|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3675 Eplaeçmint: Sidi Smayil, Marok
|
Date: dju 31 dec, 2015 13:34:03 Sudjet: plage |
|
|
* li calcaedje "plâje" a stî rwalnijhî "pladje". Mins ci "dj" la ni rispite nén dins les parints =» platche ?
* li calcaedje do flamind "strand" (atåvlé et sovint eployî pa Djôr)
** prononcî avou /an/
** li "D" ni rispite nén dins l' parintêye =» "T"
** li mot n' a nén skepyî do tins k' on fjheut des ristitchaedjes di voyale inte les deus prumirès cossounes =» sistinme "speke" (strante / estrante).
Po les 2 mots, dji leye les ôtes voyes å lådje (n' a k' rcandjî si on decide ôtrumint)
https://wa.wiktionary.org/wiki/pladje
https://wa.wiktionary.org/wiki/platche
https://wa.wiktionary.org/wiki/strante
https://wa.wiktionary.org/wiki/strande
Ôte mots possibes :
* plåtche (po tni conte del longueur del voyale, foirt corante)
* strane (nén naziålijhé)
Li decidaedje po "strante" si dvreut s' apliker a "stand" (mot foirt corant eto; dj' a tchicté inte "stane" et stande =» stante
Maria deyî, mon diu todi ! Mådjinez ki l' mot "plage" n' est ki dins 1 des motîs walon-francès (S170) (portant onk k' a stî foirt tapé a l' abat pa "ces djins la".
Dins les grands franwal : dedja dins l' Coppens (anêyes 1960) pu dins l' Denis (anêyes 2000). _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dju 31 dec, 2015 15:13:10 Sudjet: Re: plage |
|
|
lucyin scrijha: |
* li calcaedje "plâje" a stî rwalnijhî "pladje". Mins ci "dj" la ni rispite nén dins les parints =» platche ? |
ey adon?
dji pinse k' i n' a waire di tchances di passer po "platche".
A mons di candji TOTES les doûces cossounes al fén des mots et les riscrire e deurès cossounes (come dins li scrijhaede da Forir); mins c' est nén dins l' tradicion di scrijhaedje do walon.
et poy, kés parints?
Si on candje tofer et todi-evoye li manire di scrire des mots, li rfondou piedrè si råjhon d' esse!
Dji vou bén ki, pa des côps, on trove por on mot des ôtes prononçaejes, k' on n' kinoxeut nén dvant, et ki vnèt aspoyî l' eployaedje d' on betchfessî.
Mins candjî on mot k' est scrît d' ene manire bén acceptêye pa tertos (ou cåzu) et mete on scrijhaedje lon erî di cisse manire la, djusse paski c' est "pus sûti" (e co; dji n' voe dins vosse tecse nole råjhon pol "tch"; kés parints dabôrd?), dji n' croe nén ki ça soeye ene boune idêye.
Dj sai bén ki vos voeyoz voltî li scrijhaedje sorlon les rîles da Forir (et leyî toumer totes les nén oyåves cossounes: blan, moumin, foir, et tchik et tchak), mins c' est nén l' voye k' a stî tchoezeye.
Li rfondou a ddja etur 15 et 20 ans d' ådje (sorlon les betchfessîs); fé des gros candjmints dins l' soûmint minme riskêye di fé toumer tot l' bastimint.
Dji so d' acoird avou Djhan, kel rifondou doet esse ene tecnike (ene ortografeye) po scrire li walon k' egzistêye dedja.
Et nén l' askepiaedje d' on walon ki n' egzistêye nén co (mins ki sereut pus "peur").
Li voye burtone, purade ki l' voye izlandesse, si vos vloz.
alez, dji vs bitsoke et vs rastoke; tinoz vs bén, vos n' tchaizo nén |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dju 31 dec, 2015 15:21:56 Sudjet: |
|
|
et ene sacwè ki dji n' so vormint nén d' acoird, c' est di fé des sfwaits candjmints d' ortografeye dins l' wiccionaire, et les mete come si ça aveut stî oficirmint decidé, adon ki ça n' est nén l' cas!
Ou adon on clôt l' pordjet "rifondaedje" et totes les tåvlotêyes ki vont-st avou, et on rclame oficirmint ki "tchaeconk sicrît come el vout"; come c' est l' oficir discours pol sicrijhaedje feller. |
|
Rivni al copete |
|
|
lucyin
Date d' arivêye: 2005-07-07 Messaedjes: 3675 Eplaeçmint: Sidi Smayil, Marok
|
Date: dju 31 dec, 2015 22:03:53 Sudjet: |
|
|
dji rsaetche "platche", dabôrd.
