Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

saye di coridjrece e walon sol forom

 
Sicrire on novea sudjet   Responde å sudjet    Djivêye des foroms di Berdelaedjes -> Ratournaedje et tecnike do forom
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 821
Eplaeçmint: Oûpêye

PostDate: mår 07 mås, 2006 23:13:19    Sudjet: saye di coridjrece e walon sol forom Responde tot citant

Dji vén d' radjouter å forom li sopoirt pol coridjrece aspell;
ça fwait ki vos ploz, si vos l' voloz, eployî l' coridjrece so les messaedjes
da vosse.

Po çoula, clitchîz sol boton "Coridjî" sol bas a droete cwand vos scrijhoz
on messaedje (et divant d' l' evoyî); ça drouvrè on purnea javascript
po coridjî l' tecse.
Po tchaeke mot ki n' est nén cnoxhou, i vs propôze sacwantès sudjestions;
vos ploz tchoezi l' cene ki vos shonne li boune, eyet clitchî sol boton
"replaecî", si vos clitchîz sol boton "totavå" k' est a costé, li replaeçmint
si frè so tot l' tecse.
si c' est on mot ki vos n' voloz nén candjî, clitchîz so "passer houte"
si nou propôzaedje n' est bon, vos ploz todi candjî l' mot dins l' boesse di tecse djusse pa dzo "mot a coridjî"

Vos ploz eto l' eployî po loukî on mot dins l' esplicant motî, avou l' boton "definixha" çoula va drovi on purnea avou l' intrêye di l' esplicant motî pol mot k' est dins l' boesse di tecse "mot a coridjî".

Cwand tot est come vos vloz, clitchîz so "I va", eyet l' tecse di vosse messaedje va esse replaecî avou l' tecse k' a stî coridjî.
Si vos n' voloz nén, clitchîz so "Rinoncî", eyet l' tecse di vosse messaedje ni serè nén candjî.

S' i gn a des rujhes avou l' coridjrece, dijhoz mel.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

PostDate: mie 08 mås, 2006 20:55:25    Sudjet: Responde tot citant

Pout on trovu cisse coridjrece ôte pau dzeu l' waibe ?

Dji vén d' sayî, i m' shonne ké ça rote foirt bén, mins l' seuye sacwè eu c' ké dji trove a dîre c' est k' i gn a nén branmint d' definixhas...

Ah, co 'ne ôte sacwè : pau egzimpe cwand dji scrît sayî, i m' met : sa. Adon dji clitche dzeu coridjî... N' vola ti nén k' i m' scrît : sasayî ! Confused

Ene miete ewarant... Rolling Eyes
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Pablo Saratxaga
Site Admin


Date d' arivêye: 2005-07-01
Messaedjes: 821
Eplaeçmint: Oûpêye

PostDate: mie 08 mås, 2006 21:44:34    Sudjet: Responde tot citant

Psychedelik Barakî scrijha:
Pout on trovu cisse coridjrece ôte pau dzeu l' waibe ?


I vs fåt:
- li module php-pspell po PHP (al minme plaece ki vos avoz pris php)
- li module "phpSpell" po phpBB ( http://www.phpbb.com/phpBB/viewtopic.php?t=71932 )
- astaler aspell ( http://aspell.net/ )
- astaler l' diccionaire walon (ou l' lingaedje ki vos vloz) po aspell (li dierinne modêye pol walon, vos l' trovroz chal: http://chanae.walon.org/walon/aspell.php )
- et bén seur, on sierveu waibe eyet on forom phpBB astalés

Po l' eployî so voste éndjole, dj' ô bén, rén kel coridjrece (nén l' sierveu
waibe et tot çoula), i vs fåt djusse:
* so GNU/Linux: astaler aspell, eyet l' diccionaire walon (cåzu tos les programes savèt eployî aspell otomaticmint)
* so Windows: Francis Baudoux fwait on programe Windows po-z eployî åjheymint aspell po Windows avou l' diccionaire walon; mins i gn a co des rujhes, dji doe co rwaitî a çou ki n' va nén.

On pout ossu coridjî des ptits tecses sol pådje waibe http://chanae.walon.org/walon/coridjoe/

Citåcion:

Dji vén d' sayî, i m' shonne ké ça rote foirt bén, mins l' seuye sacwè eu c' ké dji trove a dîre c' est k' i gn a nén branmint d' definixhas...


