Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

druide / druidesse

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 12 djl, 2016 13:18:35    Sudjet: druide / druidesse Responde tot citant

po "drude", dj' a-st eployî on calcaedje do francès (et di toplin d' ôtes langues) mins tot rwalnijhant shuvant l' rîle des rîlêyes UI => U

https://wa.wikipedia.org/wiki/R%C3%AEle_des_r%C3%AEl%C3%AAyes#R.C3.AEl.C3.AAye_franc.C3.A8s_-ui-_walon_-u-_ou_-.C3.BB-

Mins e walès, c' est derwide

=>

https://wa.wiktionary.org/wiki/derwide

dilé

https://wa.wiktionary.org/wiki/drude
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 13 djl, 2016 0:38:11    Sudjet: Responde tot citant

Atincion k' e walès li "w" est å pus sovint ene voyale (on son "oû", eneviè li "u" k' est ene fwebe cossoune (ene miete come dins "putit" dins l' roman payis)).

Ça fwait ki l' prononçaedje di "derwydd" c' est nén "derwide", mins purade "deroûyz".
Loukîz eto l' burton "drouiz" ( [ˈdruː.is] ).

Si vos vloz edvinter on noûmot calké do gayel, fijhoz l' sol vraiy prononçaedje: "deroûwize" ou "droûwize"
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 13 djl, 2016 1:15:03    Sudjet: Responde tot citant

Dji pinse eto k' etimolodjeye greke ki vos avoz metou sol wiccionaire est crombe...

C' est clairmint on mot gayel, k' on ritrove li minme dins tos les lingaedjes gayels; li mot latén est clairmint on calcaedje do gayel.
Sorlon l' etimolodjeye gayele, ça sereut "sûti" ou "sincieus", sol minme bodje indo-uropeyin k' a dné ezès lingaedjes tîxhons "wissen" (sepe), latén "videre" (vey), sanskrit "veda" (kinoxhance).

Interessant eto, e latén i gn a on mot basti sol gayel singulî (avou on son /s/ al fén), et èn ôte basti sol gayel pluriyal (avou on son /d/); çou ki corespond al manire k' ene oraye latene ôreut ci son gayel la (pus près d' on/s/ al fén d' ene sillabe, pus près d' on /d/ pa dvant ene voyale).


Et pol femrin, ça dvreut esse "drudesse" (come e francès, ou e burton (drouizez)), et nén "dudresse" (li cawete -resse va avou ene cawete omrinne -î (ou -eu, po les fijheus d' on viebe), c' est nén l' cas cial)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 15 awo, 2016 13:44:31    Sudjet: Responde tot citant

merci po ces sinsieusès dnêyes la. Dji rsaetche li mot "derwide", et djusse wårder "drude".

dji rcandje l' etimolodjeye.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group