Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Pout on edvinter des mots.

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2316
Eplaeçmint: Sidi Smayil, Marok

PostDate: vén 14 set, 2018 14:54:20    Sudjet: Pout on edvinter des mots. Responde tot citant

Citåcion:
Blawete so èn emile
Bondjou Lucyin


Dj'a r'çu l'rantoele 87 so l'indjole (nin co papî )


Nin d'acwérd qu'on candje mès mots !


crake 1


Dj'a scrît: ( qui dj'aveû fêt por twè)


(èl rantoele ) (qui dj'aveû fêt por Vos)


Dji disfind l' (ti/twè) dispôy todi,....

dji n'so nin d'acwérd avou lès-cis qui volèt arindjî l'walon

a leû mode,...èt lèyî l'lingwèdje dès-ovrîs èt les djins dè peupe so l'costé !



2) crake 4


Li båcèle è bus'....ni djâze nin l'walon , mins l'françès...(c'est ça l'crake )

C'è-st-ine crapôde qui n"sé nin l'walon qui s'ritroûve avou 2 vîs walon è bus'


...c'èst mètou è walon avou on mot qui dji n'a måy oyou è walon..


(testirule) on bin lêd mot qui n'est nin walon .....et qu'èst sinné (L'Blawète)


nin d'acwérd nin pus....


alé disk'a pus târd (si on vike co )


Cristian


Mande escuze.
Dji wåde les "ti", mins cial, l' ome vouvweye li feme al prumire roye:
 - Mondju Mareye ! k’ avoz vs po on vizaedje ?
C' est po çoula ki dj' a rsaetchî l' atouwaedje del feme a l' ome.

Po "tiesticure", c' est l' francès "testicule" riprins a môde walone avou "ties-" po "test-" et l' coron come pillule => pilure.

Li filozofeye des scrijhaedjes del Rantoele (et d' Wikipedia walon), c' est k' on fwait les cwanses ki l' walon est on lingaedje ki tertos djåzèt. Si dji fwai cåzer l' feye e francès u e-n inglès, ça supôze k' on est dins on monde la k' les walon-cåzants DIVèT ossu saveur li francès. Ci n' est nén come ça dins l' monde francès-cåzant u inglès-cåzant (on n' atôtche nén des djins dins èn ôte lingaedje). Dji sai bén ki c' est målåjhey po des crakes, pask' end a toplin k' essinnèt [mettent en scène] des walon-cåzants ene miete boubiets avou des francès-cåzants foirt sûtis.

Saye di n' nén prinde des crakes rashiowes so on "djeu d' sinne" la k' i gn a onk ki djåze francès.

(dji n' såreu pus candjî, ca dj' a ddja evoyî l' PDF (clawêye copeye) a Pire. Ni soeye nén måva! )

Citåcion:
Blawete

Ok Lucyin

Po l' lès ( twè) c'èst l'vrêye qui dj'a mètou ( vos) po-z-ataker, mins c'è-st-ine makule d'a minne.( ok)
(qui dji n'aveû nin vèyou ) 


Po l'crapôde qui djâze è françès.....( li walon n'èst nin eune langue "nationale"  come li francès , don , c'è-st-on po djusse qui ça  pout ariver ! 99/100 

( mins , dji prind note, qu'on n'pout pus mahî lès deus ! )

Po l'mot ( tiestirûle) ...dji n'vou mây pus vèyî s'mot la ! 

Ci n'èst nin "walon"...c'è-st-on mot "invanté" . èt eune langue ni s'pout invanter !

Li walon n'èst nin eune langue "scientifike ", c'èst  l' langue dè peûpe !

Vola, grâce co 13 côps po t' ovrèdje, (qui n'èst nin ahèye avou dès parèys qui mi ! )

( mins dj'a lès dj'vès tot près d'èl tièsse....vola poqwè dji so fîr d'èsse walon )

Disk'a.......Cristian


Oyi, mins nozôtes, on tuze ki, come
* li basse (lingaedje do peupe, les tchîfs djåzént espagnol)
* li lussimbordjwès (pol peupe, les hôts cåzént francès u almand)
* li catalan (disfindou dzo Franco, n' aveut ki l' peupe k' aveut l' droet del cåzer)
...
li walon pôreut divni on vraiy lingaedje ki tertos djåzrént el Walonreye. => adon, i fåt on mot "fôrmel" po "testicule" (fr. testicule = on mot sincieus, ki nole djin do peupe el France ni cnoxheut la 100 ans). On n' pout nén fé on cours so l' antomeye [anatomie] des parteyes tot djhant "coye, coyon, roston, zinguezårs"; did la, riwalnijhî l' francès "testicule"; les inglès ont: "testicles"; norwedjin "testikkel", occitan "testicul", espagnol "testiculo": TOS CES MOTS LA SONT-ST EDVINTéS (a pårti do latén "testis").

Si ti prinds on scrijhaedje e francès, louke les vraiys mots francès, et tos les mots EDVINTéS pa les academicyins a pårti do grek u do latén. Saye ! Ti serès sbaré ! So on papî d' aparey sicrît e-n inglès, gn a nén 10 % di vraiys mots inglès, c' est on contaedje bén acertiné. (on bon sudjet pol copinreye do moes d' octôbe)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 43

PostDate: mår 18 set, 2018 21:07:18    Sudjet: Responde tot citant

Comint ça « eune langue ni s'pout invanter » ? Shocked Portant, l’ ido et l' esperanto sont bén des lingaedjes edvintés... et djåzés pa des vraiyès djins. Et po les mots, c' est l' minme, tos les noûmots francès come « courriel », et minme des pus vîs come « avion », ont stî edvintés. Et co ureus ki gn a des noûmots, oudon-bén on n' poreut nén discrire el monde d' ådjourdu, mins fok li ci d' ayir.

