Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

ouri / euri; fouri
Potchî al pådje Di dvant  1, 2
 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 12 awo, 2017 13:34:29    Sudjet: Responde tot citant

lucyin scrijha:
iva po tot

Djusse: pårticipe prezintrece "awè": dji sierveu : "åyant"


oyi (djel aveu metou dins li rcopiaedje do Haust); dji rcoridje.


Citåcion:
po esse "fouxhant" est corant après Namuer, mi shonne-t i


ci-la dji nel ritrove nén dins l' Gilliard (mins ki n' dene nén ene seule deujhinme cogne po esse et aveur, çou ki m' shonne ene miete drole tot veyant cmint dins ls ôtes motîs end a a banslêyes)

Dji l' trove dins l' motî da Chantal Denis.

"esse" dins l' Haust (swèt/swèt' dji n' les metreut nén dins l' codjowaedje, c' est des calcaedjes do francès "soit" dins des ratourneures tote fwaites ("soit!" eyet "un tant soit peu")

Citåcion:

1. èsse, v., être : on n' pout ~ èt aveûr
situ ; ènn'èsse
, t. de jeu, voy. è 3; dji n' so
nin ritche, dji so-st-a mi-åhe ; wice so-dje ? ;
t'ès-st-on sot ; il èst pôve ; qui èst-ce ?; qu'èst
ci?
(voy. ci 4); c'è-st-a-dîre ; nos-èstans
horés ; vos-î èstez
, vous y êtes, c'est cela ;
i sont-st-arivés ; dj'èsteû, nos-èstîs ; dj'èsta,
dji fou
ou fouri, je fus ; dji sèrè, je serai ;
dj'a stu ritche, j'ai été riche; dj'a stu a
Lîdje
, je suis allé à Liège; seûye, sèyiz'
påhûle; qui dj' seûye
, que je sois; qui
dj'èstasse, sèyasse, -ahe, fouhe, fourisse,
-ihe
, que je fusse; insi seûye-t-i (H), ainsi
soit-il; seûye-t-i vos, seûye-t-i mi, soit
vous, soit moi; seûye-t-i qu'ènnè vasse
seûye-t-i qu'i r'vinse
, soit qu'il s'en aille,
soit qu'il revienne; seûye pôve ou bin
seûye ritche, on deût turtos mori
, pauvre ou
riche, on doit tous mourir; vos volez
çoula ? swèt' !
vous voulez cela ? soit ! ;
on tant swèt pô, un tant soit peu, si peu
que ce soit ; — li mohone èstant prète, nos-
abaguîs ; èstant lès-al-nut' keûtes
(arch.),
les soirées étant tranquilles, pendant les
soirées tranquilles ; d'èstant (ordt di-stant)


Notez eto "seûye" mins "sèyîz, sèyahe" (eto l' infinitif "sèy" el basse Årdene); i gn a motoit l' minme afwaire k' avou vey, croere; et ça dvreut esse "ki dj' soeye; ki nos seyanxhe" (mins soeynuxhe : bodje C)?

C' est lodjike eto cwand on louke a "aler" ou "poleur" (eyet avou l' atuze des 3 bodjes): li singulî eyet l' pluriyal si fjhèt so des bodjes diferins (ki dj' våye, ki nos alanxhe; ki dj' poye, ki nos polanxhe)

D' èn ôte costé... dins l' motî da Denis:
su.pr.: qui dj' seûye; qui nos seûyanche (cogne nonnrece); qui dj' fuche, qui nos fuchance (cogne bijhrece).
su.d.: qui dj' seûyîche, qui nos seûyinche (cogne nonnrece); qui dj' fuchiche, qui nos fuchinche (cogne bijhrece)

pol pårticipe erirece: èstant, seûyant, fuchant

pol kimandeu i gn a minme ene 3inme cogne po Nameur!
- fuche, fuchans, fuchoz (bijhe)
- seûye, seûyans, seûyoz (nonne)
- seûche, seûchans, seûchîz (Nameur)

Les cognes seûyanche dinèt èn årgumint po wårder "soeyanxhe" (et nén "seyanxhe"); dj' ô bén, come po boere (ki nos boevanxhe) et nén come po croere (ki nos creyanxhe).

Pol 3inme cogne seuxhe, seuxhans, seuxhoz; ele si confondèt avou des codjowaedjes do viebe "saveur"; dji sereu po n' nén les rprinde dins les tåvleas d' codjowaedje (d' ostant pus, ki ça shonne esse on cmaxhaedje des deus ôtes "seûye+fuche => seûche"; et k' c' est vormint foû rîle (seulmint å cmandeu, nén ôte pårt)

Po "aveur", dins l' motî da Denis, i gn a "eûye", "ouye" come disfondowes di "åye" (qui dj' eûye, qui nos eûyanche.

Dins l' motî da Denis, po Rotchfoirt, li codjowaedje est levantrece pol cawete del 3inme djin pluriyal (i tchantèt et nén i tchantnut); mins målureuzmint i n' a nén ene intreye "Rotchfoirt" pol codjowaedje di "esse"; do côp, dji n' sai nén si on î eploye "fouxhe" (k' i fouxhehe) ou "soeye" (k' i soeyexhe), et dji n' sai todi nén si "fouxhexhe" egzistêye po do bon ou nén :-)

