|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: mie 03 awo, 2016 11:31:10 Sudjet: ene grosse ehale: li bodje wag- = wak- = wach- = way- = wa- |
|
|
ene grosse ehale: li bodje wag- = wak- = wach- = way- = wa-
1. les etimolodjisses ni sont nén d' acoird:
von Wartburg : neyerlandès "wagen" (sinse di tcherete ?)
Haust : mot norwès (vikigne di Normandeye) k' a dné l' francès "vague".
Warland : almand "Wacke"
2. li sinsyince est foirt constante : todi on grand mouvmint d' aiwe ou d' ene sacwè ki bodje come di l' aiwe. Mins dji so co ene miete so dotance po les way- (waye, wayî, wayler = passaedje di l' aiwe, passaedje di biesses dins les dinrêyes, rote di djin...) (ôte rahouca FEW).
POL MOUMINT :
* dji mete tote li parintêye sol DTW a "wague", mins rcopyî le sinses djusse come i sont markés noer so blanc dins les motîs.
* dji mete tote li parintêye sol Wiccionaire a "wache".
* dji wåde ene tripe rifondowe wache = wake = wague sol Wiccionaire. _________________ Li ci ki n' a k' on toû n' vike k' on djoû.
Candjî pol dierin côp pa lucyin, li mie 03 awo, 2016 12:30:31; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: mie 03 awo, 2016 12:13:35 Sudjet: |
|
|
so l' ALW 6:
les scrijhaedjes FELLER sont avou wague-, mins les prononçaedjes (divant L) padecô -g-, padecô -k-
divant T, prononçaedje est TODI -k-: li scrijhaedje -gue- (wagueter) est do shuvaedje d' on bodje wag- decidé pa Haust pask' il a ene pitite parintêye avou -g- après Lidje, et k' i vout aparinter di tote foice avou l' francès "vague". _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dim 14 awo, 2016 12:14:14 Sudjet: |
|
|
li bodje wag- egzistêye bén, et vout dire croûler djus.
I gn a tote en parintêye: waguer, wagaedje, wagueure, waguea,...
Si vos vloz vormint aveur wak- po les waches, adon i fåt eto dispårti les sinses dins les motîs (çou ki n' est nén fwait dins les sourdants). |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|