|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 265
|
Date: dim 12 avr, 2020 11:23:46 Sudjet: [FR] intermédiaire |
|
|
@Lucyin : dji n' sai si gn a ddja yeu èn atåvla po l' addjectif...
Çou n' est todi åjhey di ratourner l' eterface Wikimedia, gn a sovint des ptitès fråzes e l' inglès ey e francès k' on comprind foirt bén, mins ki s' ralonguixhèt voltî e walon pask' on manke di courts addjectifs.
Comint ratoûnrîz (po fé simpe) : « Prenez une valeur intermédiaire. » u co « Une version intermédiaire par le même utilisateur n'est pas affichée. »
On direut dabôrd : (k' est) etur/inte A et B, mins cwand ni A ni B ni sont dnés mins sont ricomprins, nos vla béns.
Dji sondjeu a eturrece (etur, -rece), avou rdjeminaedje...
Dins les ratournaedjes po copiutrece gn a eterface so Wikipedia. Gn a eto eterviou dins R11.
Ey adon po F. intermédiaire : intermitant, etermitant, ki rshonnreut droldimint a F. intermittent.
Gn a eto d' ôtes mots avou F. inter- (vey li DTW) ki nos fåreut ratourner, rifonde : metans F. intercaler (« intercaler un rendez-vous ») => eturmete, eturcaler ; etermete, etercaler ?
Candjî pol dierin côp pa Reptilien, li mår 27 oct, 2020 9:18:12; candjî 1 feye |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: mår 27 oct, 2020 4:05:11 Sudjet: |
|
|
Citåcion: |
Prenez une valeur intermédiaire |
pol sinse d' a mitan voye, on pôreut eployî l' addjectif "mîtrin"
ou co "emîtrin" => « prindoz ene emîtrinne valixhance »
« Ene emîtrinne modêye do minme uzeu n' est nén håynêye »
(ou « I gn a-st ene nén håynêye emîtrinne modêye do minme uzeu »
fr: intercaler : dj' eployreut "etercaler" => « etercaler on radjoû » |
|
Rivni al copete |
|
|
Reptilien
Date d' arivêye: 2017-07-01 Messaedjes: 265
|
Date: mår 27 oct, 2020 9:39:47 Sudjet: |
|
|
Oyi, dji vou bén.
Dji pinseu k' c' esteut purade po ''e plin mitan di'' : inte 0 et 5 => 2,5, ey adon dins « prindoz ene emîtrinne valixhance » djel comprin pus vite come « prenez une valeur moyenne ».
Motoit gn a-t i ene diferince inte mîtrin/emîtrin : « prindoz l' mîtrinne valixhance » (paski nd a k' ene : 2,5) et « prindoz ene emîtrinne valixhance » (i nd a puzieurs : inte 0 et 5) ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: mår 27 oct, 2020 19:40:40 Sudjet: |
|
|
Po vs dire li veur, dj' aveu d' aprume pinsé a "mîtrin", ki va bén po ene valixhance a mitan voye (on pont etur deus ôtes) mins nén po ene distance (sacwants ponts etur deus).
Ey adon, po "intermedio" (cwand dji cwir après on mot e walon, dji l' fwait pal voye do castiyan), dj' a tuzé al betchete e- => e+mîtrin => emîtrin; ki dji trovéve foirt bea.
Dji n' saveu nén ddja ki l' mot egzistêye po do bon ! (c' est nén l' prumî côp k' ça m' ariver, di tuzer a çou k' on mot pôreut esse po ndè fé on novea, djusse po discovri k' il egzistéve dedja. Çou ki n' est nén må, dji n' tuze nén trop foû waide, paret)
Li sinse atesté po "emîtrin" c' est purade "moyén dins l' sinse nén foirt bon".
Mins on pôreut tot ossu bén li stinde avou on sinse pôzitif;
li kesse est: est çki, si vos l' årîz léjhou sins pus d' esplikêyes, vos årîz compris do côp li fråze « Ene emîtrinne modêye do minme uzeu n' est nén håynêye » ? |
|
Rivni al copete |
|
|
Reptilien
Date d' arivêye: 2017-07-01 Messaedjes: 265
|
Date: mår 27 oct, 2020 21:19:31 Sudjet: |
|
|
Pablo Saratxaga scrijha: |
Li sinse atesté po "emîtrin" c' est purade "moyén dins l' sinse nén foirt bon". |
Droldimint, çou n' est nén l' sinse ki m' vént aprume, li "nén foirt bon" costé, djel risin come on stindaedje di sinse. Por mi l' sinse prumî c'est : e mitan, inte les deus, et did la : nén foirt bon.
Pablo Saratxaga scrijha: |
si vos l' årîz léjhou sins pus d' esplikêyes, vos årîz compris do côp li fråze « Ene emîtrinne modêye do minme uzeu n' est nén håynêye » ? |
Oyi, avou l' contecse ki va avou : si dj' a deus modêyes A et B et k' on m' dit ki gn a « ene emîtrinne modêye », dji comprin ki gn a ene modêye inte A et B.
So Wikipedia, a Verdire :
Citåcion: |
Li verdire [...], c' est èn emîtrin moxhon del famile des tcheutches [...] |
Djel comprin come on moxhon nén ptit nén grand : inte les deus.
Et vos ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: mie 28 oct, 2020 10:16:27 Sudjet: |
|
|
Citåcion: |
i "nén foirt bon" costé, djel risin come on stindaedje di sinse |
Motoit bén.
Les motîs "modienes" (eplaidîs å 20inme sieke) ni sont nén todi fiyåves (si on compare avou les vîs motîs do 18inme sieke metans, ces dierins estént bén pus spepieus dins les definixhas).
Ça fwait k' on est deus a comprinde "emîtrin" come polant siervi po fr:intermédiare; on stindaedje di sinse ireut bén dabôrd. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|