Berdelaedjes

[lorint]

Dji m' va kéke feye waitî do mete tenawete on fitchî audio so m' waibe. Pol moumint, dji n' a co eredjistré k' on seul di mes bilets, li dierin, li deujhinme ki dj' a scrît so Djan Pire Dumont; alez vey dins l' bilet si vos vloz schoûter. Li modêye audio est d' alieûr ene miete pus longue ki l' sicrîte modêye.

Sét on måy?, motoit gn årè-t i d's ôtes eredjistrumints divant ki l' påsse ni rtome... Ou kéke feye des eredjistrumints sins scrijhaedje. Li ci ki vicrè vierè.

[lorint]

Mwints côps vos n' sårîz cwè fé, tot moennant vosse vweteure, d' ashîd dins l' trin ou tot fjhant l' bagaedje, dj' a co metou on novea podcast avou on boket da Anatole Marchal so m' blog ådjourdu.

N' åyîz nén sogne di leyî on ptit messaedje, di vs abouner ou di m' "liker" si vos pinsez k' ça e våt les poennes, po m' ecoraedjî a continouwer

[lorint]

Asteure, les årtikes audio ki dji boute so m' blog, vos les ploz ossi etinde a môde di podcasts, direk sol blog ou bén dins les aplicåcions di podcasts: on les trove so Spotify, so Apple podcast, et co ôte påt dji wadje (cweroz "Amon Lorint"). Co do walon a schoûter tins k' vos moennez vosse camion, ki vos fjhoz ene pitite sokete so vosse fåstroû ou ki, d' ashîd dins on trin, vos vos gretez vosse botroûle po vey s' i n' è sôrtirè nén del farene.