Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Google Earth

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: lon 03 oct, 2005 10:15:41    Sudjet: Google Earth Responde tot citant

Vos c'nochoz pitète dèdja Google Earth ? Vos p'loz li prinde po rén avou cite haurdéye. On côp qu'c'èst su vossse machine, vos p'loz ènnaler tot côstés su l'Têre tot fuchant achî padvint vosse ècran.

C'èst fwârt bén fêt. Mins gn'a ène saqwè qui n'va nén avou Lîdje. Cite binde d'èwarés là a scrit "Luik" ! Evil or Very Mad Li nom dè l'province èst bon, c'èst l'nom dè l'vile qu'èst fayé.

I nos faut scrire ! Nos n'polans nén layî ène parèye bièstraye ! Vos pl'oz l'fé vélà :

http://earth.google.com/support/bin/request.py?contact_type=data&submit=Continue
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
On novea Walondvisant
Guest





MessaedjeDate: lon 21 nôv, 2005 22:23:57    Sudjet: Re: Google Earth Responde tot citant

Bondjoû tertos,
Dji vén d'wêr Liège, bén scrit è Francè. Mins qwand dj'a cwèri m'vèyâdje (Brinne-Châtau) gn aveût scrit "Kasteelbrakel" re Evil or Very Mad . E dji m'dminde pouqwè c'qui gn a pont scrit Wautî-Brinne èto ? (O bén dj'a mau rwètî ?) Çou da Google Earth, i sont d'connivence avou les Flaminds o bén qwè ?

Dj'areûs co 'n qwèstion, dji cmince à raprinde à dviser è Walon, adon dji n'sais nén mins, dj'a toudi vèyu 'Vikî' al plaece da 'Viker'. Qwè c'qué dji doè d'è pinser ?
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 22 nôv, 2005 4:05:53    Sudjet: Re: Google Earth Responde tot citant

On novea Walondvisant scrijha:
Bondjoû tertos,


bondjoû, et bénvnowe sol forom!

Citåcion:

Dji vén d'wêr Liège, bén scrit è Francè. Mins qwand dj'a cwèri m'vèyâdje (Brinne-Châtau) gn aveût scrit "Kasteelbrakel" re Evil or Very Mad . E dji m'dminde pouqwè c'qui gn a pont scrit Wautî-Brinne èto ? (O bén dj'a mau rwètî ?) Çou da Google Earth, i sont d'connivence avou les Flaminds o bén qwè ?


C' est nén novea ki c' est les Flaminds ki sont-st al tiesse del Beldjike et ki rprizintèt l' Beldjike; si ça n' sereut nén pask' on a on govienmint walon da nosse (ki vén d' fiester ses 25 ans i n' a waire) on croereut a l' etrindjir k' on cåze rén kel neyerlandès el Beldjike...
I fåreut motoit scrire å govienmint walon po lyi espliker cist afwaire la avou l' Google Earth.

Citåcion:

Dj'areûs co 'n qwèstion, dji cmince à raprinde à dviser è Walon, adon dji n'sais nén mins, dj'a toudi vèyu 'Vikî' al plaece da 'Viker'. Qwè c'qué dji doè d'è pinser ?


Ça candje ene miete d' ene redjon a l' ôte; i gn a des plaeces insi wice ki tos les viebes cåzumint finixhèt avou -î, des ôtes wice ki c' est cåzu tos -er (ou -è),...

Dins çou k' on lome li «rfondou walon», k' est ene manire di scrire avou ene ortografeye po tot l' walon, on saye di prinde li foûme li pus eployeye po on viebe po vey si on l' va scrire avou «-er» ou avou «-î»; po «viker» c' est l' pus sovint avou -er, mins i gn a des plaece wice ki c' est «vikî», c' est l' veur.

Cwè ndè pinser? Tot simplumint ki l' manire di cåzer l' walon candje ene miete d' ene plaece a ene ôte, d' ene epoke a ene ôte, d' ene djin a ene ôte; vos voeroz des diferinces bén pus grande ki çoula; et ça n' espaitche nén di s' comprinde.
Kimint scrire? c' est a vos d' decider, si vos vloz on scrijhaedje "standård" mins ki pa côps pout esse assez lon erî di çou k' vos prononcîz po do bon, adon vos ploz scrire «viker» et l' prononcî «vikî» (dji screye bén «coûtchî», «clotchî» et prononcî «coûkî», «clokî»);
oudonbén vos vloz scrire d' ene manire ki shût å pus près vosse prononçaedje et vos alez scrire «vikî».

