Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Candjmints d' societé des anêyes 1960

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 01 may, 2018 13:22:05    Sudjet: Candjmints d' societé des anêyes 1960 Responde tot citant

Citåcion:
Manfred Lejoly

Pusquè vos sav lîre do français sins fére one crise d'asthme ( hi hi ), djè fait sûre on boquèt
qui est one ''satire virulente'', mais bé mèrité dè l'Institut St. Remacle dè Stanvleû vè les
an.nés 1960.
Lè but, c'est què vos pôroz mète çou què dj'a rèssinti djondant dè vos sovnances
dè Carlsbourg. ( pusqu'i gn'a què sîh'ans d'adîre inte dè nos deûs'.)

Rem. I gn'a des phranses què djè n'sareûs nin cuèmint ratôrner è walon to wanrdant
lè min.me "impact". (à cansse qu'i fanreût mète des ''paraphrases'' ol plèce dè
saqwantes mots.)


Oyi, 6 ans, mins dji croe k' i gn a toplin des sacwès k' estént ddja ki candjént so ces 6 ans la.

Metans, dj' a todi yeu l' dår di wårder des grands tchveas, et dji n' a nén baxhî divant les frés d' Såssere (Casbour) ki m' les vlént fé côper.

Gn aveut waire di fis a popa: djusse kékes Bruslers come les Kraft (del mayonaise), mins c' esteut todi les dierins ås egzamins, et on n' sinteut nén k' il estént "waerantis" pa les frés. 90 åcint des scolîs estént des efants di "ptitès djins des viyaedjes". Minme les fis d' dintisse, docteurs...n' estént nén "favorijhîs" nérén. On sinteut djusse ene pitite diferince pask' i s' plént payî des lçons d' piyano. Mins, e reto, li prof di muzike parvina a dner sacwants cours a tertos dins l' såle ås piyanos. => les mintålités estént k' eviertournént [se révolutionnaient].
Dj' a viké may 68 en 4inme modiene. On nos end a ene miete cåzé (li prof di francès, si djel tén bén).

Pont d' catrucimaedje sol moråle come vos avoz viké.
Les deus seus cayets ki serént waitîs droldimint pol djoû d' ouy:

* E 6inme, li fré lijheut co les letes k'on evoyive a nos parints (on n' rivneut k' tos les 3 sawminnes).
* E 4inme, li fré mi houkive dins s' tchambe al shijhe po sayî di m' fé divni curé. On côp, i m' aveut resseré conte di lu, mins come on resserreut on parint k' on n' a pus veyou dispu lontins. Pont d' mwins forguineuses.

Citåcion:
M.L.
Merci d'aveûr lî mes sovnances dè Stanvleû sins lonsse rowanrder !

C'est veûr què tot candgéve fwèrt rate so ces trèvins.

Qwand djè san.ye dè fé creûre à des djônes què dj'a fait May 68, c'est bé sûr minti : Dj'esteûs
seûlmint ''mentalmint'' avou zèles : fwèrt panhûlmint an m'rèpwèzer à Elssèbor (Elsenborn)
(çou qu'on louméve sièrvice militaire), dj'aveûs sovint on ''transistor'' collé à l'orèye..
On-z-aléve candger l'monde ...C'esteût èssu l'an.né do Prétimps dè Prague...

Què dmeûre-z-i ? Lè ''tronc commun'' an cmince des humanités . Po l'cru, les stûdyants
d'adon sont à monman tortos dèvnis des manssîs bordgeûs néolibéraux, réactionnaires,
sovint assez fascisants.

I dmeûre quéques ranres dinosaures come mi : No, no, no nos moveran, sanf qwand is nos
bagrons vè l'aite.

Et àçt'eûre, i m'fant ovrer o manadge . ( I gn'a pu des dûhons = sotais)

Qu'i v'vasse bé !    
Manfred L


Merci po vosse djudjmint so May 68.
Gn a yeu tolminme totes sôres di "grands candjmints":
* pupont d' otorité des parints u des mwaisses di scole (les 68îs n' ont pus fwait schoûter leus efants).
* flåwixhmint del fwè al rilidjon crustinne (les 68îs n' î ont pus creu, et catrucimer leus efants come cwè i n' faleut NéN croere ces faloûtes la). => sacwants des efants u ptits-efants, k' avént dandjî d' ene påjhûlisté moråle, s' ont cviersî a l' islam et pratikèt foirt "straegniveuzmint". 
* mouvmint ecolo, k' i gn a tolminme des 68îs k' on shuvou (po divni des bordjoes ecolo, mins ecolo cwanlminme).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group