Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

noûmots éndjolikes bate 2015

 
Sicrire on novea sudjet   Responde å sudjet    Djivêye des foroms di Berdelaedjes -> Walotux
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mie 25 nôv, 2015 21:58:53    Sudjet: noûmots éndjolikes bate 2015 Responde tot citant

Pablo scrijha
Citåcion:

sacwantès sacwès:

> boète à bits

Li picârd "boète" ("bo.ète" pinse dju, et nén "bwète") c' est l' minme mot ki
l' walon "bawete", si djel a bén compris, et nén "boesse".

> eredjistrer (= schaper)

mi dj' eploye pus voltî "edjîstrer" (mete en èn djîsse = mete a s' plaece)
(dji pinse k' eredjistrer vént ene miete di la eto, mins nén direk, passant
pâ francès "registre")

> gatebok / ibride

dji n' so nén seur ki gatebok ireut po des ibridaedjes di pus d' deus sminçons

> egurniaedje

fwait sol viebe e-gurni-yî (egurnyî) = mete e gurni
c' est insi ki djel rissint, et ça m' shonne eto on acawtaedje "naturel"
pol lidjwès (dins l' infinitif li "y" est rmougnî; mins i rispite bén
dins les parints; come l' askepieu l' a bén metou chal (ègurn_i_èdje)

dji voe pus voltî "egurnyî" ki "gurnirer" ki m' freut purade pinser
a on viebe po dire "fabriker des gurnis" ou "gâlioter les gurnis"
purade ki "mete dins les gurnis"
(di pus, l' oyance d' "egurnyî" mi shonne pus bele kel cene da "gurnirer")

> cwâte â ritna

mmm, ene aroke chal c' est di ratourner l' mot "memoire/memory"; la ki,
djustumint, li RAM c' est ene sacwè ki n' ritén rén do tot (elzès fât
rafrister tot plin d' côps al segonde, paski l' RAM ça roveye co pé
k' on tchet k' âreut l' alzeymer).
C' est l' veur ki tot â cmince, la bén lontins, motoit minme divant ki vos
vnaxhe-st â monde, on poléve tuzer a ene sacwè ki ritén; la k' c' esteut
des tôres di ferite (ça wâde si estat magnetike après ki l' côrant est côpé)

Les plakes et ôtes sopoirts di dnêyes eto wârdèt les dnêye. Ont do "ritna"
dabôrd, et come di djusse on les lome e francès pa des côps "mémoire de masse"

Li ratournaedje "memwere" po "mémoire/memory" est simpe et vént tot seu;
et surmint k' i dmorrè la ossu lontins ki "mémoire/memory" serèt-st eployî.
Mins candjî e walon pa on mot ki n' est nén ossu direk, dji n' so
nén seur ki l' idêye di wârder/ritni sereut l' meyeuse po ces agayons la.

Di fwait, sins les esplikêyes, dji n' âreut nén pinsé a des bâretes RAM,
mins purade en câte SIM ou clé USB ou ene afwaire insi.

> scrîramtaedje

si l' idêye c' est d' calcler l' francès "clavardage", pocwè nén
"taptelaedje" (TAPrece + berDELAEDJE)

> GSM

100% d' acoird avou vos ki ratourner "GSM" n' a pont d' avance;
la k' c' est on mot forspepieus po ene tecnike foirt precize.
Vât mî on mot pol sôre di telefone (mobilofone, axhlâve, sûtifone,
vola tos mots nén aloyîs a ene tecnike; dismetant ki l' tecnike "GSM",
leye, n' a mây sitî eployeye ezès Estats-Unis metans (il avént et ont
co todi des axhlâves, c' est seur, mins on n' les pout nén lomer "GSM")

Parey po les mots "CD" et "DVD"; e francès on continowe als eployî
paski c' est çou k' on a cmincî a fé; mins dji so bén binâjhe k' e
walon on-z a atâvlé des mots "plake + addjectif".
Asteure, k' i n' a pus 36 sôres di plakes come la sacwantès anêyes,
on pout dire biesmint "plake", sins mezâjhe di les dispârti.

> a-crole, a-bole

atincion, c' est nén l' minme! a-crole = @, a-bole = å

> ledloumire

dj' inme bén l' mot. Mins ça sreut purade po djâzer des lampes,
nén del loumire leye-minme (djâzer del loumire ça n' a d' sinse
ki dins on câzaedje tecnike, et la on eployreut "loumire", avou
des addjectifs s' i fât)

motoit k' e francès (dji n' è sai rén) on dit "lumière LED" po
"lampe (ou ampoule) LED", mins c' est on miscâzaedje.

> doirmi/fordoirmi

vos djhoz ki ça dvreut esse on viebe a complemint... pocwè don?
li sudjet di ces accions la c' est nén l' djin ki tént ene sori e s' mwin;
c' est l' copiutrece leye-minme! C' est leye ki doime ou fordoime.

