Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

"Crompir" sel saclot d'chips

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
L'djonne walon-cåzant



Date d' arivêye: 2017-05-05
Messaedjes: 3
Eplaeçmint: årdenne

MessaedjeDate: vén 05 may, 2017 17:57:39    Sudjet: "Crompir" sel saclot d'chips Responde tot citant

Dji voreux bén sayî di scrîre on boket e rfondu, adon dji va fwère åk di court eyet dji dis dja merci bråmint des côps a cias ki m'amidreyront.

Dj'estéu l'ôte côp a tåle avou deux amis, cwand dji wet se l'saclot d'frites ki s'estéu scrît "crompir". Dj'estéu fwart sibré. Adon dj'ai louké se l'Etrernete po sawer ké k c'estéut di c'lingaedje la, eyet c'estéut e serbe. Adon ki l'walon pårtadje on miete avou l'serbe.

Merci bråmint des côps.

Simon
_________________
"On récolte ce que l'on sème", c'est bea. "Li batch si rtoûne todi sol pourcea", c'est mia.
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 08 may, 2017 13:15:50    Sudjet: Responde tot citant

Oyi, vos av råjhon. C' esteut do tins d' ene grande pômagne el Serbeye, do trevén di l' Impire romin djermanike.

https://wa.wikipedia.org/wiki/Sint_Impire_Romin_Djermanike

Di l' ôte des costés di l' Impire, c' aveut stî ene boune anêye po ene novele dinrêye vinowe d' Amerike, et k' on loma "poere di tere" (Grundpehre, e-n almand, divnou crompire el Principåté d' Lidje). Adon, li cowaidance [solidarité] nåcionåle djouwa et on evoya des "crompires" dins les provinces k' avént fwin. Come c' esteut novea, on loma l' amagnî come on l' loméve dins l' province k' aveut evoyî les amonucions => did la li siebe eyet l' crowate "krompir".

Li spot l' dit bén: n a todi on payis po schaper l' ôte.

Dji metrè vosse tecse sol Rantoele 82 (ramidrè come vos l' dimandez). Dinez mu ene adresse emile (po vs evoyî li modêye éndjolike, diviè l' 5 di djun) ey ene adresse del posse (pol modêye papî, on moes après).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 15 may, 2017 17:20:18    Sudjet: Responde tot citant

Citåcion:
Simon
Bondjoû,

Dje se bin pêné d'vs rusponde seulmint asteure. Dje se co étudiant et dje n'se nin a trin d'viker la période la pe édji dl'anêye.

Merci brâmint des côps d'm'awer ruspondou. Vs'ôs adon m'n'adresse emile asteure, et vola m'n'adresse del posse : Avenue de Charmes, 10, 6880 Bertrix. Dje m'loume Simon Lejeune.

Dj'aurot ossi ôte tchôze a vs'dimandez. Dje se étudiant dins les linwes et dëpë c't'annèye, li walon m'intéresse brâmint. Dj'è très vite décidé d'aprinde li rfondu, ca dje pinse qu'une linwe è bzwin d'esse normalisé, au moins cwand on la scrît, dins l'monde d'aneût. Dje voros bin sayî de l'scrîre et del pratiquer li pe possible, one miète tos les djoûs, et d'awer des djins qui m'ramidrèyront. Povoz-vs m'dire dou c'ke dje poros trové des djins coume ça ? Bin chûr, li mia serot co d'awer des djins ave qui dje pou causer, se Skype ou a vrê, mais dje pinse que c'est co pe malédji.

Dje se a train d'lire "Vera". I gn'é qu'oune tchôze a dire... C'est fameux ci qu'vos fwaites ave nosse lingaedje ! Merci !

A bin rade,


Ebén, vola ene tripe sorprijhe: 1) vos djåzez bén walon; 2) vos vloz aprinde li rfondou; 3) vos estoz on vijhén, d' on payis ki dj' croeyeu k' i gn aveut waire di djonnes ki savént co l' walon.

Po-z aprinde li rfondou, kimint fé ? Boune kesse !

Po onk k' a ddja do walon e s' tiesse (et dj' a les pinses ki vos av li ci d' Bietris), fåreut motoit sayîz di scrire et prononcî les mots ki vs av el tiesse. Pu, les rmete e rfondou, et did la, comprinde kimint çki les ôtes li prononcèt (ôte pårt el Walonreye).

Ké sourdant [source] av dedja pol walon d' Bietris et do cotoû ?
Gn a:
* https://wa.wikipedia.org/wiki/Motl%C3%AE_d%27_Tchonveye
* https://wa.wikipedia.org/wiki/Motl%C3%AE_Anselme_so_les_cortis_a_Bietris

Mins est çki c' est bén l' accint ki vos av e l' tiesse ? (motoit ki vs dimorez a Bietris, et awè des atnances ôte pårt pol walon).

Asteure, po passer do walon d' Bietris å rfondou, on pôreut mete des rîles so ene waibe, metans:
* https://wa.wikipedia.org/wiki/Bietris_(veye)/passer_do_walon_d%27_Bietris_%C3%A5_rfondou

Oudonbén l' fé direk so Berdelaedje, ciddé:

Citåcion:
Dji voreux bén sayî di scrîre on boket e rfondu


=> Dji voreu bén sayî di scrire on boket e rfondu

Rîles:

voreux => vôreu

* pont di x dins les cawetes do rfondou (ni do Feller, åresse); li X n' egistêye nén e rfondou, foû do betchfessî xh
* pont di halcrosse lete [lettre muette] dins les cawetes di codjowaedje [suffixe de conjugaison] del prumire djin do singulî (li "cåzant").
* o => ô : betchfessî ô: on prononce vonreu ou voûreu (a Bietris, motoit "djë vonro")

scrîre => scrire:

Rîle Mahin di disfaflotaedje ...
https://wa.wikipedia.org/wiki/R%C3%AEle_Mahin_do_disfaflotaedje_des_longu%C3%A8s_voyales_%C3%BB,_%C3%AE_et_o%C3%BB_divant_ene_vuzl%C3%AAye_cossoune

C' est sovint parey e francès:

la bible, le livre, vive = î
une fifle, tripe, vif = i
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li dju 08 djn, 2017 15:03:04; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 03 djn, 2017 16:27:57    Sudjet: Responde tot citant

A bén, dji saveu ki l' stok etimolodjike di "crompire" esteut spårdou so l' aroyaedje do Sint Impire, mins dji n' saveut nén k' ça vneut d' "poere di tere" e tîxhon...

Et bénvnowe a vos, Simon!

Dji n' sai nén si vos l' avoz ddja veyou ou sayî; mins dj' a metou en alaedje ene coridjrece d' ortografeye (e rfondou) cial.
Cwand vos scrijhoz on messaedje, divant d' clitchî so "Evoyî", vos ploz clitchî so "Coridjî" et ça pasrè l' messaedje pal coridjrece.

I gn a eto li wiccionaire: http://wa.wiktionary.org/
eyet l' båze di dnêyes DTW (Diccionaire di Tot l' Walon) ki, come c' est ene båze di dnêyes, a l' avantaedje di permete des spepieus rcweraedjes (ossu bén sol cogne "rifondowe" ki so les cognes "disfondowes"): http://chanae.walon.org/lh/wa/dic/
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 03 djn, 2017 18:26:37    Sudjet: Responde tot citant

Dji revoye li messaedje a Djåke Desmet ki vôreut bén scrire si roman k' est sol mestî e rfondou.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group