I gn a k' 2 façons k' ont stî eployeyes : pladje (dji rtrove todi on tecse da minne) et "plâje" (Feller).
Li Wiccionaire pout esse ricandjî sol côp. Come ça, on tchereye.
Les parints atindous pôrént adon esse "pladjeu" "pladjisse" (onk ki passe si veye so les pladjes).
Vos n' dijhoz nén l' vosse po "strande" / "strante" / "strane" + "stande" / "stante" / "stane" (d' ene fôre).
+ dak / dag : fé s' dag (calcaedje flamind; li G n' rispite måy) _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3675 Eplaeçmint: Sidi Smayil, Marok
|
Date: dju 31 dec, 2015 22:23:42 Sudjet: Re: plage |
|
|
Pablo Saratxaga scrijha: |
alez, dji vs bitsoke et vs rastoke; tinoz vs bén, vos n' tchaizo nén |
Et vos pareymint, et les djins d' vos djins.
Asteure, dji va radmint fiesti mes ans (62) et l' novelan, et les ans di m' feme (li 1i d' djanvî).
Dji voe ki vos avoz bouté timpesse so li rfondaedje ces tins ci. Dji sayrè d' responde li samwinne ki vént. _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 01 dja, 2016 15:34:12 Sudjet: |
|
|
lucyin scrijha: |
Li Wiccionaire pout esse ricandjî sol côp. Come ça, on tchereye. |
Oyi, mins on pout ossu bén candjî sol côp dins on sinse ki dins l' ôte; ça pout moenner a çou k' on lome "batreye d' eplaidaedje", avou des candjmints ki djouwèt-st å ping-pong.
C' est po çoula k' i våt mî, pa des côps, endè djåzer ene miete divant.
Citåcion: |
Les parints atindous pôrént adon esse "pladjeu" "pladjisse" (onk ki passe si veye so les pladjes). |
(et avou des sfwaits parints, avou des "dj", dji n' comprind vormint nén did wice k' ele vineut voste idêye di "tch")
Citåcion: |
Vos n' dijhoz nén l' vosse po "strande" / "strante" / "strane" + "stande" / "stante" / "stane" (d' ene fôre). |
po "strande" c' est nén on mot k' dj' eploye; adon dj' inme mî d' leyî les cis k' eployèt po do bon l' mot di tuzer et d' vey cwè (après tot, c' est zels kel vont scrire).
Dj' a les pinses tot l' minme ki des sfwaits mot, copurade s' i sont foirt courts, vont esse copyîs purade "vizuwelmint" ki foneticmint (cisse diferince la eneviè çou ki s' fijheut i gn a 50-100 ans, c' est cåze k' enute les djins sont scolés, i savèt kimint l' mot si scrît dins l' lingaedje parint).
I m' shonne adon, ki "strande" et "stande" vont pus åjheymint spiter.
Mins, po "stande" eto, c' est nén vormint on mot ki dj' eploye (dji direut purade "coine", li coine del Rantoele al fôre ås lives, metans).
Citåcion: |
+ dak / dag : fé s' dag (calcaedje flamind; li G n' rispite måy) |
Li g n' rispite nén pask' i n' a nén des parints (ou end a-t î?).
Mins nerén, et copurade po des sfwaits mots (ki n' sont nén des mots walons, ki n' sont nén minme des mots eprontés po ristoper on manke e walon (on-z a "djoû", "ovraedje",...)), i sont-st epronter djustumint pask' i sont-st etrindjirs (come "job" e francès, ou "arbaito" e djaponès), paski ciste oyance etrindjire la, dene å mot on livea ene miete foû do livea normå des mots do lingaedje.
Do côp, po ces mots la, dji pinse ki l' clintcha c' est delzès fé rshonner å lingaedje parint, et nén d' les "walonijhî". Il ont stî pris djustumint pask' i n' sont nén walons. => "dag" dabôrd.
PS: tot passant, dji trove ki les motîs E34 (Vervî) et C13 ont sovint des tchuzes ortografikes pus près do rfondou k' des ôtes. Metans, po "dag" djustumint, "dag" dins E34 (sins crole al fén)) |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|