Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

emile des Droles di Lodjeus

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 09 nôv, 2017 19:44:08    Sudjet: emile des Droles di Lodjeus Responde tot citant

Citåcion:
Gilberte Mattina

Quene novele luciyin
Vas t'i?
C'est biname d'vosse part d'avu vindou nos sitreutes plakes.
Merci
Mi cou qui m'intéresse c'est de savu cou qu'les djins enn'ont tuse...
Enn'avez v' djaze.?
Qui tôt v'voye bin...


Dj' end a co cwate. Å pus sovint, dj' end a dné (u vindou) a des djins ki dji n' a pus rveyou. => dji nd a nén sepou rdjåzer.

Citåcion:
Gilberte Mattina
Biname Luciyin
Neni dji n'a rien veyou so wikipédia ça dji n'y a nin stu...
Dj'ire veyi avou jean pierre....quand i mètre si ordinateur...
Merci pour cou qu'vos fe po nos- ôtés....I- n- à qu'vos qu'à may fe ine sacwe...
Chal à lidje chasckonk ouveure po lu minme...C'est coula qu'à disgoste jean pierre...
A v'riveyi


N' a nén k' a Lidje. Tos les Walons ovrèt bråmint come çoula. C' est ossu ene miete del fåte del "doctrene" diyalectolodjike. On cmince pa discotaeyî l' payis. Tchaeconk n' a l' droet ki di scrire ki come dins s' viyaedje. Li walon ni doet siervi ki pol foclore et les belès-letes. Adon, li soce A do viyaedje B, c' est tertos des catolikes. S' i gn a on scrijheu ki n' est nén d' acoird avou zels, et discåzer l' Påpe, metans, on l' caye a l' ouxh. Li soce C do viyaedje D, zels, c' est des rodjes. S' i gn a ene sakî k' a håsse di fé des tecses po ene messe e walon, il est loukî come Barabasse.

Nozôtes, dispu li cmince, al Rantoele, on a todi sayî (dji di bén sayî):
* di prinde des djins di totes les coines del Walonreye.
* d' accepter les idêyes di tertos, minme des cis ki sont tofer higne et hagne
* di scrire e-n on scrijha li minme po tertos, avou les pinses ki, adon, li walon pôreut avinde des ôtes fonccions (politike, acsegnmint, economeye...)
* di scrire so des sudjets d' asteure, et di totes sôres.

Bén seur, on n' a nén todi adiercî nosse côp. Gn a yeu des margayes dins l' soce, et i gn a co. Mins li "deur nawea" est ddja la dispu pus d' 20 ans. => i n' si fåt nén discoraedjî.

Vozôtes, avou l' tchanson, sayîz di n' nén leyî ouve. Les tecses di vos 5 plakes, dji les rschoûte tchaeke côp ki dji so so des longuès voyes. Et dj' î rtrove tofer des beas mots, des belès ratourneures. Ni rovians nén ki, si l' tchanson e walon a do må, c' est aprume a cåze des franskiyons d' Brussele k' ont espaitchî di passer les årguedenes dins l' lingaedje do payis so les radios ki les Walons schoûtèt. Et çoula, c' est nén del difåte des waloneus.

Åmen, c' est po les beguenes, deyo graciasse, c' est po les begasses, åvé, c' est po les curés
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group