|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mie 25 may, 2016 14:06:59 Sudjet: boûsse / bourse |
|
|
Si on fwait ene diferince inte li sinse vinou todroet do latén eyet l' ci calké do francès (come coû d' cinse / cour do rwè), i fåreut motoit bouter insi avou "boûsse" (pitit saetch / poite-manoye / saetch des tiesticures + glandes) et "bourse" (martchî ås tites, dinêye ås studiants...).
Gn årè co dandjreus des ôtes cas insi.
Fåreut adji todi avou l' minme filozofeye, po ene boune aloyance divintrinne. ça complicrè l' aprindaedje des zero-cnoxheus do 22e sieke, ki, zels, ni såront måy cwand ki l' mot a vnou purade do francès.
Les Flaminds ont radapté l' mot flamind, do moens dins "coû" (hof) / "cour" (do rwè) de hof maken = fé l' cour.
Ene sacwè a bén tuzer, ou mete ene djivêye di sfwaits mots ene sadju, po si nos shuvants volèt rsémplifyî (boûsse / coû po tos les sinses) oudon-bén acertiner istoricmint (boûsse ≠ bourse; coû ≠ cour). _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dim 29 may, 2016 12:42:44 Sudjet: |
|
|
i gn a ene diferince, la ki "coû" (-V) et "coûr" (-V-C) ont ambedeus des prononçaedjes ki shuvèt l' fonolodjeye do walon.
Dismetant k' po boûsse (-V-C) et bourse (-V-r-C), li prumî shût bén l' fonolodjeye do walon, nén l' deujhinme (li shuvion -V-r-C est bén vicant sol coûtchant, mins nén ôte pårt;
e rfondou on n' a wårdé k' les shuvions
* -V-r-k (marke, barke),
* -V-l-k (calke)
* -V-k-s (tecse, facs)
avou en voyale après (do côp, c' est nén vormint des shuvions d' fén) i gn a eto:
* -V-s-k V (disk' a, pask' i)
Dins l' DTW on trove eto des ôtes shuvions, mins seulmint po les mots d' on pî, et co, pa des côps li cogne rifondowe n' les ritént nén
* cârpe (-V-r-p)
* coûrbe (-V-r-p) => coûbe
* ârbe (-V-r-p) => åbe
* divôrce (-V-r-s) => divoice
* comerce (-V-r-s) => comiece
* farce (-V-r-s)
* berce (-V-r-s)
Po "boûsse" dji n' voe nole råjhon di wårder ene cogne "bourse", la ki l' cogne "boûsse" est bén spårdowe |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|