Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

boulome + bouname ?

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 21 set, 2016 23:40:29    Sudjet: boulome + bouname ? Responde tot citant

Christian Thirion so èn emile
Citåcion:

Bondjou Lucyin

D'vins l'Rantoele 79, v's-avez candjî on mot d'vins eune di mès crakes !

Vos avez mètou (boulome) al plèce di bouname..

Dji n'so nin d'acwérd avou s'mot la ! ....ci n'est nin on mot di l'( ès' walon)

Dji n'a måy oyou (boulome) tot-chal...èt minme pus lon...

Dj'a loukî d'vins 7 motîs...(walon d'Lîdje) èt c'est bèrnik...

Dji pinse qu'i n'fåt nin candjî dès bons mots d'nosse walon d' l'ès' po mète dès-ôtes..(di Nameûr ou d'Charlèrwè)


Vola, c'èsteût djusse po l'dire , mins on n'si va nin taper l'tièsse å meûr po çoula...

Disqu'a tchèstè d'Gouvy don...

Bon dimègne ! Cristian


oyi, vos av råjhon. Djusse ki "bouname", c' est on mot d' Vervî ki vout dire ..."boulome" (çou ki sereut bonhomme e francès). A Vervî, ame = ome.

Mins c' est on mot "k' a yeu del tchance": il a passé e lidjwès avou l' sinse di "galant". On pôreut don li mete "té ké" e rfondou. Dji dmande cwè ås ôtes rifondeus.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 25 nôv, 2017 22:57:04    Sudjet: Responde tot citant

Citåcion:
Christian Thirion
Bondjou Lucyin,

Tot djazant dè mot (bouname),

Li mot est r'pris èl bd (Natacha qu'a v'nou foû è 2006 èt qu'a stu mètowe è walon

pa Paul-Henri Thomsin (on tot bon scriyeû Lîdjwès

Vos l'mètez minme divins vosse motî d'potche è r'fondou (P.H.THOMSIN) p.339

Don , abèye Luçyin , po candjî çoula d'vins ( WIKI Walon)......(et on n'ramtêye nin) ????

Dji v'mète li foto,

Disk'a don, èt qu'tot vasse bin !

L'Blawète


Merci pol foto. Oyi, çou k' on pôreut motoit tuzer, c' est ki, a Lidje, come bonhomme, c' est erîlêymint [régulièrement] "bonome", "bouname" a Lidje, c' est on calcaedje do francès "bon ami" => bounami => bouname. Adon, il åreut ene plaece tote seule avou djusse ci sinse la.

Djel va mete insi dins l' DTW:
bouname, bounamiye (o.f.n.) bon ami, bonne amie. (rl a: £boulome£; £galant£, £crapåde£, £kimere£, £monkeur£).
Waitîz a: £boun£, £amisse£
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 26 nôv, 2017 20:25:09    Sudjet: Responde tot citant

Citåcion:
Christian Thirion:
Fez a voste îdèye, mins dji n'sé wice qui vos-avez stu kwèri ( bon-ami )


Si on louke pus lon,

( S.Stasse)
1) bonhomme- (on bouname di koûke -un homme petit) -(on p'tit bouname- un homme sans énergie/sans parole)
(on vî bouname- un vieux bonhomme )

2)gâteau en forme de bonhomme- on bouname di Sint Nicolèye) ou d'pâsse .

3) Epoux-mari- (vosse bouname-votre mari ) (d'abôrd, c'èst l'sins' d'èl foto qui dji v s'a-st-èvoyî)

Jules Lempereur ( bouname - bonhomme)

J.Gauthier (Liège -1870) (bonhomme- bouname)..

.......èt n-a co sûr dès-ôtes !

Luçyin...vos n'polez nin fé lès kwances èt passer oute di cès djins là !


Tos ces mots la sont ddja rprins dins "boulome" k' on n' pout nén rfonde "bouname", ca loukîz les disfondowes: boulome [C9,O0,O2,O3,O4,O5,R13]; bolome [C1,C8,C13,O0]; bounome [E21]; bonome [C8,E1]; bouname [E1,E34]

Loukîz les sinses: http://chanae.walon.org/lh/wa/dic/index.php?query=boulome

Tant k' ås motîs d' Lidje, i si rcopièt dispu l' Forir, (po 3. homme, mari, li seu sinse ki nos discutans cial.) Minme li Stasse ni candje nén li definixha. MINS les scrijheus, zels, ont candjî l' sinse. Li pilote n' est NéN maryî vou Natacha. Et av dedja veyou on tecse lidjwès avou "bouname di nive" ?

Av veyou ki Stasse a eto "bonome" = bonhomme; bonomerèye = bonhommerie?

