Berdelaedjes

[lucyin]

* divierser decidé e 2004, sorlon l' DTW
* riviersî dins FR13 a "renverser"

l' infinitif avou -er est pus lådje oyou; li codjowaedje avou -î mi shonne pus tipike ey egzistêye dins O3.

Codjowaedje : dj' atåvele di prinde li ci a môde di tchicter (dji rviersêye / -eye) estô do ci a môde di "wårder" (dji rviesse) (les 2 dins l' Gilliard).

Enute, dins l' DTW eyet l' Wiccionaire, dj' a shû "divierser" (codjowadje avou -er).
_________________
Li ci ki n' a k' on toû n' vike k' on djoû.

[Pablo Saratxaga]

Dins l' DTW (eyet dins l' coridjrece) dj' aveu ddja tot erîlé so -vierser.

Vocial les viebes ki dj' a ramonçlé disk' asteure:
- divierser (fr: deverser, culbuter)
- rivierser (fr: 1. verser (à nouveau), 2. renverser)
- trevierser (fr: traverser)
- vierser (fr: 1. verser (un liquide), 2. verser, renverser)
- kivierser (fr: convertir) (*)
- revierser (fr: revertir) (*)

I sont tos metous dins l' minme codjowaedje, dins l' l° 11 pol Gilliard, dins l' (pådje) 56 pol Stasse (såf les deus avou ene sitoele (*) ki djels a trové sins nole infôrmåcion di codjowaedje, mins on pout råjhonåvmint dire k' i s' codjowèt come les ôtes).

Li codjowaedje 11/56 c' est A=viers-, B=C=vies-; dji viesse, nos viersans,...

Cisse famile di viebes la a-st on groupe bén da zels (et rén k' po zels), ossu bén dins l' Gilliard ki dins li Stasse; el fåt wårder.

Dji radjoute ene roye codjowaedje a l' intrêye DTW di "vierser".