so cisse kesse la. Por zels, oyi, c' est sacré. Mins ci n' est nén po çoula ki l' monde etir a les minmes reyaccions. Loukîz, metans, les payis inglisacsons. Dedja après li prumî eplaidaedje des caricateures, NOLE gazete di Grande Burtaegne, des Stats Unis ou do Canada n' els a rcopyî. Leu-z idêye : cwand l' liberté d' onk va tourminter li påye del societé, c' est l' role di l' Estat, purade do bon sinse kimon des djins, d' espaitchî çoula. Gn aveut ddja yeu des moirts après les prumîs eplaidaedjes e 2006. Adon, on respectêye li påye sociåle. On n' mostere nén çoula.»
Dji n' kinoxhe nén les eplaidaedjes do Charlie-hebdo. Dji sai bén k' i n' sont nén sclintchires po rire di leus prôpes politikîs, prezidint eto. Mins riynut i sifwaitmint des ôtès rlidjons avou des cint miyons d' croeyants ? Pôrént i eplaidî des desséns d' Hitler ki sope avou des ptits djwifs cûts al sitouve å gåz ? Ou do Påpe Françwès k' a dné di l' ADN del påpesse Djihene a on clonincieus po ndè rfé ene copeye, et l' mostrer cougnant avou leye å mitan del tchapele Sistene ? Ou do Dalayi Lama ki fwait ene cråsse eurêye avou l' tchå do prezidint del Chine et rtchire des ptits moennes tibetins ? Si l' response est "oyi", dji vou bén k' il åyexhe riprins eto des imådjes måhonteuses di l' islam, po "fé parey avou tertos". Dijhoz mu cwè.
_________________
Li ci ki n' a k' on toû n' vike k' on djoû. |
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
|
| Rivni al copete |
|
|
lucyin
Date d' arivêye: 2005-07-07
Messaedjes: 3772
Eplaeçmint: Sidi Smayil, Marok
|
| Date: vén 30 dja, 2015 12:40:09 Sudjet: |
|
|
ça våreut les poennes di fé on papî pol Rantoele ki vént : li dessén d' presse : disk' a wice k' il a ddja stî, kession atacaedje des valeurs ? (po vey çou k' gn a yeu dinltins). Po comprinde asteure, i fåt cnoxhe l' istwere. Vloz sayî ene sacwè ? Dj' el pôreu dmander eto a Jean-Philippe Legrand, ki vike di çoula, lu.
_________________
Li ci ki n' a k' on toû n' vike k' on djoû. |
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
|
| Rivni al copete |
|
|
djozewal
Date d' arivêye: 2005-07-01
Messaedjes: 307
Eplaeçmint: bagué !
|
|
| Rivni al copete |
|
|
lucyin
Date d' arivêye: 2005-07-07
Messaedjes: 3772
Eplaeçmint: Sidi Smayil, Marok
|
| Date: vén 06 fev, 2015 13:17:12 Sudjet: |
|
|
Djoze so èn emile
| Citåcion: |
Lès tchiyisses, sunisses, salaufisses, walaubisses, evnd., si batenut èteure zèls po leûs difèrinces di crwèyances èt tuwer à make dès inoçints, tot come lès crustins l'ont fêt, dins l' tins dins c'ki richène à dès guêres di parintèle. Fauréve ki s' modèrninuche èt admète k'on pout tûzer otrumint ki ck'i gn'a dins dès lîves nin bin lèyus ni bin compris ! |
Dji saye di fé on tecse pol Rantoele 73 ki wåde l' eglijhe / li moskêye e mitan do viyaedje. Nén åjhey åjhey, mins on-z a ddja passé les bardouxhes, ene sakî !
_________________
Li ci ki n' a k' on toû n' vike k' on djoû.
Candjî pol dierin côp pa lucyin, li vén 06 fev, 2015 15:36:13; candjî 1 feye |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