Oyi; mins a fwait ki ça cominçrè a-z esse eployî, ça va candjî (disk' asteure dj' esteu cåzu l' seu a l' eployî, do côp, bén dj' esteu-st ene miete nawe...)

Citåcion:
Ah, co 'ne ôte sacwè : pau egzimpe cwand dji scrît sayî, i m' met : sa. Adon dji clitche dzeu coridjî... N' vola ti nén k' i m' scrît : sasayî ! Confused

Ene miete ewarant... Rolling Eyes


mmh, i gn a-st on problinme di sincronijhaedje cwand c' est en utf-8 (li discôpaedje des mots, eyet les mots passés al coridjrece, çoula s' fwait comifåt tot contant les caracteres; mins pol pôzucion (å moumint d' mete e rodje coleur eyet po mete li novea mot al plaece) çoula s' fwait tot contant les caracteres... come ene lete a accint (åâçéèêîôû) fwait deus octets en utf-8, li pôzucion est on caractere trop lon po tchaeke lete a accint...
dji n' a nén co trover wice k' i gn a l' problinme.
Dji saye di tot foirci en ecôdaedje 8 bits po vey si ça va mî
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






PostDate: dju 09 mås, 2006 12:18:56    Sudjet: Responde tot citant

Psychedelik Barakî scrijha:
Ah, co 'ne ôte sacwè : pau egzimpe cwand dji scrît sayî, i m' met : sa. Adon dji clitche dzeu coridjî... N' vola ti nén k' i m' scrît : sasayî ! Confused

Ene miete ewarant... Rolling Eyes


Est çki ça va mî asteure?
(dji vén d' fé des sayes avou MSIE (windows), Firefox (windows et Linux, moteur gecko) eyet galeon (Linux, moteur gecko)
Rivni al copete
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

PostDate: dju 09 mås, 2006 23:35:12    Sudjet: Responde tot citant

Neni... Asteûre i scrît : sayî et cwand dji clitche dzeu coridjî i scrît sayeî Rolling Eyes
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

PostDate: dim 28 may, 2006 12:52:50    Sudjet: Responde tot citant

Et cwè m' fi ? Des noveles di vosse coridjrece ? Çoula rote bén o bén on l' rouve ?

Paske ça m' shoneut-st ene foirt boune ideye, dj' inmreu bén l' eployî pou k' em walon dalixhe mea... Insi dji poreu scrîre e "bea" rfondou... :D

(Dji candje ene miete pou vs mander : pou l' "A bole", vos fijhoz ALT + cwè ?)
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Guest






PostDate: lon 29 may, 2006 7:34:25    Sudjet: Responde tot citant

Alt+134
Rivni al copete
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

PostDate: lon 29 may, 2006 22:10:21    Sudjet: Responde tot citant

Gråces branmint des côps Very Happy
åååååå... Ça rote foirt bén !
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Pablo Saratxaga
Site Admin


Date d' arivêye: 2005-07-01
Messaedjes: 821
Eplaeçmint: Oûpêye

PostDate: mår 30 may, 2006 3:31:46    Sudjet: Responde tot citant

Psychedelik Barakî scrijha:
Et cwè m' fi ? Des noveles di vosse coridjrece ? Çoula rote bén o bén on l' rouve ?


dji vén di rcandjî po kel coridjrece eploye tofer l' ecôdaedje cp1252 purade k' unicôde; on voerè bén si ça va mî.

Si vos l' eployîz, dji vs dimandreut di bén mete al fén di vosse messaedje
ki vos l' avoz eployî, si ça a stî ou nén, et ké betchteu et ké sistinme d' operance ki vos eployîz.

Dji vén d' sayî avou sacwants betchteus so Linux (seamonkey, firefox, galeon, epophany) et ça rote bén dins tos les cas.
Mins fåreut vey avou l' windows çou k' ça dene.

PS: avou l' betchteu konqueror ça n' va nén *do tot* (on problinme di javascript).

Citåcion:
(Dji candje ene miete pou vs mander : pou l' "A bole", vos fijhoz ALT + cwè ?)


