Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

"godferdom" est i walon?

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 djn, 2017 13:10:11    Sudjet: "godferdom" est i walon? Responde tot citant

Citåcion:
Manfred Lejoly so èn emile
Motî d'potche p. 224 :

1 nodidju, 2 godferdom, 3 godferdek, 4 nodihu, 5 mildju.

Sè 2 èt 3 sont do walon, djè so impèreûr dol Chine.


Po "godferdom", li tecnike des mots "acertinés" (prononcîs e walon pa on djåzeu né-natif) nos permete åjheymint del prinde come walon (dji l' a oyou co 13 côps di m' pa et des djins d' mes djins.)

Avou ça ki li mot a fwait des parints: godferdomer
https://wa.wiktionary.org/wiki/godferdomer

Si on rsaetche "godferdom" do walon, i fåt rsaetchî "alcohol, amiral, calfeutrer, savatte, zakouski, lukum, pénalti... do francès; mutton, veal, castle... di l' inglès, Belletristik di l' almand, avou on "belle" francès...).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 10 djn, 2017 16:09:31    Sudjet: Responde tot citant

C' est nén ttafwait l' minme.
penalti, alcol, evnd. vnèt bén d' ôtès lingaedjes, mins c' est noûs concepes.

godferdom c' est purade come "voguelpik" ou "stoumeling" e francès: ça vént bén d' èn ôte lingaedje, eyet ça wåde todi l' idêye ki ça vént d' èn ôte lingaedje; minme ki c' est po çoula k' on ls eploye, po-z apoirter ene pitite diferince, a môde di clignete d' avou l' mot natif.

Parey avou "godferdom", ki permete di dire "nodidjo", mins tot nel dijhant nén.

Mins oyi, c' est eployî télmint sovint, k' on pout dire k' i dvèt esse dins on motî do walon (notez bén ki dji n' a nén dit "c' est do walon" Wink ); la k' i gn årè bråmint des probåbilistés di trover l' mot dins on tecse e walon.

I gn a l' minme bate di dvizes avou l' francès, sol nateure di mots come "tweeter": c' est do francès ou nén?
Mins çou k' est seur c' est k' c' est eployî dins l' lingaedje.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 11 djn, 2017 14:20:11    Sudjet: Responde tot citant

Citåcion:
Manfred
Djè m'permets dè rèprocher à ces qui ovrèt sol rèfondu dè s'inventer des régues po tofèr
aveûr raison.

Onc qui djanse walon dèspô pètit, èt qui vinreût à sièrvi on mot X ou bé Y, freût què ci mot
dèvét walon ????
Po dmani o l'ègzimpe des djurons: sè djè dis dèvins one phranse è walon ''Caramba" (espagnol),
"Leck mich am Arsch'' (all) , etc. : coula dèvét do walon ?


I n'a nou 'linguiste' po s'acwèrder avou one sèfète.

Noune logique, noune rigueûr, nou sérieux ...


Mande escuze di forbate. Si 1000 djins ki djåzèt walon tos les djoûs dijhnut "caramba", li mot est walon. Loukîz a: amigo

https://wa.wiktionary.org/wiki/amigo

Tos les lingwisses sont d' acoird ladsu.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 11 djn, 2017 19:35:03    Sudjet: Responde tot citant

Po çou k' est di "godferdom" (et si famile), li mot aveut moussî dins des motîs bén dvant ki l' mot "rfondou" ni soeye eployî pol prumî côp.

On l' ritrove, metans, dins l' motî d' Nivele, eplaidî e 1952.

Notez eto ki l' mot î est scrît « fèrdom' » avou come etimolodjeye « flam. verdommen, maudire ».

I gn a eto (dins ds ôtes motîs) des mots parints ki n' vinèt nén do flamind, mins sont des creyåcions pår walones, a pårti d' « (god)ferdom ».
Metans: « disgodferdomer » (ki vout dire distrure, abumer), « ferdomer » (blasfemer); eyet « ferdouye » ki cmaxhe ene miete tot (ferdom, diu, berdouye).

On pout bate et forbate po saveur si « ferdom » est do walon ou nén;
mins « disgodferdimer, ferdomer, ferdouye » sont bén walons, zels.


Cwè dire eto d' « dringuele » ? ou co « losse » (ki vénreut do neyerlandès "los") ?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group