Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

[OK] erî-såjhon (<> erire-såjhon)

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3663
Eplaeçmint: Sidi Smayil, Marok
MessaedjeDate: dju 25 awo, 2016 23:21:06    Sudjet: [OK] erî-såjhon (<> erire-såjhon) Responde tot citant
Citåcion:
mi sol DTW
"erî" est aprume èn adviebe (come dins l' francès "roue avant"), come c' est "arrière" e francès, on nd a
fwait èn addjectif acoirdé avou såjhon, mins sovint a môde di francijhaedje (pont d' "arêre"... sovint "sêzon");
tos les tradujhaedjes walons do francès "arrière", c' est "erî", djamåy "erire"; MINS erire-såjhon dins R9 + R11


Citåcion:
Pablo so èn emile
Dji sreu po wårder l' cogne "erire-såjhon"

1. såjhon est femrén => erire (addj. erî, erire = ki est a l' erî)
2. c' est l' cogne dedja eployeye sol coridjrece
3. c' est l' cogne dins les gros motîs (E1,E34,C1)


Oyi, mins (erire- / arîre- ) c' est des francijhaedjes forcoridjîs:

* li mot "erî", come li francès "arrière" c' est èn adviebe, nén èn addjectif. I n' a pont d' femrin.
* si ci sereut vormint on mot walon avou l' cawete -ire, on åreut ene cogne * erêre après Nameur. Gn a k' des ariére / ariêre
* dji croe k' c' est Louwis Rmåke k' aveut studyî l' cayet (mins dji n' a nén rtrové wice, ni dins E2, ni dins l' "Sintake"). I mostreut k' on dit come e francès "une roue avant" & "l' avant-main". "avant" est bén adviebe, et n' candje nén avou l' djinre. Pareymint l' "arrière-train". "arrière" n' est nén femrin. E walon, "arrière", c' est "erî", on mot bén spårdou dins l' lingaedje corant, et ki nos a siervou a fé des noûmots (erî-tins, erî-rfwait, erî-fa, erî-front).

"erî-såjhon", c' est vormint l' mot walon, come Louwis Rmåke saya del mostrer. Asteure, po les såjhons foû d' l' esté et l' ivier, come po les djoûs del samwinne et les moes, gn a yeu on nouzome sipotchaedje pa les mots francès. Waitîz co "otone". Et l' mot "såjhon" lu-minme ("sâhon" & "saujon" djusse dins des sorracwéns å.20e sieke, "sêzon"; "sézon" tocosté).

A Transene metans: paujîre, lèdjîr, gautchîr + maujon... mins "ariêre-sêzon" (k' åreut dvou esse "arî-saujon / arîre-saujon"). Nodidju ! Come "arî-saujon" mi soune plaijhanmint e l' oraye.

Les gros motîs do 20e sieke prindèt les mots come les djins les djhèt, francijhîs u nén (come "boucher", "plaizîr" a Lidje); mwès d' janvier (Transene), d' fèviè (après Nameur), d' jwin, mwès d' jwiyèt. Nozôtes, on a rfondou avou des sorwalondes : djanvî / fevrî / djun / djulete).

=> dji sereu po wårder djusse "erî-såjhon" et rcandjî dins l' coridjrece. Dji n' eploye ki cisse cogne la dispu des razanêyes pol Rantoele-gazete.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1156
Eplaeçmint: Oûpêye
MessaedjeDate: vén 26 awo, 2016 22:46:00    Sudjet: Responde tot citant
I va; djel ricandje dins l' coridjrece (vos ploz prinde li modêye amidrêye do tchôke-divins Firefox/Chrome la (loyén "pacaedje xpi): http://chanae.walon.org/walon/aspell.php )
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1156
Eplaeçmint: Oûpêye
MessaedjeDate: vén 26 awo, 2016 23:00:45    Sudjet: Responde tot citant
end a sacwants ôtes avou erire-...

Po ces deus la: (erî-fa|erire-f.n), est çki c' est djusse ene disfondowe di "erî-fa", ou bén c' est l' mot fén = fumî ?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3663
Eplaeçmint: Sidi Smayil, Marok
MessaedjeDate: sem 27 awo, 2016 22:06:40    Sudjet: Responde tot citant
Pablo Saratxaga scrijha:
end a sacwants ôtes avou erire-...

Po "erî-fa / ariére-fin, est çki c' est djusse ene disfondowe di "erî-fa", ou bén c' est l' mot fén = fumî ?


neni, c' est djusse èn accint di "faix" /fɛː/ => /fæː. => /fɛ̃/ come dins toplin des mots (tos les cis avou l' betchféssî ai, evnd.).

Dj' a rmetou les 2 foyous eshonne.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group