|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 263
|
Date: dim 10 set, 2017 23:02:45 Sudjet: extraire |
|
|
so Wikipedia et Wiccionaire c' est « saetchî foû » mins dins l' DTW c' est « haetchî foû » (dins haetchî #6900)
les deus sont coreks ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 11 set, 2017 21:05:25 Sudjet: |
|
|
oyi, c' est deus sinonimes (haetchî djel rissint ene miete pus waeraxhe tot l' minme; eto, on saetche on côp d' fizik, ou co des cwårs del banke, on nelzès haetche nén).
eyet po les dnêyes, dj' eploye eto "copyî foû"; paski, po dire li vraiy, on les rsaetche nén d' ene båze di dnêye (ele dimorèt todi la), mins on ndè rsaetche ene copeye.
Mins c' est djusse mi k' a-st edvinté l' ratourneure (d' èn ôte costé, on n' trove nén des mots des båzes di dnêyes dins l' Haust ). |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 11 set, 2017 22:02:38 Sudjet: Re: extraire |
|
|
Reptilien scrijha: |
dins l' DTW c' est « haetchî foû » (dins haetchî #6900 |
(fr) "extraire" à sacwants sinses; sorlon fr.wiktionnary:
- haetchî foû, råyî (on vout pus k' ça soeye la; metans "extraire une racine, extraire une dent, extraire le mal de son cœur )
- saetchî foû, copyî foû (on l' prind foû del plaece did la k' il est, mins nén pask' on nel vout pus la, mins paski c' est la k' on l' trove; metans "extraire d'un registre, extraire des informations"
- saetchî foû, estraire (prinde ene essince foû d' on frut, d' ene fleur, oudonbén pa on procedé tchimike ou mecanike; metans "extraire du suc")
- saetchî foû, trover, carculer (e matematikes; metans "extraire une racine carrée)
- saetchî foû, dizårtchiver (prinde des fitchîs foû d' ene årtchive zip metans)
(C' est ça ki dins l' DTW dji n' mete måy djusse li mot francès, mins ene esplikêye; paski ratourner pa "extraire" c' est nén assez, la ki l' francès "extraire" a des sinses diferins, ki, e walon, eployèt des viebes diferins (i gn a ene diferince etur haetchî foû et saetchî foû; on n' pout nén ratourner "extraire des données" pa "haetchî foû" (mins on pôreut motoit "haetchî foû des crombès dnêyes" = "enlever des données incorrectes")
PS: si vos vloz vey èn årtike DTW pa s' limero idintifiant, vos ploz taper metans ":6900" dins l' boesse di cweraedje |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|