Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Eleccions d' Amerike

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 11 nôv, 2016 21:38:33    Sudjet: Eleccions d' Amerike Responde tot citant

Po on sudjet pol Rantoele 80
Citåcion:
Djåke Desmet

Saquants tûsadjes d’après lès-élècsions « made in USA »
1° I-gn-a rin d’ candjî ; li cia qu’a dès liârds pout tot acheter.
2° Dins l’ djeû dès flaîrants, c’èst l’ pus malin qu’a pèlé l’ouy à l’ ôte.
3° Lès sondeûs l'ont co yeû dins l' c... c'èst bin conu : I s'ont "Trumpé"
4° Ci n’èst pus « Wall Street » qu’a gangnî, c’èst « Facebook » : lès gazètîs, lès Tévés, (bin payîs) èstîn’ po Hilary, mins i priyîn’ Donald pasqu’il avîn’ dipus d’ choûtes avou lî.
5° On 'nn'a télemint plin lès guètes di veûy lès politikîs fé lès clôn',.. Ostant prinde on clôn' po fé dèl politike... Èt chiker s' role po bin ratchî !
6° Li cia qu'a gangnî / li foto da Donald avou s' "trump" d'èlèfant, ni passe nin, èlle èst trop pèsante.
7° Nos d’vans co yèsse binauje… Nos p’lans co vôter…
Maujeni

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 11 nôv, 2016 21:57:35    Sudjet: Responde tot citant

Citåcion:
Richard Joelants

L'Amèrike,

L'Amèrike n'èst pus çou qu'èlle èsteût. Come tos lès 10 di novimbe dj'a-stu fé mi p'tit toûr à l'Nouve-vèye la wice qui rispwèsèt dès cintin.nes di djônes sôdârts amèrikins qu'ont v'nou al fleûr di l'adje diner leû vèye po qu'nos r'trovonse nos libèrtés qui lès boches nos-avîs hapé. Portant, cisse-st-annêye n'èst wère li minme qui l's-ôtes, èt dji m'dimande çou qu'cès djônês la polèt bin tûzer cwand i vèyèt çou qui vint di s'passer è leû prôpe payis. Li pèsse s'î mèz'réve avou l'colèra èt dji peuze mès mots.Tos cès p'tis sôdârts polît-ti tûzer qu'on djoû on rèy'reût d'zèls pace qui dè djène, dè neûr, dè mahuré, fît tètche so leû vizèdje....pace qui v'nît dè Mèksique, di l'Afrike, di l'Aziye, dè nôrd ou bin dè sud di leû bê payîs.
Li mâva vint d'l'èsse mi côpéve è deûs; dj'a fruzi. Come dji n'so wère d'adram po l'moumint, dj'a fê d'mèye tôur tot tapant 'ne dièrin.ne loukâde . Nèni valèt, l'Amèrike n'èst pus çou qu'èlle èsteût èt dji r'djonda mi ôto. I s'mèta -sta-ploûre come totes les lâmes d'ine Amèrike ricoviowe par li mér.
Richard Joelants.Li 10 di novimbe 2016

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group