Berdelaedjes

[lucyin]

c' est pus k' ene kesse po ces deus mots la. C' est tos les mots francès avou les betchetes ré- (reclame) et dé- (détail) k' ont stî calkés e walon. Fåt i fé ene rîle po tertos ou fé do cas pa cas ?

des cis ki rivnèt mo sovint :

reclame / riclame; rezultat / rezultat; depinde / dipinde...
_________________
Li ci ki n' a k' on toû n' vike k' on djoû.

[Pablo Saratxaga]

I shonne ki les cognes avou "i" ont stî tchoezeyes:

* dipårtumint (dins l' djivêye des rfondaedjes decidés dvant fevrî 2010)
* rizultat / rzultat (dins l' djivêye)

Po dipinde / depinde, i n' a nén co stî decidé; mins:
* dipinde / dpinde (diferin di "dispinde") shurè l' rîle
* li cogne dins l' coridjrece est "dipinde"
* dins wiccionaire: 3 dipinde, 2 depinde
* dins wikipedia: 14 dipinde, 2 depinde
* dins walon.org: 1 dipinde, 1 depinde (dins l' croejhete da Lorint, k' eploye co ene viye ortografeye)

do côp dji sereu po rfonde "dipinde" eto.

Po reclame / riclame:
* li viebe "riclamer", lu, a stî decidé.
* dins wiccionaire: 12 reclame, 5 riclame
* dins wikipedia: 32 reclame, ene vintinne di riclame
* Lorint et mi on esteut po "riclame" (et i faleut pol moens troes djins d' acoird, la i n' aveut k' deus...)

* mins "reclame" (= publicité) est dins R13
* "riclamer" eto dins R13
do côp, on pôreut dire ki "reclame" n' est nén on parint d' riclamer, et l' wårder insi (pwès di l' eplaidaedje so papî)