|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 26 fev, 2016 12:26:33 Sudjet: [OK] costrure, costruccion => construre, construccion |
|
|
C' est nén des mots télmint eployîs (dji n' les trove nén on côp dins l' wiccionaire). pa côps il ont stî rfondous avou co- (come dins R15, li motlî del pitite croejhete).
Asteure, des ôtes sfwaits mots (avou co-) ont stî ricandjîs a con-
Dji pinse ki l' sicrijhaedje co- po les mots ki vnèt d' on mot latén avou con- divreut esse wårdé seulmint pol betchete bén walone (et spotchåve) c(o)-/k(i)-
Et po les mots ki n' si spotchèt nole pårt (dj' ô bén, pont d' cogne k(i)-) d' eployî con-
construre (dj' a constrût), construccion, condicion, comprinde (dj' a compris), ...
Mins:
cobate/kibate (dj' a cbatou),...
Candjî pol dierin côp pa Pablo Saratxaga, li sem 27 fev, 2016 14:02:13; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: sem 27 fev, 2016 12:29:49 Sudjet: |
|
|
c' est tos noûmots. Dji n' a måy etindou des Walons nés-natifs elzès dire. C' est todi basti = bâti (pus lådje oyowe), bauti (Årdene nonnrece, fonolodjeye do tchampnwès), basti (payis d' Måmdey). Ci-cial respond å tchapea do francès "bâtir" et a stî ritnou come rifondowe.
Po construre, vey çou k' on fwait avou des sfwaits mots.
Dinltins (1995-2000), on a sayî di rfonde li betchete con- e «co-». "coprinde", "covoye"...
Mins e 2001 (a Rtene, vos Lorint et mi), on n' a wårdé ki "codåner" et "codjowaedje" (di djel tén bén).
Li cawete, leye, shût normåldimint "destrure".
=» dj' atåvele construre. Mins vos ploz decider "costrure", dji shurè bagaedje. _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|