|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: sem 10 djn, 2017 13:01:35 Sudjet: Tchinnêye (Tchin.nêye) Tchinynêye (Tchin.y'nêye) Tchinnnêye? |
|
|
Tchinnêye (Tchin.nêye) Tchinynêye (Tchin.y'nêye) Tchinnnêye (Tchin.n'nêye) ?
Citåcion: |
Manfred Lejolly, so èn emile:
1° HAUST p. 93 : Chênée = Tchêyenêye, Tchê(n)nêye ( èt nin Tchinêye ) |
Tchinnêye (Tchin.nêye nén Tchinêye) respond a Tchênêye (1 seu N): chêne + aie; (e rfondou, on n' disnaziåle nén "in" => "ê" come après Vervî: "li vî tchêne").
Po Tchêynêye, on doet supôzer on ristitchî Y ki vénreut bén d' on vî S (1191 : Kesneies) => si divreut rfonde "Tchinynêye".
Mins on pôreut eto tuzer a on candjmint d' voyale IN => è (come tchinne => tchenea (petit chêne) = tchènê; Tchenoe (Tchèneû).
Adon, ci sereut : Tchenêye u Tcheynêye e rfondou.
Mins les viyès cognes, Chainée'' (1393), ''Chaisnée'' (1445) shonnèt mostrer ki l' E dimeure long. => Tchinnêye, Tchinynêye,
Po Haust "tchênnêye", on åreut Tchinnnêye (Tchin.n'nêye) avou 3 N. ça egzistêye dedja e rdondou avou des codjowas namurwès: i trinnnut, i moennnut (i trinnèt, i moennèt) = i trin.n'nut u i trin.nenut...
On n' riprind nén platezak les scrijhas Haust po n' nén wårder ene lete "ê" å mitan d' on mot, on foninme k' on n' ritrove nén ôte pårt dins l' coir do lingaedje (aloyance divintrinne [cohérence interne] do pordjet). _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: mår 13 djn, 2017 19:03:03 Sudjet: |
|
|
Dji n' pinse nén ki "Tchinynêye" soeye possibe; i gn a-t i des cas cnoxhous di dimey voyale après ene naziåle ?
(dins l' minme sillabe, dj' ô bén, "anweye" c' est [ã]+[wej], nén [ãw]+[ej])
Si l' etimolodjeye vént d' l' åbe, adon Tchinnêye sereut l' rifondaedje li pus direk (et c' est nén po rén k' il a-st aspité, pinse dju).
Si c' est po-z esse å pus près do prononçaedje d' après Haust, adon ça sereut "Tcheynêye"
D' èn ôte costé, mi dj' a purade oyou "Tchègnêye" ou "Tchingnêye";
mins di co èn ôte costé (po l' fé bén cwåré) c' est nén on mot ki dj' a-st oyou foirt sovint (seulmint di deus djins).
çou ki pôreut esse foirt interessant po discramyî l' cayet, ça sereut d' trover cmint çk' on lome les dmorants. |
|
Rivni al copete |
|
|
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: mie 14 djn, 2017 3:13:37 Sudjet: |
|
|
Pablo Saratxaga scrijha: |
çou ki pôreut esse foirt interessant po discramyî l' cayet, ça sereut d' trover cmint çk' on lome les dmorants. |
Gn a pont d' no walon des dmorants; pont di spotaedje nerén (ça n' si fjheut nén voltî el Principåté d' Lidje)
Dins l' divêye Djan Djermwin des nos francès di dmorants: Chênéen. Mins ça n' shonne nén on tcherpetaedje di vént do walon.
Dj' a sayî, a môde di noûmot: Tchinnurlin (a môde di Membak => Memurlin: li cawete -urlin s' acawtêye djusse sol bodje.). _________________ Li ci ki n' a k' on toû n' vike k' on djoû.
Candjî pol dierin côp pa lucyin, li mie 14 djn, 2017 4:13:42; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
|
Rivni al copete |
|
|
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: mie 14 djn, 2017 4:07:08 Sudjet: |
|
|
Pablo Saratxaga scrijha: |
gn a-t i des cas cnoxhous di dimey voyale après ene naziåle ? |
dins les walons coinreces, oyi: Roman Payis: pon.y (au cièl, i n' a pon.y (/pɔ̃j/) d' bire; c' est po ça k' on l' bwèt vêcë : tchanson des ebagants el Wisconsene, ritrovêye pa Lucien Léonard. _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|