ça dinreut dabôrd

Côde:

esse

pr.  : so, es, est, estans, estoz, sont ~ sont
er.  : esta (ou fouri), estas (ou fouris), esta (ou fourit), estîs (ou fourîs), estîz (ou  fourîz), estît (ou fourît)
er.d.: esteu, esteus, esteut, esténs, estîz, estént
fut. : serè, serès, serè, serans, seroz, seront -- seress
cond.: sereu, sereus, sereut, seréns, serîz, serént
su.pr: soeye (ou fouxhe*), soeyes (ou fouxhes*), soeye (fouxhe*), soeyanxhe (ou fouxhanxhe), soeyoxhe (ou fouxhoxhe), soeyexhe (ou fouxhehe**) ~ soeynuxhe (ou fouxhnuxhe)
su.d.: fouxhe* (ou estaxhe ou fourixhe), fouxhes* (ou estaxhes ou fourixhes), fouxhe* (ou estaxhe ou fourixhe), fouxhénxhe (ou estaxhénxhe), fouxhîxhe (ou estaxhîxhe), fouxhénxhe (ou estaxhénxhe)
imper: soeye (ou fouxhe), soeyans (ou fouxhans), soeyoz (ou fouxhoz)
part.: s(i)tî (ou s(i)tou), , estant (ou soeyant ou fouxhant)


*: avou ene note po dire ki fouxhe,fouxhes,fouxhe s' eploye pol suddjonctif prezintrece å coûtchant, eyet pol suddjonctif erirece å levant.
**: cisse cogne n' egzistêye motoit nén?

Côde:

aveur (ou awè)

pr.  : a, as, a, avans, avoz, ont ~ ont
er.  : ava (ou ouri), avas (ou ouris), ava (ou ourit), avîs (ou ourîs), avîz (ou ourîz), avît (ou ourît)
er.d.: aveu, aveus, aveut, avéns, avîz, avént
fut. : årè, årès, årè, årans, åroz, åront -- åress
cond.: åreu, åreus, åreut, åréns, årîz, årént
su.pr: åye (ou euxhe*), åyes (ou euxhes*), åye (ou euxhe*), åyanxhe (ou euxhanxhe), åyoxhe (ou euxhoxhe), åyexhe ~ euxhnuxhe
su.d.: avaxhe (ou euxhe* ou euxhixhe), avaxhes (ou euxhe* ou euxhixhes), avaxhe (ou euxhe* ou euxhixhe), avénxhe (ou euxhénxhe), avîxhe (ou euxhîxhe), avénxhe (euxhénxhe)
imper: åye (ou euxhe), åyans (ou euxhans), åyoz (ou euxhoz)
part.: avou (ou yeu), avowe (ou yeute), åyant (ou avant ou euxhant)

*: minme rimarke ki po "fouxhe"
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 13 awo, 2017 14:03:38    Sudjet: Responde tot citant

lucyin scrijha:
euxhe namurwès: dj' avéns loukî a çoula avou Djan Cayron la deus troes ans, et metou les cognes "decidêyes" dins l' Wiccionaire:

https://wa.wiktionary.org/wiki/euxhe


Dj' a tot rcandjî les ouxh(es?|anxhe|oxhe|nuxhe|ixhes?|îxhe|énxhe|ans|oz|ant) ki dmorént co dins l' Wiccionaire, li Wikipedia, eyet l' DTW.

Eto rcandjî dins l' coridjrece (ki vént).
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 20 awo, 2017 13:46:22    Sudjet: Responde tot citant

Dins l' motî da L. Remacle:

Citåcion:

Gi fou : je fus.
Ti fou : tu fus.
J fou : il fut.
No fouri : nous fûmes.
Vo fouri : vous fûtes.
I fouri, ou fouren : ils furent.


=> li cogne "fouri{,s,t} pol singulî shonne esse on rcopiaedje do pluriyal.

Citåcion:

G’ô : j’eus.
T’ô : tu eus.
Yo : il eût.
No-zôri : nous eûmes.
Vo-zôrî : vous eûtes.
Yori : ils eurent.


Ci "ô" la ça sreut li "ou" del cogne modiene: dj' oû, t' oûs, il oût, nos ourîs, vos ourîz, il ourît => tot come po "esse", les cognes singulî s' ont pierdou et replaeceyes pa des rcopiaedjes do pluriyal: dj' ouri, t' ouris, il ourit, nous ourîs, vos ourîz, il ourît

Pol suddjonctif erirece:

Citåcion:

I faureu Il faudrait
Ki g’avah ou k-g’ôh : que j’eusse.
Ki t’avah ou k-iôh : que tu eusses.
Ki-l-avah ou k-iôh : qu’il eût.
Ki-n-zavahî ou ku-n-zôhen : que nous eussions.
Ki-v-zavahî ou ku-v-zôhî : que vous eussiez.
Ki-l-avahî ou kiôhen : qu’ils eussent.


=> "dj' ôh" mostere bén ki l' cogne "dj' ouxhe" si valeut (mins bon, c' est "eûhe", "eûche", "ûche" les pus lådjes oyowes asteure, et on-z a rfondou "euxhe")
=> noter eto "ki dj' avah; ki ns avahî" : c' esteut co bén "h" et nén "ss" => les cawetes avou "xh" (ki dj' avaxhe; ki ns avaxhîz) sont bén djusses.

Li codjowaedje levantrece pol suddjonctif erirece pluriyal, a des cawetes ki n' ont nén stî rprijhes e rfondou.
Les rprind on? (a costé di -énxhe, -îxhe, -énxhe (levantrece et djenerå: cawete erirece durant + -xhe) i gn åreut -axhîs, -axhîz, -axhît ( -axh (cawete do suddjontif erirece singulî) + cawete di l' erirece indicatif)

Oudonbén on nel wåde nén (ça pôreut bén esse on francijhaedje, la k' ça shût les cawetes e francès; adon k' on voet les minmès cawetes dins l' codjowaedje Gilliard et Francard c' est les minmes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Potchî al pådje Di dvant  1, 2
Pådje 2 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group