Adon, "bouname" sereut on speciålijhaedje do sinse. Li mot sereut prins come rifondowe pask' il est foirt kinoxhou a Lidje, la ki CI N' EST NéN ENE FONOLODJEYE NORMåLE (a Lidje bon = bon & homme = ome => bonome). Did la l' idêye ki: soeye-t i k' i vént d' Vervî, soeye-t i k' i vént do francès "bon ami" k' a stî scawé (sins li I do coron); motoit les 2 sacwès eshonne.

Dins l' Wiccionaire, dj' a håsse di radjouter tos les sinses modienes (compagnon, mec, concubin; cohabitant légal...). Vos ploz todi cweri après ces mots la dins l' Gauthier ! Rolling Eyes
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 28 nôv, 2017 3:11:18    Sudjet: Responde tot citant

Dji n' metreu nén "bouname" et "bounamiye" dins l' minme intrêye, c' est nén des cognes omrinne et femrinne d' on minme mot!

C' est come "ome" et "feme", c' est nén l' minme mot (nén come "bea" et "bele", ki zels c' est l' minme mot).

Dji n' croet nén ki "bouname" vénreut del ratourneure francesse "bon ami",
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 28 nôv, 2017 23:08:18    Sudjet: Responde tot citant

Citåcion:
Blawete
po l'Natacha,.....l'pilote lî dit ( çou qu'vosse bouname dîreût si nos vèyéve asteûre ) (si bouname), don, (on "mari ")=(si ome)

po l'rèsse, dji m'va dîre comme Fil avou (fôteûy èt fastrou)..Por mi ci sèrè fôteûy dist-i,..èt( por mi ci sèrè bouname)

ps, dji n' sé d'wice vos aler kwèri qu' bouname c'èst djusse po vèrvî ...

n-a qu' (Haust) qu'èl dit.

li motî d'a Gothier èst pus vî d'60 ans ! ( 1870)(Lîdje- rowe Vinâve d'île 42)

po (bon-ami) vos d'hez...(dj'a l'îdèye) qui ça vint....dè francès (bon-ami)

si vos n'avez nin pus' di proûve qui l'îdèye (vat mîs d'lèyî toumer) pus vite qui d'mète 'ne macule !

c'èst m'îdèye todi ! ???? alè , disk'a ....luçyin èt n'vos fez nin trop' di mâs d'tièsse avou lès bounames..... (di nîve)???? pôr â Maroc !


Citåcion:
Blawete

Vos m'avez d'né l'idèye d'aler loukî li motî d'a Forir so l'intèrnèt !

Bouname, C'èst bin bonhomme et nin bon-ami.

èco pôr, ni v'nez nin mète on féminin( bounamye come vos l'avez mètou) c'mot la, (ça n'ègzistêye nin )

Bouname n'a nin d' féminin ! (come "bonhomme" nin pus)

Mète bounamye çi sèreût eune fâte abominâbe


Dj' elzès distrokele.
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mår 28 nôv, 2017 23:52:29; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 28 nôv, 2017 23:12:07    Sudjet: Responde tot citant

Pablo Saratxaga scrijha:
Dji n' metreu nén "bouname" et "bounamiye" dins l' minme intrêye, c' est nén des cognes omrinne et femrinne d' on minme mot!


dj' els a schåyî.

Citåcion:

Dji n' croet nén ki "bouname" vénreut del ratourneure francesse "bon ami",


Si c' est djusse ene cogne di Vervî ki s' a spårdou so Lidje, gn a rexhowes:

* rifonde "boulome" po tos les sinses
* rifonde "bouname" po tos les sinses (plamour ki ci sereut ene sorwalonde: c' est l' cene k' est l' pus diferinne do francès)
* wårder les 2, come asteure sol DTW, mins "bouname" djusse avou l' sinse foirt corant a Lidje (ome, kipagnon, aplaké).[/quote]
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 28 nôv, 2017 23:54:38    Sudjet: Responde tot citant

Citåcion:
Blawete
ps, dji n' sé d'wice vos aler kwèri qu' bouname c'èst djusse po vèrvî ....


Paski l' mot "ame" po dire "ome", gn a k' a Vervî (la k' bråmint des O divnèt A: paye = poye...)

ome [C8,C9,C99,E1,O4,R13]; ame [E1,E34]; oume [S109,S117]

Mins Haust p. 439: ome; ame a Vervî
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 29 nôv, 2017 21:50:28    Sudjet: Responde tot citant

Citåcion:
Luçyin, dj'a stu vèy so voste "berdelaedje.walon",

mins i fât on n° d'uzeû èt on fin mot po polêur sicrîre so l' pâdje, dj'èl va don mèt' chal!

