Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

rifondaedje di vèy/vôy/...

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 867
Eplaeçmint: Oûpêye

PostDate: dim 14 may, 2006 14:34:55    Sudjet: rifondaedje di vèy/vôy/... Responde tot citant

Sol forom Babel, Maisse Arsouye dit k' i n' voet nén voltî l' infinitif "vey" e rfondou, la k' a Nameur c' est "vôy".

Dins l' live di codjowaedje da Gilliard, li bodje "vôy" n' est eployî ki po l' infinitif eyet pol "bodje C" (foûmes avou -nut et suddjonctif prezintrece singulî); dins tos les ôtes tins c' est "è" ou "wè"

E rfondou pol bodje C c' est "voey-" (et pol cbodje B avou):
vochal les diferinnès cognes pa payis:

bodje ­- erfondou ­- Lidje - Nameur - Coûtchant - Sud
A ---- voey ---- vèy ---- vèy ---- wèy ---- vèy
B ---- voe ---- veû ---- wè ---- vi/wè ---- viè/vè
C ---- voey ---- veûy ---- vôy ---- wèy ---- vèy/wèch/wâch

Avou les 3 bodjes ça fwait (ça va po 90% des viebes del 5inme sôre):

pr. : B, B-s, B-t, A-ans, A-oz, A-èt ~ C-nut
er. : A-a, A-as, A-a, A-îs, A-îz, A-ît
er.d.: A-eu, A-eus, A-eut, A-éns, A-îz, A-ént
fut. : B-rè, B-rès, B-rè, B-rans, B-roz, B-ront
cond.: B-reu, B-reus, B-reut, B-réns, B-rîz, B-rént
su.pr: C-e, C-es, C-e, A-anxhe, A-oxhe, A-exhe ~ C-nuxhe
su.d.: A-axhe, A-axhes, A-axhe, A-énxhe, A-îxhe, A-énxhe
imper: B, A-ans, A-oz
part.passé: (A-ou, A-owe)*
part.prez.: A-ant

*: disrîlé pol viebe vey, c' est nén voey-ou, voey-owe,
mins vey-ou, vey-owe; eyet on dobe pårticipe eployî dins l' codjowaedje (nén come addjectif): veu (eg: dj' a veu)

maisse arsouye scrijha:
Adon dji n'comprind nén poqwè c'èst sicrit vêy su l' wikipedia, èt nén voey :perplexe:


c' est ossu par åbitude; on l' a todi scrît insi (e rfondou), tot simplumint. C' est dins les scrijhaedjes da Lorint Hendschel ki djel a veyou pol prumî côp; mins ça s' pout bén ki dins s' payis ça soeye "vèy" li coinrece.

Les foûmes k' egzistèt po d' bon c' est: vèy, vèyî, veûy, vi, vôy, voûy, vîr, veûr, wâr.

C' est l' veur ki "voey" pôreut rascovri "vèy, veûy, vôy, voûy" come dins "soeye" (seûye, sèye, sôye, soûye).

ça denreut adon: voey, voey voltî, rivoey, a rvoey, trevoey, prévoey,... ça vs shonnreut mia insi?

(a noter ki Djôr Sfazi n' inméve nén "vey" nerén, paski, cåze do betchfessî "-ey", i l' lijheut "vîy")

Cwè ndè pinsoz, copurade les cis ki n' sont nén d' Nameur, fåreut-i candjî vey -> voey po l' infinitif?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mår 16 may, 2006 13:10:02    Sudjet: vey a l' infinitif Responde tot citant

dji frè les motîs, mins i m' avire ki c' est l' pus lådje oyowe : Lidje (mins gn a eto "veyî" + Årdene (apus kel payis d' Bietris-Bouyon la k' c' est "wâr".

C' est on "mot clé", foirt corant (come "tins"); dji n' so nén tchôd po candjî çoula. Copurade k' après Nameur, c' est "vôy" u "voûy".

