Berdelaedjes

[lucyin]

Po Yanik mete si pordjet cial.

Dji voe bén l' pordjet rexhe (li prumî volume, todi), po les fiesses del Walonreye 2011.

I fåreut k' ene sakî rimete e rfondou les egzimpes del grosse croejhete
http://users.skynet.be/lorint/croejh/

Et rapontyî li rfondaedje del pitite croejhete :
http://users.skynet.be/lorint/picr/

Dji voe bén les noveas bouteus so li rfondaedje (Djan, Gayetan) fé cisse bouye la.

Tant k' a mi, dji m' va cmincî a "mete ene dierinne mwin" å sistinme di codjowaedje do rfondou sol Wiccionaire et Wikipedia.

http://wa.wikipedia.org/wiki/Trokes_da_Hendschel
_________________
Li ci ki n' a k' on toû n' vike k' on djoû.

[lucyin]

Fåreut vey eto s' i gn a nén des ahessantès sacwès so l' pordjet linwince di Wikipedia :

http://wa.wikipedia.org/wiki/Wikipedia:Pordjet_linwince_walone

Mins po çoula, fåreut des vîs rôlîs (l' ideyål, ci sereut des djins k' ont ddja racatourné l' dominne come Lorint, Tiri u Pablo).

Mins dji di çoula et dji n' di rén...
_________________
Li ci ki n' a k' on toû n' vike k' on djoû.

[Maisse Arsouye]

Dji rintère tot djusse di voyaedje. Dimwin, dji vs dirè tot po ci pordjet-ci.
_________________
Rissaetchî-vos di m' solia !

[Gaytan]

[lucyin]

[djan-djan]

Pocwè n' nén eployî Sribus? Scribus sait abaguer et mete e pådje di l'HTML otomaticmint: Vey vaici.

C' est on programe ki rote one miete come InDesign oudon-bén Quarck. C' est po Linux, Mac ou Windows.

Insi, pu rade ki d' tot rfé dins ene cogne TXT, vos rpurdoz l' sourdant då Lorint (c' est do Latex), vos l' candjîz, li mete en HTML come lî, l' rimete so fyis et l' Gaytan l' abaguer avou Scribus.

Dji pinse minme (mins fåreut sayî) k' on sait abaguer do Latex direk. Come li sourdant del croejhete (i lyi fåreut dmander) c' est fwait e Latex...
_________________
Mi copiutrece cåze walon -> http://walotux.walon.org

[Maisse Arsouye]

Adon, voci çou ki dj' aveu tuzé :

1) Fé l' croejhete è francès. Pocwè ? Paski dji n' vou nén fé ene croejhete po les walondvizants mins po totes les djins.

2) Cite croejhete-ci doet esse li pus "linwicieuse" possibe. Ele fåt k' ele fouxhe åjheye à lere tot dijhant tot çou ki gn a à dire.

3) Dj' a tuzé k' ele poreuve awè deus lives. Adon :

Croejhete do walon
Live I : croejhete djenerale

+

Croejhete do walon
Live II : codjowaedje

là ki l' codjowaedje c' est on spès boket.

4) Po bouter, il m' shonne ki, po cmincî, i nos fåt ovrer avou des tåvleas, adon OpenOffice Calc. C' est pus åjhey po vey çou k' est fwait, çou ki fåt co fé et çou ki n' va nén.

5) On cop ki tos les tåvleas sont fwaits, nos plans cmincî à fé les tecses et li prezintaedje, todi avou Open Office.
_________________
Rissaetchî-vos di m' solia !

[Gaytan]

Bondjoû,

avou ké programe avez-v' fé li Motî d' potche? Après l' metaedje e pådje, kéne sôre di fitchî evoyîz-v' a l' imprimerêye?
_________________
Gaytan

[Maisse Arsouye]

Li metaedje è pådje, c' est l' ovraedje di l' eplaideû : Yoran Embanner. Dji lyi a rindou on fitchî tecse (on .doc pask' i boute avou MS office), il a fwait si ovraedje, mi mostrer l' pordjet, schouter çou ki dji voleuve co candjî et evoye !

C' esteu ddja l' minme po l' Gaston. Tchaeke si mestî ;)

C' est po çoula ki nos n' avans dandjî ki d' OpenOffice.
_________________
Rissaetchî-vos di m' solia !

[djan-djan]

Mwaisse, po k' on s' comprinde... Ons a bén l' idêye di rprinde li croejhete do Lorint (li modêye e francès), del mete a djoû e d' l' evoyî a l' eplaideu ou vos vôrîz fé on novea ovraedje?

Mi dj' pinse k' ons a tot la ddins et kel fåt djusse rimete e muzike po kel fuxhe a djoû et eplaidåve so papî (via ene cogne DOC kel Yoran sait lére).
_________________
Mi copiutrece cåze walon -> http://walotux.walon.org

[Maisse Arsouye]

Oyi, l' ideye c' est di rprinde tot çou k' egzisteye ddja. Et mn ideye c' est ki po iesse seur di n' rén roviyî, i nos fåt fé des tåvleas et adon on doc.

C' est d' l' ovraedje, mins nos avans l' tins.
_________________
Rissaetchî-vos di m' solia !

[Gaytan]

Bondjoû Maisse Arsouye,

si vos vloz, dji pou cminci pa rapontyî les deus croejhetes dins des fitchîs .txt et vos les evoyî. Adon vos pôroz ovrer a pårti di ces fitchîs.
_________________
Gaytan