Dji va sayî d' vey s' i gn a moyén d' fé come dins l' wikipedia, k' on pout clitchî po-z aveur ces letes la.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 821
Eplaeçmint: Oûpêye

PostDate: mår 30 may, 2006 13:37:37    Sudjet: Responde tot citant

Dji vén di sayî l' coridjrece avou firefox eyet MSIE so Windows; et ça rote bén.

Dj' a eto radjoute å dzo del boesse di tecse des letes, wiyemets et côde po mete e cråssès letes, evnd. k' ont pout clitchî dsu po l' aveur dins l' tecse.

Insi, po l' a-bole, i sufixh di clitchî dsu: åÅ

Po «», B, i, U, Img, URL; c' est des ecloyants, dj' ô bén, si vos tchoezixhoz on boket d' tecse, poy clitchî dsu, les cayets si metèt des deus costés do tecse tchoezi.

Dj' a copyî çoula do wikipedia Smile
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 821
Eplaeçmint: Oûpêye

PostDate: lon 03 djl, 2006 20:31:10    Sudjet: Responde tot citant

lucyin scrijha:
Vocial on tecse prins di "scrire", k' a passé a ene "rarindjrece" da minne et après sol ricoridjrece cial :

Çou k’ vos oyoz so l’ teut

...

On voet bén ki li rcoridjaedje des disfondowes lidjwesses des betchfessîs ea et oe ni va waire


C' est l' manire ki les rîles fonetikes sont fwaites; dji n' pout defini
k' on seu prononçaedje, ça fwait ki dj' a metou come premetowès valixhances ene miete di tchaeke costé.
Mins c' est possibe, si on recopile lu-minme li coridjrece, di tchoezi l' pårler k' on vout (a pô près)

la dj' a metou ki "ea" c' est "ya",
"xh" c' est "ch",
"oen" c' est "on",
"oe" c' est "eu"
"oi" c' est "we"
"ou" et "u" c' est l' minme
"sch" c' est "sk"
"sh" c' est "ch"
"ae" c' est "e"
"å" c' est "a"
"jh" c' est "j"
"ey" c' est "iy"
"vn" c' est "mn"
"h" c' est "h"

çou ki va foirt bén, c' est l' adurixhmint des cossounes.

i gn a ossu on bug dins aspell, ki fwait ki c' est nén possibe di
defini des prononçaedjes diferins po les letes a accint,
insi, "c" et "ç" n' polè nén esse dispårtous, et po aspell
"ca" et "ça" si prononcèt parey...
minme sacwè avou "è", "é" eyet "e", ça fwait ki dji n' sai nén fé l' diferince
inte "bague" (ki l' prononçaedje aspell divreut esse "BAK") eyet "bagué" (ki l' prononçaedje aspell divreut esse "BAGE")

mins ça va tot l' minme bén mî ki l' vî ispell, ki lu n' loukive les mots ki d' après l' rishonnance do scrijhaedje

Citåcion:
* po les ptits mots (pea, toet)


notez ki ça va co mî avou l' coridjrece e roye di cmande (dj' ô bén, so voste éndjole), la k' ele pout wårder vos vîs coridjaedjes, et trove pus åjheymint li côp d' après; mins c' est nén possibe avou l' aplikete waibe eployeye chal.
c' est l' veur eto ki les pus målåjheys c' est les ptis mots.

Citåcion:
* po les mots avou on rbetchfessaedje do R å prumî pî (gurnî, gurzea, kerton...)


neni, ça ça va bén.
i n' trove nén "gruzês" => "gurzeas" paski, d' après les rîles di prononçaedje del coridjrece sol forom, c' est "gruzês" = GRUZE, "gurzeas" = GURJA, çou k' est trop diferin.

...
mmh a noter ki ça va mî so
http://chanae.walon.org/walon/coridjoe/

Citåcion:
Tot djouwant, dj' a fwait passer "teut", ki n' doet nén esse dins l' djivêye des rfondowes.

Kimint fé pol refacî ?