"vôy", c' est ossi omonime di "voye" (l' ôrtografeye pout eto siervi a dismacraler des omonimes)

voey (avou l' betchfessî oe) = veûy (egzistêye-t i ?) + vwèy (n'egzistêye nén) + vèy (iva) + vëy (n' egzistêye nén) + vûy (n'egzistêye nén) + vway (n'egzistêye nén)

li betchfessî OE dins l' bodje A (nos voeyans) rind conte do prononçaedje "nos wèyans" = Basse-Årdene + Tchålerwè, come voenne = winne + vonne.

Mins c' est l' veur k' i gn a bråmint d' suddjectivité ladvins. Pablo, å cmince, sicrijheut "vwer"

I fåreut rfé ene tåve di codjowaedje "vey" + "vir" (dji sayrè del fé al nute, s' i dj' a l' tins). Pol moumint :

http://lucyin.walon.org/codjowaedjes/vey.html
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

PostDate: mår 16 may, 2006 17:02:27    Sudjet: Responde tot citant

Mi, c'qui dj'è dit, c'èst qui si vos v'loz qui li r'fondu fuche sicrit laudjemint à Nameûr èt avaur-là, vêy èst on problinme, èt nén on p'tit.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mår 16 may, 2006 18:20:00    Sudjet: vôy est bén bén tot seu. Responde tot citant

"vôy" est bén bén tot seu.

Ci n' est nén ddja li "rfondowe" dins l' motî da Linåd [Léonard, C1] et dins "Somme" [C100] : c' est "veûy". et vôy : v. veûy

http://wa.wikipedia.org/wiki/Copene%3AMot%C3%AE%3Avey

Mins po les bodje A & B, li betchfessî OE va bén :

http://lucyin.walon.org/codjowaedjes/mape_i_voet.jpg
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 867
Eplaeçmint: Oûpêye

PostDate: mår 16 may, 2006 21:53:30    Sudjet: Re: vey a l' infinitif Responde tot citant

lucyin scrijha:
C' est on "mot clé", foirt corant (come "tins"); dji n' so nén tchôd po candjî çoula. Copurade k' après Nameur, c' est "vôy" u "voûy".


:) c' est djustumint po çoula ki Maisse Arsouye el vôreut candjî, paski "vey" ni rascovere nén "vôy/voûy".

Citåcion:
voey (avou l' betchfessî oe) = veûy (egzistêye-t i ?)


oyi; et eto "vëy".


Citåcion:
vûy (n'egzistêye nén) + vway (n'egzistêye nén)


"oe" ci n' est nén "û" ou "wa"; mins seulmint "eû/wè"; avou eto:
- cas del cawete -oe (fr: -oir), ki s' prononce a plaeces -oû
- li viebe "tchoezi" (wè/û)
- li sudjonctif do viebe esse: k' i soeye (eu/è?/ô?)

did la l' idêye ki "voey" pôreut esse, lu avou, on cas speciå, come "soeye" et "tchoezi".

Citåcion:
Mins c' est l' veur k' i gn a bråmint d' suddjectivité ladvins. Pablo, å cmince, sicrijheut "vwer"


neni, dji scrijheu "voere" ("veur" egzistêye po do bon), sol modele di "boere", "croere".

Citåcion:
I fåreut rfé ene tåve di codjowaedje "vey" + "vir"


C' est nén l' codjowaedje li problinme; mins seulmint l' infinitif lu tot seu; c' est l' veur ki l' foûme "vey" (ou "voey"), avou on "y" al fén, est foû-rîle; i gn a k' lu! (coinreçmint i gn a ossu "sey" po "esse"; la avou, prin del cogne C (soeye), nonna?)

"voey" ni m' esbarreut nén; et si l' betchfessî n' corespond nén ttafwait å prononçaedje, c' est l' minme po "vey" (c' est nén "vèy/vîy/vî")
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mår 16 may, 2006 23:56:54    Sudjet: Responde tot citant

Maisse Arsouye scrijha:
Mi, c'qui dj'è dit, c'èst qui si vos v'loz qui li r'fondu fuche sicrit laudjemint à Nameûr èt avaur-là, vêy èst on problinme, èt nén on p'tit.


vey et vôy, si on scrireut l' walon avou des abdjades (alafabets la k' on n' sicrît k' les cossounes), c' est Piron parey.

