Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Plakes di rowes e walon

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2257
Eplaeçmint: Sidi Smayil, Marok

PostDate: sem 20 awo, 2011 2:11:20    Sudjet: Plakes di rowes e walon Responde tot citant

Papî da Djan-Djan dins l' Rantoele ki vént

Citåcion:
A pårt kékès comenes come Måmdey, Fosse-li-Veye oudon-bén Tcheslet, i gn a nén mirabilia el Waloneye po l’ afitchaedje bilinwe francès-walon.

Dji m’ sovén co del plake di rowe ofrowe al veye di Hu pa ene soce di waloneus et k’ î gn aveut scrît e grand dsu « Hu ».

Elle a stî metowe pa dzo les montêyes del Måjhone del Veye, ewou çki nolu nel voet.

Gn a co des mantches a mete, après mon nozôtes, po fé tcheryî l’ idêye di plakes e walon.

Fåreut i shure l’ egzimpe des Burtons et ataker pal SPW, li Siervice Publike di Waloneye po les fletchaedjes des otovoyes et grand-rotes ? Dins ç’ cas la, fåreut i eployî l’ rifondou walon, come zels, oudon-bén, come Lucyin Mahin l’ sicrijheu e 1999 dins « Qué walon po dmwin ? » dins les diferins accints ? Ou n’ fåreut i n’ nén eployî do « rfondant walon », on scrijhaedje ki shût les rîles do rfondou (disflaflotaedje eyet betchfessîs scrijhas) mins sins spotchî les diferinces coinreces (cognes nén erîlêyes), come ça a stî fwait trop sovint avou l’ rifondaedje.

I fåreut, aprume po les nos d’ plaece, shure li façon k’ on l’ dit å viyaedje minme. E francès, les nos d’ plaece ni shuvnut nén todi a cint åcint l’ ortografeye do francès d’ Paris. Pocwè fé l’ minme e walon ? Metans k’ po on viyaedje come Hevillers on eployreut l’ rifondante cogne « Évilé » purade kel rifondou « Éviyé » ca so plaece on dit « Évëlé ». Po « Tchålerwè », i fåreut eployî « Châlerwè », po « L’ Lovire » « El Loviére », et tchik et tchak.

Lacobén ki po sacwants veyes come Nameur, Måtche ou Lidje, gn a nén trop des rujhes.

Et i fåreut co trover cwè et come pol picård.

Oudon-bén fåreut i ataker pa nos comenes ? Mins ont ele les cwårs ? Purdoz vos mapes des rowes et atakez a ratourner les nos d’ rowes di vos veyes et viyaedjes et atôtchîz vos mandataires !

Dji vs leye ca dj’ a co les 124 rowes di Mont-Sint-Gubert a rmete e walon. Pask’ el walon dmeurrè tofer li lingaedje di nos tayons.


Ci sereut bén k' on tuze eshonne di "rîles" a consyî, come mon les Burtons. Metans : cawete -ene (=-ine dins l' walon d' Nonne) :Transene <>Transine // Djedene <>Djèdène <> Djèdine. Mins, come di djusse, li dierin mot doet todi dmorer azès djins do payis.

Nos n' estans nén sins rén:

http://wa.wikipedia.org/wiki/Wikipedia:Rifondaedje_des_nos_d%27_plaeces

Dji vén di rmete sacwants plakes e walon so :
* http://commons.wikimedia.org/wiki/Category:Plakes_di_rowes_e_walon_a_%C3%94t%C3%AAye
* http://commons.wikimedia.org/wiki/Category:Walloon_language_street_signs

On montaedje da Djan-djan :
http://commons.wikimedia.org/wiki/File:Plake_bilinwe_Walonreye.jpg
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

PostDate: dim 21 awo, 2011 8:01:27    Sudjet: Responde tot citant

So les otovoyes !? Vos n' l' åroz måye. vs avoz pus d' tchance di sayi avou l' comene. Dj' end a ddja dvizé avou des scabins vaici à Djiblou. I dijhnut tos li minmes : pocwè nén, mins fåt des cwårs ! Ene plake, ça n' est rén. Mins cénk cint...

Et si çoula s' fwait, ça doet esse è rfondou.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

PostDate: vén 16 dec, 2016 11:47:01    Sudjet: Responde tot citant

Mont-St-Guibert : Nouveaux panneaux en wallon
http://www.tvcom.be/video/videosujet_15669.html

C' est todi ça d' prins...
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group