Avou l' coridjrece eployeye sol forom, ele wåde les mots a n' nén coridjî dins ene coûke (cookie), ça fwait ki si vos vloz disfacer, i vs fåt aler dins l' apontiaedje di vosse betchteu waibe, et lyi dire di disfacer l' coûke (ele si lome dji croe "SpellLearned"), ou di disfacer totes les coûkes po berdelaedje.walon.org

Mins dji so binåjhe ki ça rote bén, sins problinmes d' accints ni d' seleccion des mots ki s' piede (paski dj' aveu des sfwaitès arokes å cmince)


Candjî pol dierin côp pa Pablo Saratxaga, li lon 03 djl, 2006 21:11:11; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 821
Eplaeçmint: Oûpêye

PostDate: dim 21 fev, 2016 4:02:42    Sudjet: Responde tot citant

Dji candje li mwaisse sourdant del coridjrece eviè «hunspell»

Hunspell est ene evolucion d' «aspell» (ki lu-minme replaecive «ispell»

Les avantaedjes:
* on pout eployî unicôde dins l' mwaisse sourdant (dji nel fwait nén co pol moumint, vey pus lon pocwè)
* on pout eployî des rîles pa spitant livea (ene rîle ki rhouke ene deujhinme rîle); çoula simplifeye BRÅMINT les afwaires (c' est sreut co mî si on pôreut rispiter di pus d' on livea, mins c' est nén co la)
* permete di specifyî des meta-dnêyes di derivaedjes; come li djinre di mot (viebe, no, adviebe, adjectif,... femrin, omrin, singulî, plurial, li tins et l' djin pol codjowaedje, evnd), on djoû ça pôreut esse eployî po, metans, si on screye "li bele ouxh" k' i ça soeye metou come flotche, et propôzer "li bea ouxh" (li=st:li po:art is:sg; bele=st:bea po:addj is:f is:sg; ouxh=st:ouxh po:no is:o is:sg ==> li djinre di "bele" et d' "ouxh" ni vont nén, mins li bodje ("stem", drapea "st") estant "bea", i gn a on "bea=st:bea po:addj is:o is:sg" ki convént)
* minme si nén co eployî, ces meta-infôrmåcions la sont foirt ahessåves po vey kimint les derivaedjes sont fwaits, et trover des flotches (pol codjowaedje, metans), ou co po vey si on mot nén metou come flotche c' est paski l' mot est dins l' coridjrece, ou si c' est l' cogne d' èn ôte mot ("texhou=po:no is:o is:sg" n' est nén l' minme ki "texhou=st:texhe po:v is:p.p", onk c' est on sustantif, l' ôte on codjowaedje di "texhe")
* les flotches di tapaedje sont mî coridjeyes (la k' on pout dner l' dispôzucion des tapes sol taprece, et hunspell sait vey cwand on tchôke sol tape djusse a costé)

Les dzavantaedjes
* les rîles di fonetike sont diferinnes, et foirt complikêyes, et dji n' sai nén co cmint fé po-z aveur ene sacwè di stocaesse. Do côp ça va moes bén.
eg avou aspell: âbe => åbe, åbes, obe, â
avou hunspell: âbe => obe, åbe, beu, bea
avou aspell: fwért => foirt
avou hunspell: fwért => firté, froté, fôrmat (i n' propôze nén "foirt" Sad )
avou aspell: fwart => foirt, cwårt, fåre, cwår, cwårs, fwait, farde, wat, fwagra, poirté, want, cwirt
avou hunspell: fwart => fwait, fawea, flate

pol moumint i våt co mî eployî aspell :-)


Les ki dvrént esse des avantaedjes mins ki dji n' sai nén co cmint fé
* li manaedjaedje des apostrofes dins Firefox divreut esse possibe (c' est l' cas avou l' coridjrece francesse); mins dji n' a nén co compris cmint (ça fwait ki, pol moumint, li coridjrece po Firefox eploye todi l' vî sistinme: el plaece di ricnoxhe «k' » i ricnoxhe «k» et Firefox riwaite les apostrofes come des espåces (dj' ô bén, ni fjhant nén pårteye do mot)

Dj' eploye dedja hunspell dins: http://chanae.walon.org/walon/coridjoe/
Eto pol pacaedje fwait po Firefox (k' on pout prinde so http://chanae.walon.org/walon/aspell.php )
Pol coridjrece do forom (li cene eployeye avou l' boton "coridjî") c' est todi aspell k' est eployî.
Li djivêye di mots est fwait a pårti do mwaisse sourdant (fwait po hunspell); dji saye di wårder des drapeas compatibes po les rîles; mins des coridjaedjes di rîles ki dji freu ni si rtrovrént nén dins aspell.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Ratournaedje et tecnike do forom Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group