C' est nén chal k' on vénreut vos fé des rmåkes so vosse manire di scrire.

(ps: djusse paski dj' so curieus, et vos n' estoz nén oblidjî d' responde nerén; comint avoz vs trové ç' forom ci?)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: mår 22 nôv, 2005 17:20:43    Sudjet: Re: Google Earth Responde tot citant

Tot prumî merci branmint des côps pou vosse response.

Dji ndè m'sovén pus vraiment (Cmint c'qu'on dit "vraiment" è Walon ?), mins dji l'a trovu avou Google, è cwêrant "Langue wallonne", dj'creûs bén. Avou çoula dj'a tovu l'Aberteke, el "Splitchant motî do Walon", è co des ôtes... Dj'a stî wêr è vèla. Dispu c'djoû-la, dj'a volu raprinde el Walon, è ça rote co bén...
On n'poût nén riniyer ès n-oridjine !

Dj'areûs co 'ne qwèstion si vos vloz bén, è vos n'astoz nén oblidjî d'responde èto mins vos stez Basque ? Si oyi, vos l'dvisoz ?
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dju 24 nôv, 2005 15:40:36    Sudjet: Re: Google Earth Responde tot citant

Anonymous scrijha:
Tot prumî merci branmint des côps pou vosse response.


N' a rén avou ça.

Citåcion:

Dji ndè m'sovén pus vraiment (Cmint c'qu'on dit "vraiment" è Walon ?), mins dji l'a trovu avou Google, è cwêrant "Langue wallonne", dj'creûs bén. Avou çoula dj'a tovu l'Aberteke, el "Splitchant motî do Walon", è co des ôtes... Dj'a stî wêr è vèla. Dispu c'djoû-la, dj'a volu raprinde el Walon, è ça rote co bén...
On n'poût nén riniyer ès n-oridjine !


Et bén proficiate! Vos l' sicrijhoz foirt bén.
Kinoxhoz bén l' waibe "Li ptite croejhete"? c' est ene pitie grammaire po-z aprinde li walon, foirt bén fwaite.

Citåcion:
Dj'areûs co 'ne qwèstion si vos vloz bén, è vos n'astoz nén oblidjî d'responde èto mins vos stez Basque ? Si oyi, vos l'dvisoz ?


Oyi, dj' a des oridjinnes basses, come on l' voet bén a m' no d' famile; mins mes tayons ont cwité l' Euscadeye i gn a d' çoula foirt lontins (e 1613); eyet neni, dji nel cåze nén.
Dj' î vricreu ki djel cåzreut; mins dji vike el Walonreye, ça fwait ki dj' cåze walon.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

MessaedjeDate: dju 24 nôv, 2005 17:27:53    Sudjet: Re: Google Earth Responde tot citant

Citåcion:
Et bén proficiate! Vos l' sicrijhoz foirt bén.


Grâces, dji fé c'qué dj'pou

Citåcion:

Kinoxhoz bén l' waibe "Li ptite croejhete"? c' est ene pitie grammaire po-z aprinde li walon, foirt bén fwaite.


Dji n'cnixheûs nén, mins dj'va wêr al pus râde. Grâces co on côp.

Citåcion:

Dj' î vricreu ki djel cåzreut; mins dji vike el Walonreye, ça fwait ki dj' cåze walon.


Ça dvreût yesse toudi insi...

I m'shonne qu'on s'èware del sudjet del forom... Mins si vs avoz branmint d'tins, dj'voreûs vos dminder : Walonrèye, Walon'rèye o bén co Walonîye ? Quid ?
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 27 nôv, 2005 3:28:10    Sudjet: Re: Google Earth Responde tot citant

Citåcion:

I m'shonne qu'on s'èware del sudjet del forom...


Oyi, c' est l' veur; dji drouve èn ôte fyi e vos responde la: (clitchîz chal)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: dim 04 dec, 2005 19:33:34    Sudjet: Responde tot citant

Dji vén d'carwaîtî, c'èst scrît "Liège" po l'province mins c'èst cô "Luik" po l'vèye. Evil or Very Mad
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

MessaedjeDate: lon 05 dec, 2005 19:58:45    Sudjet: Responde tot citant

Maisse Arsouye scrijha:
Dji vén d'carwaîtî, c'èst scrît "Liège" po l'province mins c'èst cô "Luik" po l'vèye. Evil or Very Mad


Oyi, pardon, dji m'asteûs èwaré. C'est co toudi è Flamind.

Dj'a scrit al Google Earth mins dji n'a reçu k'ène response otomatike...
Dallans wêr.
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group