Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

ci-ci, cisse-cile; ci-la, cisse-lale

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 24 avr, 2016 11:03:28    Sudjet: ci-ci, cisse-cile; ci-la, cisse-lale Responde tot citant

Dins l' walon ki dj' eploye, li ratourneure ci-ci/ci-la, fwait l' acoird di djinre sol prumî boket (ci-ci, ci-la: omrin; cisse-ci, cisse-la: femrin).

Mins dj' a veyou dins l' motî d' Vervî, et dins l' ci d' Djivet, k' i gn a (aveut tot avå?) èn ôte sistinme, wice ki l' acoird si fwait eto sol deujhinme boket.

a Djivet: cit'-ci, cit'-la: omrin, citèl-lal: femrin.

a Vervî: ci-ci, ci-voci, ci-la, ci-vola: omrin, cisse-cèle, cisse-vocèle, cisse-çâle, cisse-volâle: femrin

dins l' Haust on dene cisse-la, cèsses-la ey eto cisse-lal, cèsses-lal
(po "-ci", come c' est "-chal" k' est eployî i gn a pont d' diferince; mins des cognes avou "-ci" sont dnêyes come "archaique").

Adon, dj' atåvele on rfondaedje -ci, -cial, -la (omrin); -cile, -ciale, -lale (femrin).
L' acoird do deujhinme boket nén obligatwere; mins s' i s' fwait, i doet s' fé sol minme djinre ki l' prumî (cisse-la est bon, cisse-lale eto; mins måy ci-lale)

Les egzimpes pus hôt divnèt-st adon e rfondou:

a Djivet: ci-ci, ci-la: omrin, citele-lale: femrin.

a Vervî: ci-ci, ci-voci, ci-la, ci-vola: omrin, cisse-cile, cisse-vocile, cisse-lale, cisse-volale: femrin

dins l' Haust: on dene cisse-la, cisses-la ey eto cisse-lale, cisses-lale


Kesses:
* sicrire eto l' acoird do pluriyal? (cisse-lale; cisses-lales) ?

* fåreut fé l' djivêye di totes les cognes po ci/cisse/...
pol moumint dj' a:

== singulî ==
* pa drî voyale: ç'
(eg: aler a ç' botike la, po ç' feme la)
* pa dvant cossoune: ci, èç
(c' est bon po les deus djinres: ci botike la, ci feme la)
* omrin pa dvant voyale: cist
(cist ome la)
* femrin pa dvant voyale: ciste
(ciste oujhene la)
* femrin pa dvant cossoune: cisse
(cisse feme la)

== pluriyal ==
* ces (rote dins tos les cas)


I gn åreut ossu (egzistêye e disfondowes, a vey si c' est rpris e rfondou;
dji sereut pol fé):
* cit, çt (= cist; dj' ô bén, omrin pa dvant voyale)
* cite, çte (= ciste)
* citele, çtele (= cisse)

* cisses (pluriyal femrin)
* citeles, çteles (pluriyal femrin)


Ey a costé des scrijhaedjes a loyeure avou -ci et famile (come ci-ci, ci-la,... -cial; -cile, -ciale, -lale) mete avou les cognes -voci (et famile: -vocial, -vola, -vocile, -vociale, -volale).

Avou ça, dji croe ki totes les cognes si rtrovrént.

Do côp, on pôreut rsaetchî li scrijhaedje "chal", et n' wårder ki "cial" et rfondou.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 263

MessaedjeDate: sem 12 awo, 2017 16:42:52    Sudjet: Responde tot citant

Viè Tchålerwè on dit bråmint (seulmint ?) :

omrin : çti-là
femrin : çtèle-là

mins dji n' sai nén comint les scrire e rfondou !

Av ene idêye ?

Dji croe eto k' on dit :
omrin : çti-ci
femrin : çtèle-ci

mins dji n' so nén seur ! Dji va dmander...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 13 awo, 2017 12:13:53    Sudjet: Responde tot citant

Oyi; dins m' messaedje dj' a:

* cit/èçt, çt (= cist; dj' ô bén, omrin pa dvant voyale)
* citele/èçtele, çtele (= cisse)

I mancreut adon:

* citi/èçti, çti (= ci; dj' ô bén, omrin pa dvant cossoune)


Dins O4 (motî d' Nivele):

Citåcion:

(è)stèl-cî. Syn. èstèl-cîle.
(è)stèl-cîle, celle-ci:
Volez 'stèl-dle '! Non, c'est 'stèl-Iale qu'à m'faut.
(è)stèl-là.Syn. èstèl-lale.
(è)stèl-lale, celle-là:
Djè pèrdral 'stèl-Iale èyè vous 'stèl-ctle.
...
(è)sti-cî. Syn. èsti-cîle:
(è)sti-cîle celui-ci :
Esti-cîle c'est pour mi; vous, vos drez 'sti-là.
(è)sti-là. Syn. èsti-lale.
(è)sti-lale, celui-là:
Dj'inme mèyeû 'sti-lale què 'sti-cîle.


Dins ç' motî la (dins çti motî la Wink ), li deujhinme boker (-ci,cile, -la,-lale) si pout mete po les deus sins diferince.
E rfondou dj' atåvele purade:
* -ci, -cial, -la : si pout eployî dins tos les cas (la wice k' on n' fwait pont d' diferince omrin/femrin pol deujhinme boket)
* -ci, -cial, -la : acoird omrin
* -cile, -ciale, -lale : seulmint acoird femrin.

ça fwait ki "(e)çti-cile, (e)çti-lale" n' irént nén (ça dvreut esse "(e)çti-ci, (e)çti-la" si omrin; "(e)çtele-cile, (e)çtele-lale" (ou "(e)çtele-ci, (e)çtele-la") si femrin)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 13 awo, 2017 12:34:37    Sudjet: Responde tot citant

C' esteut ddja dins l' DTW: cweroz après "çtele"
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group