Berdelaedjes

[lucyin]

oister (rif) = waster (w.Mit) = wèster (WL)

gn a nole cogne "ôster" / "oûster" e Coûtchant & Årdene nonnrece (c' est rôster / roûster)

waster (rif) = waster (WC a Bijhe, astok do picård k' a l' minme mot ALW 6 p.164 : abîmer) = gåter

li vî lingaedje d' oyi "gaster" a candjî erîlêymint vaila, et a môde do francès pol Walonreye ("â" di gâter francès åreut dvou dner "as" walon).

Dj' atåvele di fé 2 djivions diferins (davance dji vleu prinde onk ou l' ôte come rifondowe).

eployî so Wikipedia :
https://wa.wikipedia.org/wiki/Mot%C3%AE:tch%C3%A5forner
https://wa.wikipedia.org/wiki/Et_mi,_dji_vs_ratindeu_%28roman%29
_________________
Li ci ki n' a k' on toû n' vike k' on djoû.

[lucyin]

ça a shonne esse deus mots diferins, mågré ki l'sinsyince est pår li minme :

* gåter : Tayon-bodje francike (erî-rfwait) * «wuastēn», «wōstēn» (kischirer, distrure),
* waster : latén vastare (« dévaster »).

egzistêye minme dins l' vî lingaedje d' oyi :
https://fr.wiktionary.org/wiki/waster
_________________
Li ci ki n' a k' on toû n' vike k' on djoû.

[Pablo Saratxaga]

po "roister" dji sereut po n' aveur ki cisse cogne la (dj' ô bén, nén "rioister").

L' idêye c' est d' vey "oi" (eyet "oe") (eyet "ae", "ai", "eu", "ou", "oû", mins po ces la i n' a måy di dotance) come ene voyale.
Do côp, ri- + oister -> roister (come ri- + aler -> raler)

C' esteut ddja l' idêye pol sicrijhaedje "troes".

Les rîles di scrijhaedje sont eto pus simpes (nén mezåjhe di fé ene foû rîle pol betchete "ri-")