Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

rîle des 3 cossounes

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 18 awo, 2016 21:32:28    Sudjet: rîle des 3 cossounes Responde tot citant

Citåcion:
Manfred Lejoly, so èn emile
Vos m'av dit pusieûrs fîs qu'è walon on n'pout nin aveûr treûs consones qui s'sûhèt.
Mè rèsponse : ???????

Egzimpes:

scrènî = menuisier
splon = luge
spranwe = étourneau cfr. revue Mdy. ''Lu vî Sprâwe''
sprantcher= écraser = à Lîdge : sprotcher
> spot bé cuènochu : '''C'est todi les ptits qu'on sprotche''
strin = paille
stron = étron
bordgeû = bourgeois
cmèsburdgé = courbaturé
etc. etc. etc.


boune rimarke. Mins loukîz bén ki :
* tos les egzimpes di scrinî a stron, c' est avou R ou L, lomêyes cossounes likides. Zeles (c' est les seules) polèt vni e prumire ou 3 inme pôzucion d' ene troke di 3 cossounes.
* dins "bordjeu" et "cmesburdjé", li "dj" est loukî el linwince walone come ene seule cossoune.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 18 awo, 2016 22:46:13    Sudjet: Responde tot citant

https://wa.wikipedia.org/wiki/Cossoune_likide

https://wa.wikipedia.org/wiki/R%C3%AEle_des_troes_cossounes

Gn a-t i des egzimpes di R prumî avou deus ôtès cossounes ordinaires padrî ?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dju 18 awo, 2016 23:52:04    Sudjet: Re: rîle des 3 cossounes Responde tot citant

lucyin scrijha:

* tos les egzimpes di scrinî a stron, c' est avou R ou L, lomêyes cossounes likides.


Dins des lingaedjes k' i gn a on les screye minme diferinnmint (dj' ô bén, des scrijhas diferins pol "r cossoune" eyet li "r likide", pol "l deur" eyet li "l likide").
C' est insi e scrijhaedje devanagari, metans (onk des sistinmes di scrijhaedje li pus sincieuzmint fwait, tot passant).

E walon (ou francès, inglès,...) on fwait nén d' diferince å scrijhaedje, mins li son do "l" dins "fr:long" et "fr:blond" n’ est NÉN l' minme.

Ces likides la, c' est ene miete des "dmeyès cossounes" si on vout (come "w" et "y" sont des dmeyès voyales).
En likide ni pout måy esse å cmince ou al fén d' ene sillabe; c' est todi etur ene cossoune eyet ene voyale (et dj' a les pinses ki ça n' pout nén esse pa drî tot l' minme kéne cossoune nerén)

Citåcion:

Zeles (c' est les seules) polèt vni e prumire ou 3 inme pôzucion d' ene troke di 3 cossounes.


Nén e "prumire"!
Ene likide ni pout esse k' etur ene cossoune eyet ene voyale; do côp ele ni pout måy esse li "prumire cossoune".

Les fameusès "troes cossounes" c' est li fén d' ene sillabe et l' kimince del shuvante (c' est po çoula ki "scrinî" [skrinî] tot seu ça n' egzistêye nén, mins on pout aveur "on scrinî" [õs.kri.nî] ou "li scrinî" [lis.kri.nî]; po ça eto ki, s' i n' a nole voyale pa dvant, ça dvént "sicrinî" [si.kri.nî] ou "escrinî" [es.kri.nî])

Ene likide ni pout nén esse al fén d' ene sillabe

Li rîle n' est nén tant k' i n' pout nén aveur "3 cossounes ki s' shuvèt".
Mins purade ki ça n' pout nén ariver cåze d' ene ôte rîle (ki leye est l' "vraiye" rîle do walon, si on vout):

Tos les lingaedjes ont des "rîles di fonolodjeye" po defini cmint leus sillabes si fjhèt.
Dins des lingaedjes k' i gn a (come li gwarani), ene sillabe ni s' pout måy fini k' avou ene voyale; dj' ô bén, ene sillabe c' est V ou C-V
Do côp, dins on sfwait lingaedje, on n' årè måy deus cossounes ki s' shuvèt.

E walon c' est (V=voyale, C=cossoune, L=likide (sicrîts r, l), Y=dimey voyale (w, y (sicrît pa côps eto "i"!), les cårêyès åtchetes [ ] åtoû d' ene sacwè ki pout esse la ou nén, eyet li båre | po dire ki c' est l' onk ou l' ôte (måy les deus):

[C[L]][Y]V[C|Y]


diswalpé:
V (eg: a, an [ã],...)
C-V (eg: pa)
CL-V (eg: clé)
CLY-V (eg: trwè)
Y-V (eg: ya, wo)
CY-V (eg: kya, kwè)
V-C (eg: åk, ep',)
C-V-C (eg: kok)
CL-V-C (eg: brok)
CLY-V-C (eg: glwere [glwer])
Y-V-C (eg: yok, wok)
CY-V-C (eg: bioke [byok])
V-Y (eg: ey, ow)
C-V-Y (eg: taeye [tej], pawe [paw])
CL-V-Y (eg: troye [troj])
CLY-V-Y (dji n' trove pont d' egzimpe; motoit ça n' egzistêye nén)
Y-V-Y (waye [waj], nouwêye [nu.wej])
CY-V-Y (dji n' trove ki "Ramiêye" [ra.mjej] et "cweye" [kwej])

(vey eto cial)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 19 awo, 2016 0:07:43    Sudjet: Responde tot citant

lucyin scrijha:
https://wa.wikipedia.org/wiki/Cossoune_likide

Pol rîle Mahin, li R si moenne come ene vuzlêye cossoune (i ralonguixh les sons I, U et OU metous padvant). Li L come ene divuzlêye cossoune (si on a on long I, U u OU padvant, i lzî fåt on toetea.


Neni, on "r likide" ou on "l likide" ni polèt MÅY esse pa drî ene voyale.

C' est nén li scrijha "r" (ou "l") li likide, mins on son, ki, e walon, est scrît avou l' minme sene k' èn ôte son.

Del minme manire ki "c" c' est pa côps l' son [s] pa côps l' son [k]; pa côps l' son [S] (ch)...

Ou li scrijha "n" ki pa côps c' est [n] pa côps mostere li nåziålijhaedje d' ene voyale!

Ou co "i", ki pa côps c' est [i], pa côps c' est [j]
dins "li ptit" [lip.ti] et dins "tchampion" [tSã.pjõ] li lete "i" est on côp ene voyale, on côp ene dimey voyale.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 25 awo, 2016 11:24:19    Sudjet: Responde tot citant

Merci bén po ces dnêyes la. Dji va waitî di les espweter so Wikipedia et kécfeye sol Rantoele.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group