Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

cawete -ijhî

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 19 awo, 2017 14:57:42    Sudjet: cawete -ijhî Responde tot citant

Reptilien scrijha:
« adjijhaedje » ?


adjixhaedje:

viebe del 4inme troke => no d' fijhaedje avou -ixhaedje

mwaistrixhaedje, alårdjixhaedje, raspexhixhaedje Crying or Very sad

viebes avou l' cawete -ijhî : => -ijhaedje

* vî viebes (end a waire) : batijhaedje, rawijhaedje
* (calkés do francès): riwalnijhaedje, picårdijhaedje, otorijhaedje

Miere ! Embarassed Ovraedje po rén ! Vos avoz råjhon po on viebe ki dji n' kinoxhe nén (adjére)

La, li -i- est dins l' bodje, nén dins l' cawete.

(adjixhaedje = fr. agissement)

Bon, dj' end a tolminme ahivé ene pådje Wiccionaire:

https://wa.wiktionary.org/wiki/-ijhaedje
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 12 set, 2018 12:36:04; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 19 awo, 2017 15:15:16    Sudjet: Responde tot citant

Tot rpassant tos les mots do DTW avou l' coron -ijhaedje, end a fok 3 ki c' est l' cawete -ijhaedje (awijhaedje, batijhaedje, mondialijhaedje).

C' est l' moumint di s' acoirder sol rifondaedje del tripe cawete -alijhaedje; avou des ôtes parints del cawete -åle, on a wårdé li betchfessî å (nåcionålité).

-alijhaedje avou on court A, sabaye ? (dji vôte po ci-la). Fåreut fé ene rîle po tote li parintêye del cawete -åle :roll:

Ey eto clawer on prononçaedje zero-scrijheu avou long «i» (a môde del Hôte Årdene, erîlé avou l' "rîle Mahin") u «i» court (come e francès).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 20 awo, 2017 13:56:49    Sudjet: Responde tot citant

lucyin scrijha:

C' est l' moumint di s' acoirder sol rifondaedje del tripe cawete -alijhaedje;


Ene sifwaite cawete n' egzistêye nén.
C' est djusse li cawete -aedje, avou les rîles del cawete -aedje; çou k' i gn a pa dvant c' est l' bodje do viebe, et ça va depinde do codjowaedje do viebe (et nén del cawete).

Adon, vosse kesse divént: kimint rfond on les viebes bastis so èn addjectif ki finixh pa -å/-åle ?

Sovint c' est purade des calkes do francès ki des derivés walons (on l' voet bén avou les viebes finijhant pa -izer, adon k' e walon ça sreut purade -ijhî).

Mi dji sreut po wårder l' betchfessî "å":
nåcion -> nåcionå -> eternåcionå -> eternåcionålijhî (*) -> eternåcionålijhaedje (*)

(*) dedja eployîs insi dins les ratournaedjes infôrmatikes (po ineternationalize/-zation)

Citåcion:
Fåreut fé ene rîle po tote li parintêye del cawete -åle Rolling Eyes


Dismetant ki, si on prind l' problinme do bon costé : les cawetes po deriver a pårti d' on viebe prindèt simplumint onk des troes bodjes do viebe (sorlon l' cawete), i n' a rén a decider ou fé des rîles do costé del cawete, seulmint do costé do viebe (codjowaedje).

Çou ki n' fwait ki di rpoûssî l' bouye ene miete pus lon, ki vos alez dire Smile
Oyi, mins l' ovraedje sol codjowaedje avance, et sreut fwait d' adrame.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 20 awo, 2017 14:19:46    Sudjet: Responde tot citant

Dins S0:

Citåcion:

brutâl, -âle (m.pl. -âls) adj. Brutal, -ale.
Il èst brutâl avou sès tchfôs. 1 Voir bar-
bâre. 1 brutâlité n.f. Brutalité. 1 brutâlizer [c. 4]
v.tr. Brutaliser. Il è stî brutâlizé
pa lès jandârmes. 1 brutâlmint adv. Bru-
talement. Il ont djouwé brutâlmint. 1 brute
n.f. Brute. C' è-st-oune grande brute.


=> c' est bén ene longowe voyale : wårder "å" : brutå, brutålmint, brutålijhî

Po çou k' est do prononçaedje do "i" dins -ijhî :
* dins les calkes "-izer" il est court
* dins E1 il est sovint spotchî (ça fwait, k' il esteut court dabôrd)
* dins les O eyet C il est court
=> prononçaedje court (çou k' est lodjike eto, c' est nén /îj.î/ mins /i.jî/ )

egzimpe:
* batijhî: bat'hî [E1]; batehî [E1]; batijî [O0,O2,O3,O4,O5,C9,C99]; batiji [C8,C60,S117]; batijhî [R13] / batizer [E1,E21]; batiser [E34]

MINS, pa côps des viebes finixhèt pa -ijhî mins c' est nén ene cawete -ijhî (c' est on bodje ki finixh pa /îj/ /îh/ + codjowaedje -î)
la, c' est longou.
egzimpe:
brijhî: brîjî [C9,O0,O3,O4,O51]; brîji [C1,C8,O2]; brîhî [E1]; brîhi [E21]
bijhî: bîhî [E1,E21,E34]; bîjî [O4,S117]; bîji [C8,S117]; bîjer [S117]; bîher [E200]; bîjè [S117]

D' après on rwaitaedje abeye dins l' DTW dji pou dire (c' est a-z aveuri après on pus parfond spepiaedje): ça n' arive ki po des viebes a deus pîs (=> bodje a on pî); eyet leus derivés avou des betchetes (dis-, mes-, ki-, ri-, ra-,...)

Do côp, rîle timporaire di prononçaedje po les viebes finixhant pa -ijhî
- court "i" pa dvant 'jh' (et ki s' pout minme sipotchî dins des pårler k' i gn a)
- såf po les viebes a deus pîs (brijhî, bijhî, tijhî, prijhî (k' i gn a on balzinaedje avou on rfondaedje préjhî; longou eto), frijhî, mijhî); eyet leus derivés pa betchtaedje (dis-, mes-, ki-, ri-,...)

I gn a djusse rawijhî ki n' est nén clair; å pus sovint ça shût l' prumire rîle;
mins dji voe eto: rgûji [C8]; rawîjî [S117]; ragûjî [S109,S117]; rawîjer [S117]; rawîjè [S117]; (d' èn ôte costé, S117 c' est vos l' especialisse)
ey eto: rûjî [C99]; rûji [C1] (ki shuvèt l' 2inme rîle: viebe a deus pîs)

Pol sicrijhaedje rifondou c' est nén on problinme: mins si vos vloz vormint on prononçaedje di referince, adon ça dvreut esse li prumire rîle: rawijhî = r(i)- + awijhî => li viebe prumioûle a pus di 2 pîs => prumire rîle

Oudonbén on dispåde rawijhî = r(i)- + awijhî (1re rîle) eyet ra- (ri- + a- ) + wijhî- (2inme rîle).
Les disfondowes rûjî [C99]; rûji [C1], rgûji [C8] mostrèt k' i pôreut aveur on viebe prumioûle "wijhî", a moens ki n' soeye on sbetchaedje d' awijhî ?
(po ça i fåreut vey l' etimolodjeye)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 20 awo, 2017 14:27:27    Sudjet: Responde tot citant

PS: divant d' coridjî m' dierin messaedje, dj' aveu scrî "finijhèt", "dispåte" :-)

Come cwè, les rîles di scrijhaedje c' est vormint ene afwaire di convincions, et nén di prononçaedje.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group