Çoula dit... c' est l' veur tot l' minme ki « tiesticure » est ene miete drole. Dji so d' acoird avou « tiest » do latén « testa » k' est l' minme k' a dné li mot francès « tête » (« teste » e moyén francès), « tiesse » e walon (tot shuvant l' rîle d' èn nén aveur 2 cossounes å coron) ; po « cure » ça divreut vni del cawete latene « -culus » (raptitixhante cawete) come dins F. « minuscule », « ridicule »,... k' on n' ritrove nén dins « pilule ». Mins gn a-t i des mots walons avou cisse cawete la ?
_________________
Asteme: aprindisse waloncåzant dins l' såle ! Èn tchictez nén a m' coridjî, dji so la po-z aprinde.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 43

PostDate: mie 19 set, 2018 8:57:19    Sudjet: Responde tot citant

Dins l' DTW, dj' a trové « carcul » do latén « calculus » (c' est purade li cawete -ulus, mins c' est on sinonime di -culus) ; mins la eto c 'est drole di vey k' on dit « carcul » (avou on R) mins « calcaedje » (avou on L) adon ki les betchetes des deus mots vegnnut do latén « calx ». On trove eto « canicule » (cawete -cula, femrin di -culus) u co « matricule ».

So Wikipedia dj' a trové : molecure (F. molécule) mins c' est scrît « molecule » dins l' årtike « Dmitriy Ivanovitch Mendeleyev » ; on trove eto « madjuscule » et « minuscule » (a Motî:lete) u co « tubercule » (a « crotche » cawete -culum, neute di -culus) et « clavicule » (clavete ? a « Filiberto Ojeda Ríos »).

Dins les motîs, on trove :
* pârtikul (mwaisse intrêye) ; pârtikul indèklinâf (a « indèklinâf ») : E203 (dins Wikipedia on trove « pårticule » dins l' årtike « Brane »)

Et dj' a dit des biestreyes, on rtrove bén l' cawete « -ulus » (sinonime di -culus) dins « pilule ».
_________________
Asteme: aprindisse waloncåzant dins l' såle ! Èn tchictez nén a m' coridjî, dji so la po-z aprinde.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 43

PostDate: mie 19 set, 2018 10:20:00    Sudjet: Responde tot citant

@Lucyin, gn a-t i d'ôtes egzimpes ki « pilure » acertinés ki serént toutchîs pal Ridaedje R/L å coron do mot ?
_________________
Asteme: aprindisse waloncåzant dins l' såle ! Èn tchictez nén a m' coridjî, dji so la po-z aprinde.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 2316
Eplaeçmint: Sidi Smayil, Marok

PostDate: mie 19 set, 2018 15:15:01    Sudjet: Responde tot citant

pilure: dji n' voe k' ci-la (sins cweri pus lon). Dj' a ddja rfwait so ç' piceure la (et eplaidî so les wikis u e l' Rantoele: molecure, celure... et tiesticure (nén co foirt sipårdou).

A mete e l' dossire: li prumî k' a rwalnijhî li cawete francesse -ule, ça a l' air di esse Forir, avou "notûle".

Li "vraiye" cawete walone respondant å latén ni sereut ele nén -oûle? Mins la, on eva lon erî do prononçaedje francès.

clavicule => clavete (acertiné di nosse costé; divreut esse dins S117)

(i fåreut mete cisse bate di dvize cial sol cawete -ûle / -ule / -ure so on fyi tot seu, mins dj' a rovyî kimint çk' on fwait. Si Pablo el pout fé.)
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 19 set, 2018 15:24:07; candjî 5 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2316
Eplaeçmint: Sidi Smayil, Marok

PostDate: mie 19 set, 2018 15:16:17    Sudjet: Responde tot citant

Citåcion:
Blawete
Oyî,

mins dji pinse qui ci n'èst nin a onk ou l'ôte di fé c'-st- ovrèdje la.

Tins qu'li walon n'est nin rik'nouhou mîs qu'çoula...qu'on wâde bin nos mots sins-invantér dès mots sins d'mander l'avis dès-ôtes .

Dj'èl ridi....(l'walon n'èst nin eune langue "siyentifike" ) on n'vèrè mây les docteûrs fé leûs rapôrts è walon,

c'èst m'îdèye todi,

èt (qwite al mète è walon), li crapôde è bus' divéve dîre ( m'sieu, vosse coyon .....)????????

Disk'a Luçyin et qu'tot vasse bin


iva po "vosse coyon..." dins l' crake; mins asteure Pire a-st aberweté. On metrè tote ci bate di dvize cial, foirt interessante, dins les letes des lijheus do 88.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 43

PostDate: mie 19 set, 2018 16:02:32    Sudjet: Responde tot citant

Divant Forir, on trove « navicule » dins E89, surmint do latén « navicula » (pitit batea, todi avou l' cawete -cula, femrin di -culus).

Et « nåvicule » dins l' DTW avou des disfondowes.
_________________
Asteme: aprindisse waloncåzant dins l' såle ! Èn tchictez nén a m' coridjî, dji so la po-z aprinde.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 2316
Eplaeçmint: Sidi Smayil, Marok

PostDate: mie 19 set, 2018 19:22:58    Sudjet: Responde tot citant

C' est on bon moumint po decider (ça et ôte tchoi). Dji so el Walonreye tot l' moes d' octôbe.

@ Pablo: av ene djournêye di libe po on raploû rfondeus ?
@ Reptilien: si vos n' estoz nén avår la, et k' vos ploz taper èn ouy tenawete, on pout fé les kesses et les messes roci so Berdelaedje, et vos dire li vosse.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group