Dj'a vèyou li scrièdje d'a Pablo Saratxaga, dji so d'acwérd avou lu !


bouname ni vint nin d'(bon-ami)...çoula c'èst sûr !...èt n'a nin d'féminin,

don, nin candji l'sins' di c'mot la ! (bouname = li définicion d'a Forir ) = époux - bonhomme -èt bonhomme de pâte/neige ect..

In'fât nin r'fonde ci mot là, c'è-st-on mot d' l'ès walon (est-wallon)

qui n'deût nin-t- èsse kimèsbrûdjî tot lî mètant dès dèfinicions qui n'sont nin l'vrèye !

M'idèye, si vos d'vez mète ( bouname) divins on scrièdje rifondou, mètez (bouname*)

èt a-d'zos dèl pâdje , sicrire qui l'mot (*bouname, c'è-st-ûnik'mint po l'ès' walon ) èt 'lzi mète on "synonyme".


On loucrè a ça a on raploû rfondaedje.

çou k' vos dmandez, c' est ene dobe rifondowe po tos les sinses. (come mî / mia). ça s' pout fé, mins i fåt k' on soeye d' acoird ki ça våye insi tos costés: 1) DTW; 2) Wiccionaire; 3) coridjrece.

Citåcion:
Blawete

Awè ! a m'îdèye on l'pout fé po kékes mots, (parèy avou dès mots dès ôtes walons, qu'on n'dit nin so Lîdje.)

Come çoula on wâde turtos nos bons mots walons !

Vos polez d'mander âs-ôtes, si ça s' poreût fé, (por mi dji pinse qui ça sèrè on "pus" )

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 01 dec, 2017 14:32:51    Sudjet: Responde tot citant

Nodidju ! Dji vén d' m abaiti ki c' est ddja fwait sol Wiccionaire (et c' est mi ki l' a fwait)

https://wa.wiktionary.org/wiki/bouname

Dj' a radjouté l' fråze da Natacha.

Citåcion:
Blawete

oyî, mins vos rèvoyîz a tot côp so boulome......sin mète (bonhomme)


mi dji mètreû ( bouname)(1°époux- (et ) 2° bonhomme) vèyî "boulome "(synonyme)


Mins ci n'èst nin mi l'maîsse...


Po ça, i m' fåt l' acoird ds ôtes rifondeus (po fé ene dobe rifondowe).

Li sinse "ome", lu, est bén acertiné avou "bouname" et motoit nén tant avou "boulome" (=> dji m' permete di decider tot seu).

Gn årè ene ôte rujhe teyorike: si on mete "bouname" et "boulome" dobès rfondowes, on divreut mete eto "ome" et "ame". MINS, dispu 50 ans, gn a cåzu pus nolu ki scrît e vervîtwès (ame).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 01 dec, 2017 20:08:23    Sudjet: Responde tot citant

Citåcion:
Blawete

Oyî, on fêt come vos d'hez, vos d'mandrez as-ôtes rifondeûs çou qui tûzèt !

Ni v' fez nou mâ d' tièsse, po lès-cis d' Vèrvî, li mot bouname a div'nou on mot jènèral po tot l'ès' walon dispôy bin d'vant Forir !

ps/ por mi on s' deût bate po les vîs mots, c'è-st-ossi consékant qui d'trover dès nou-mots !

( on vî mot d'pièrdou = on mot francès (francisé) qui rinteûre, èt c'èst damadje)

ègzimpe/- fâstrou..div'nou (fôteûy)-/....mangon..div'nou (botchî).....crèn'kin.. div'nou (ârbalète)...ect....

(il èst tins qu'ça s'arèstêye )


Citåcion:
Djôr so l' kesse do rfondaedje "Male" u "Måte" (po fr. Malte)


"Male" a on court "a" mot dedja dins l' motî Coppens "Croes d' Male". (c' est "normå" divant L; divant R ou ene vuzlêye cossoune, fåt tchoezi (gn a on berdelaedje dissu ça).

Citåcion:
Djôr

Adon, mi, dji so po l' pus vî mot k' ons a e walon, ârè cwand on prind boû po gade. (Dj' aveu ddja berdelé avou Lucyin Somme so les "sâmes" et "psâmes".)

Ou wârder les deus, mins wârder l' pus vî, c' est lwè por mi (tot seu ou nén tot seu)

Lâvâ, les maltès eploynut on "a" court cwand i câznut tâlyin ou maltès; mins on "â" cwand i câznut inglès.

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 03 dec, 2017 20:45:15    Sudjet: Responde tot citant

Citåcion:
Blawete

bin qu'awè, d'acwérd avou Djôr , fé d'abôrd rivni l'vî mot (tot mètant on ( *) qui rèvôye so l'ôte !


( èt fé çoula avou dès mots qui n'sont nin lès minmes po tos lès walons)...


come çoulà n-a pus nou mot qu' ènn'îrè foû dèl langue !


Cristian (l'Blawète)

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group