Fijhoz dire 10 côps a ene sakî : dji va vey moman <> dji va vôy moman

Al fén, vos n' ôroz pus nole diferince.

Teyoricmint, on pôreut rfonde "voey", :
* "voey" si prononçreut erîlêymint "vèy" dins tot l' miermitan del Walonreye (la ki "droet", "toet" si dijhnut "drèt, tèt"
* "voey" si prononçreut erîlêymint "veûy" a Lidje et "vëy" e sacwantès coines (come c' est vormint l' cas).

MINS : li mwaisse prononçaedje do betchfessî OE, c' est "wè" et on gn a pont d' plaeces la k' on scrît asteure "vwèy" (a Nameur, ça a divnou "vôy"; e Coûtchant il ont li dobe rifondowe "vir")

Si on rsaetche li coine avou "vir" (tot l' Coûtchant walon), "vey" (vèy + vëy) riprezinte 80 åcint del sitindêye. Gn a co 15 % po "veûy", et nén ddja 5 % po "vôy".

Gn a k' 1 motî (Pirsoul = C9) ki mete "vôy" ["vôye"] come mwaisse fôme.

Asteure, si les Namurwès kiminçnut a scrire timpesse li rfondou, et mete tofer "voey", dins 20 30 ans, on pôrè kécfeye li prinde estô d' "vey".

Mins, mi, dji serè dandjreus ki magne des cécorêyes pal raecinêye.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: mie 17 may, 2006 1:15:17    Sudjet: on pout cmincî a scrire "voey" si vos vloz Responde tot citant

Dji n' aveu nén léjhou li response Pablo.

Oyi; ci sereut les foû-rîles (u disrîlés spårdaedjes) do OE (tchoezi, soeye, woeyî, voey)

on pout cmincî a scrire "voey" come "tripe rifondowe" si vos vloz. Rissaetchî "vey" des waibes mi shonne ditrop d' ovraedje.

I fåreut dmander cwè a Tiri (et a Djôr).
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

PostDate: mie 17 may, 2006 9:19:54    Sudjet: Responde tot citant

5% ? Dji vs'vou bén croere ( vèyoz qui dji n'so nén conte li r'fondu Wink ), mins c'èst èwarant. Dji l'ètind todi avaur-ci, à Nameûr, à Djiblou, à Moustî,... Et minme qui c'est l'cogne qu'on trove dins l'lîve di vièbes da Gilliard.

Si c'èst on trop gros problinme po li r'fondaedje, on l'pout roviyî. Paski gn'a, por mi, on ôte problinme foirt pus amayant. C'rst veye po vile. Dj'èn'a d'dja causé à Pablo.

Si vos v'loz qui li r'fondu fuche sicrit tot-avau è Waloneye, vos divoz, po c'minchî, li fé scîre dins lès trwês grandes viles : Lîdje, Nameûr, Chalèrwè. Sins çoulà, ça n'irè mauy. Dji sé bén qui lès coinreces cognes di Djiblou ( cérénje, frénje,... ) ni polenut nén yèsse rifonduwe. Et on n'lès ètind pus wêre qu'amon lès vîs. Adon, dji n'mi va nén scrandî po rén. Mins dji pinse qui n'faut nén volu aler trop râde et co prinde sacwants pitits coridjadje.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 867
Eplaeçmint: Oûpêye

PostDate: mie 17 may, 2006 20:07:12    Sudjet: Responde tot citant

lucyin scrijha:
MINS : li mwaisse prononçaedje do betchfessî OE, c' est "wè"


Neni, on betchfessî ça n' a nén on "mwaisse" prononçaedje; l' idêye c' est di mete les diferins prononçaedjes ("wè" eyet "eû" dins ç' cas ci) sol minme pî.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group