Les mots sont courts et tnèt bén dins on boton; di pus, l' idêye
d' accion li minme (ou foirt protche), mins fwaite pus avant, est
bén rindowe pal cope doirmi/fordoirmi

Dji trove ki c' est ene clapantissime trovâjhe. Et dji propôze a Djhan
d' eployî doirmi/fordoirmi po "sleep/hybernate" (mettre en veille/en veille
prolongée).

> modem / boesse di raloymint

tecnicmint c' est nén l' minme.

"boesse di raloymint" pôreut aler pol boesse, oyi; mins i fât bén
comprinde ki cisse boesse la n' est NéN on "modem", mins:
- on modem
- on routeu
- on "switch"
- sovint eto én indjén wifi
- sovint eto on programe di côpe-feu
- pa des côps (et d' pus a pus) ene pitite cintrâle di telefone
- (avou, pa des côps, on sistinme di raloyaedje di telefones sins fyis
  po cisse cintrâle la)

li mot modem est on mot tecnike po èn indjén ki modûle et dismodûle
on signâ (MODEM = MODulator-DEModulator).
Dj' ô bén, on sistinme po-z evoyî et rçure des signâs (electrikes â pus
sovint) so on sopoirt.

ça n' est nén oblidjî d' aveur on rapoirt avour internet (on pout aveur
mezâjhe di module on signâ po l' evoyî d' on pont a èn ôte, et k' ça
n' âye rén a vey avou internet)
et on pout eto si raloyî al Daegntoele direk sins modem (metans, les
univiersités ni s' raloyèt pus avou des modems, mins avou des "simpes"
routeurs avou des pôrts optikes.

on routeu, c' est èn indjén ki permete di router les pakets di dnêyes
(dj' ô bén, tot rçuvant on paket, vey wice k' i doet aler, et trover
l' meyeu tchmin po çoula).
ça fwait k' on routeu doet aveur pol moens deus eterfaces (mins endè
pout aveur bén di pus) so deus (ou pus) rantoeles diferinnes.

do pont d' vuwe éndjolike, i n' a nole diferince sorlon l' sôre
di raloyaedje (câbes electrikes, câbes optikes, sins fyis);
dj' ô bén on routeu n' est nén ene sacwè ki permete di fé comuniker
des éndjins avou câbe ethernet et des sins fyis come el pinse
l' ahiveu d' onk des noûmots.
Di fwait brâmint des éndjins wifi ni sont NéN des routeus, mins
des switches.

S' i fâreut trover des mots po routeu (èn ôte ki "routeu") ou switch,
adon i fâreut rwaitî do costé do motlî des tchmins d' fier, s' i n' a nén
des beas mots tecnikes.

> ârdwèsse a chou

C' est "schô" et nén "tchou".
laptop = â dzeu (top) do schô (lap)

en inglès i gn a ene bele rîlêye insi:

desktop = sol buro (sol tâve)
laptop = sol schô
palmtop = sol pâme (del mwin)

C' est totes copiutreces, mins ça dit wice k' on l' pout mete.

> randele / djindele / handele

clapant!!
c' est, dji trove, li prumî pris do concours.
c' est bén dins l' esprit des djins del handele di fé des noûmots di
cisse sôre la; ça fwait k' i pôrént prinde.
Et l' rîlêye randele / djindele / handele est bele.

> scribanne / scriftôr

li diferince k' on nd aveut fwait c' est:
- scribanne: li fond del waitroûle, la wice k' on mete (meteut) les imâdjetes
  e francès: bureau, en inlès: desktop
- scriftôr: ene plaece sol scribanne (sovint â dzo) wice k' on aclawe
  on mwaisse menu, des imâdjetes (sovint des programes ki sont-st en alaedje),
  des apliketes (pitits programes come ene ôrlodje, ene imâdjete avou
  l' meteyo, ene imâdjete ki candje cwand on rçujhe des emiles)

mins, çoula cmince a fé vî asteure... la ki l' uzance asteure est a leyî
toumer tot çoula, et aveur pa dvant les ouys fok ki l' programe do moumint
(come dins les sûtifones, ou dispoy Gnome 3)


_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 25 nôv, 2015 22:03:54; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mie 25 nôv, 2015 22:03:15    Sudjet: Re: noûmots éndjolikes bate 2015 Responde tot citant

Citåcion:

> egurniaedje

fwait sol viebe e-gurni-yî (egurnyî) = mete e gurni
c' est insi ki djel rissint, et ça m' shonne eto on acawtaedje "naturel"
pol lidjwès (dins l' infinitif li "y" est rmougnî; mins i rispite bén
dins les parints; come l' askepieu l' a bén metou chal (ègurn_i_èdje)

dji voe pus voltî "egurnyî" ki "gurnirer" ki m' freut purade pinser
a on viebe po dire "fabriker des gurnis" ou "gâlioter les gurnis"
purade ki "mete dins les gurnis"
(di pus, l' oyance d' "egurnyî" mi shonne pus bele kel cene da "gurnirer")


oyi, egurniyî, come toursiyî, wespiyant (on aveut ddja decidé di shuve li rîle des 3 cossounes po ci sôre di shuvion la.

On wådreut "vî papîs" po les årtchives al viye môde
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Walotux Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group