Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

djuner + d(i)djuner + disdjuner

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 04 djn, 2018 15:43:31    Sudjet: djuner + d(i)djuner + disdjuner Responde tot citant

po di(s)djuner, dj' aveu atåvlé di schåyî deus sinses et fé deus mots diferins:

Citåcion:
Djôr
Dji n' so nén po 2 mots. Dj' ô troes sôres (â câzer avou les djins).


d(i)djuner = sinse corant: disdjuner = sinse rilidjeus, on magne après ene durêye di djune. Cwè ndè pinsez? (dj' a ddja sol wiki https://wa.wikipedia.org/wiki/Fiesse_del_disdjune

Citåcion:
Djôr
1. «On va ddjuner» - brâmint des djins dijhnut insi;
2. «On va djuner» - des djins ki n' savnut nén l' adire etur djuner et ddjuner; sabaye s' i savnut k' «djuner» c' est l' contrâve di ddjuner;
3. «On va disdjuner» - foirt avant a Cînè, mins dj' el a oyou minme del boke di Chantal Denis.


asteure ki m' feye cåze walon avou mi, c' est l' veur k' ele ni comprind nén åjheymint ki: mi, dji djune, leye ele didjune (ele doe dire "di ddjune"; et on disdjune tertos a l' anuti.

Citåcion:
Djor
i n' fât nén fé deus mots po onk k' a seulmint l' sinse rilidjeus ki vént do sinse banâve (ou banâve foû do rlidjeus). Dj' a veyou ça dins mes ratournaedjes di bibe, foirt avant.


dji va fé çouci: mete les deus mots d(i)djuner et disdjuner come intrêye, avou on cmon sinse (magnî å matén) et on sinse di rawete po "disdjuner" (fr. rompre le jeune). (po les ôtes mots, on n' prind k' ene rifondowe, sovint dis-, såf po des cas a pårt: gn a nole cogne avou dis-, divant H...)

Citåcion:
Djôr

C' est pâr insi come vos l' dijhoz: on mete tofer «dis-», sâf padvant H, po nén k' ça dinreut des "sh". Mins dji pinse ki l' prumî sinse k' i fât dner, c' est "casser l' djune" (adon ki, normâlmint, on "djune" timp del nute).
Po tos les mots, dji metreu voltî come prumî sinse (minme si asteure c' est l' moens corant) li cea k' a vôrmint stî prumî, dins l' timp.
Mi, dji voe ça tofer dins l' roumin. Egzimpe: tos les roumin-câzants savnut k' «vindeca» vout dire "medyî"; nosse grand-mame el eployive eto po "puni". Efant, dji pinseu k' ele câzéve imâdjreçmint. Pus târd, â-z aprinde li latén, dj' a aprins k' e latén, ça vout dire "vindjî". Adon dj' a comprins ki l' sinse di "medyî", minme si c' est l' pus corant, il est rapoirt al poenne k' on rsint cwand on s' fwait medyî.

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 11 djn, 2018 0:10:37    Sudjet: Responde tot citant

Dj' aveu les pinses ki c' esteut "didjuner" ki s' trovéve dins R13, mins portant c' est "d(i)djuner" !

C' est l' veur ki, d' après les motîs k' ont stî rwaitîs todi, c' est l' pus lådje oyowe; portant come c' est vormint dis-djuner, c' est ciste ôte cogne la l' pus lodjike (et mi dj' a tofer dit insi, et c' est on mot foirt corant, dji l' eploye tos les djoûs avou m' valet)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 13 djn, 2018 13:54:51    Sudjet: Responde tot citant

dji fwai des årtikes
* disdjuner avou 1. = dudjuner; 2. sinse rilidjeus = magnî al nute (po les muzulmans) u a troes eures pu a nonne po les moennes, après awè djuner, u stî al comunion (divant 1965).
* disdjune
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group