|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dim 18 djn, 2017 3:23:11 Sudjet: |
|
|
Pol Turkeye, dins l' lingaedje lu-minme, c' est avou on "u" et nén on "ou" : Türkiye (et nén Turkiye).
Parey pol Turcmenistan (Türkmenistan)
(et si vos vloz di totes foices sititchî ene voyale a "turcmene", li vî scrijhaedje et prononçaedje ene miete tot avå e l' Urope c' est purade "turcoman")
Des lingaedjes ki n' ont pont d' son [y] metèt on [u] al plaece; mins e walon on-z a "u" et "ou", ostant wårder l' bon son.
Et po l' Azerbaydjan i n' a pont di stitchî i (Azərbaycan, prononcî azërbaydjan)
Pol candjmint Kazaxhtan -> Cazaxhistan, i va, ça mostere mî li cawete -stan (e castiyan on stitche eto on "i": Kazajistán)
Kirgiztan -> Kirguiztan : oyi bén seur, lo roviaedje do "u" est surmint ene flotche di tapaedje |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: lon 19 djn, 2017 23:32:19 Sudjet: |
|
|
Pablo Saratxaga scrijha: |
Pol Turkeye, dins l' lingaedje lu-minme, c' est avou on "u" et nén on "ou" : Türkiye (et nén Turkiye). |
On a rfondou avou "ou" sol vî mot walon "Trouk" (poes d' Trouk). => Tourkeye. I m' shonne ki l' fonolodjeye walone prume, minme sol cene do lingaedje lu-minme.
Tot "So l' Anuti" - modêye papî 2006 - a stî rmetou insi (Trouks, Tourkeye).
Årtike "Tourkeye" sol Wikipedia dispu 2011.
Citåcion: |
Parey pol Turcmenistan (Türkmenistan)
(et si vos vloz di totes foices sititchî ene voyale a "turcmene", li vî scrijhaedje et prononçaedje ene miete tot avå e l' Urope c' est purade "turcoman") |
pol u <> ou, shût Tourkeye.
Pol loyaedje -o-, dji saye d' elzès replaecî pa on loyaedje pus walon, tuzé a pårti di "borguimwaisse".
http://berdelaedje.walon.org/viewtopic.php?t=2062
Mins ciddé, on pout wårder l' o, poy ki c' est vormint on long mot.
=> Tourcominnistan
Citåcion: |
Et po l' Azerbaydjan i n' a pont di stitchî i (Azərbaycan, prononcî azërbaydjan) |
Por mi, li shuvion -ydj- ni va nén e walon. Loukîz s' i gn a des sfwaits mots.
Dins Vera: Azerbayidjan
Citåcion: |
Cazaxhistan / Kirguiztan |
les grands tuzeus tuzèt parey. _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: mår 20 djn, 2017 13:14:47 Sudjet: |
|
|
lucyin scrijha: |
=> Tourcominnistan
|
çou ki dj' vou dire c' est k' i n' a pont d' råjhon d' aveur ene naziåle "in",
c' est [en] (èn') => Tourkimenistan
Citåcion: |
Por mi, li shuvion -ydj- ni va nén e walon. Loukîz s' i gn a des sfwaits mots. |
Tot plin: "et poy dji fwait...", "travaye dju por zels?",...
Azerbaydjan = [a.zer.baj.Zã]
C' est nén on shuvion -ydj-, mins on shuvion /ay/ eyet on shuvion /djan/
"waye dji vs dit"
Dins Vera: Azerbayidjan
Citåcion: |
Cazaxhistan / Kirguiztan |
les grands tuzeus tuzèt parey.[/quote] |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mie 21 djn, 2017 11:48:31 Sudjet: |
|
|
Pablo Saratxaga scrijha: |
çou ki dj' vou dire c' est k' i n' a pont d' råjhon d' aveur ene naziåle "in",
c' est [en] (èn') => Tourkimenistan
|
iva pol -e-; cwè a-t on fwait po "estrinnmisse <> estremisse" ?
Al fén do mot, li modele sereut "sistinme"? ça a stî l' prumî mot ki vos av rifondou come ça (fr. -êm => walon -inm); mi, dji scrijheu purade "sisteme";
Adon-pwis, totes les cawetes fr -ienne wa yinne (aldjeryinne...).
---------
Dji so biesse ! po passer houte del rujhe del sillabe CCV Tourkmenistan
on a k' a fé come po Turc (CVLC) => Trouk (CLVC); cial Troucmenistan. C' est bén pus plaijhant ki l' mot ås 4 pîs (Tourkimenistan). _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: mie 21 djn, 2017 21:13:20 Sudjet: |
|
|
lucyin scrijha: |
iva pol -e-; cwè a-t on fwait po "estrinnmisse <> estremisse" ?
|
ça n' a rén a vey.
Dins "Türkmen" c' est nén ene cawete walone -inne; c' est on mot turk (ou troucmene; mins c' est l' minme famile, come vos dirîz walon et picård).
Po estrinme/estreme; dins l' DTW on rtrove li bodje dins 4 motîs: E1,E21,E34,O4 : estrem- [E1], estrém- [E34], ecstrêm- [E21,E34,O4]
(li dierin mi shonne esse on calcaedje setch)
Do côp, avou les dnêyes k' i gn a sol DTW pol moumint, li rfondaedje sereut purade:
estreme, estreme-onccion, estremité, estremmint.
et do côp eto (nén dins l' DTW): estremisse.
Citåcion: |
Al fén do mot, li modele sereut "sistinme"? ça a stî l' prumî mot ki vos av rifondou come ça (fr. -êm => walon -inm); mi, dji scrijheu purade "sisteme";
|
E francès c' est "système" et nén "systême" :-)
Dins l' DTW i gn a 5 mots français finixhant avou "-ême" :
batême => bateme
blême => bleme
carême => cwareme
extrême => estreme
même => minme
Les troes prumîs ont seulmint -èm- dins les disfondowes.
Li 4inme a -èm- eyet -êm-; mins l' betchete pus walone ès- (purade ki èks-) va avou -èm-)
I gn a k' «minme» ki est ene miete a pårt.
Dins l' DTW i gn a ene 30inne di mots franc!s avou "-ème".
- bråmint des ôrdinås (come quatrième => cwatrinme)
- crème => crinme
- diadème => diyadinme (mins li seule disfondowe atestêye est "diyadéme" [E21])
- phonème, morphème,... => foninme, morfinme (mins c' est des noû mots)
- poème => powinme (powéme [E1; powême [O4)
- problème => problinme (cor on côp, nén trové foû do rfondou)
- système => sistinme (insi dins E1; dins 04 i gn a "sistématik'mint")
- thème => tinme
I gn come on clintcha a-z aveur "-eme" po les cuzéns des mots francès avou "-ême"; eyet "-inme" po les cuzéns des mots francès avou "-ème"
Citåcion: |
Adon-pwis, totes les cawetes fr -ienne wa yinne (aldjeryinne...).
|
çoula ça vént del tchuze po l' omrin: -in => femrin -inne; omrin -én => femrin -ene
Come li cawete est -(y)in (aldjeryin, afrikin) ça fwait on femrin -(y)inne (aldjeryinne, afrikinne) |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dju 22 djn, 2017 3:51:47 Sudjet: |
|
|
Bele sinteze. fåreut mete çoula ene sadju sol Wikipedia. Dji louke a ça. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|