Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Catalogne

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 12 nôv, 2017 19:16:10    Sudjet: Catalogne Responde tot citant

Dji vôreu bén k' on deye li sinne sol referandom, et ses shûtes.

Ridire li rvén li rva des avanceyes et rescoulaedjes po les Catalans, dispu ene novele mwaisse lwè, vôtêye pazès pårlumints catalans ey espagnols, pu anixhilêye pal Coû del Mwaisse Lwè, so dmande do Pårti Populaire.

Oyou:

* Les Catalans sont-st ene miete come les Flaminds: i volnut awè råjhon tot seus (Tiri Dumont)
* Madrid a dné des droets al kiminålté d' Valince k' elle a rfuzé ås Catalans (Pablo Sarachaga). Les Valincyins djåzèt on patwès catalan, mins k' i lomnut "valinçwès" (po n' nén esse prins po des diåles-e-coir pa les Unionisses)
* Les Catalans n' on nén polou djåzé leu lingaedje 20 ans å long (dizo Franco). Li Pårti Populaire si moenne sovint a môde des Frankisses (Hervé Hasquin, sol RTBF, 31 d' octôbe).
* Asteure, tot li scolaedje est e catalan; li feye del neveuse di mi ome (i dmorèt a Bårçulone) cåze catalan e scole, castiyan avou s' pa, et francès avou s' mame (Martine Mahin)
* Gn a nén tant d' societés k' on bagué evoye (Hervé Hasquin); end a 2000 (radio espagnole, 5 di nôvimbe).

Co sol radio espagnole (RNE1):
* li tchômaedje a crexhou el Catalogne dabôrd k' il a discrexhou po les ôtes contrêyes otonomes (5 di nôvimbe).
* Li govienmint catalan ni tuze k' å dislaxhaedje, nén a l' economeye (li 27 di setimbe).

Sol "voyaedje" da Pouchdomont a Brussele:
* Les Walons sont i purade disconte? Oubén, c' est del basse politike po fé araedjî les Flaminds et les MR?
* Di Roupo: ci sereut ene biestreye di revoyî Pouchdomont e l' Espagne, la k' i riskêye 20 ans d' pote, adon k' il a stî relî democraticmint, et fé djusse çou ki lyi shonnéve bon po s' payis (nole fåte penåle sins discussion).

Vos m' è diroz tant...
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li dju 16 nôv, 2017 23:07:55; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 16 nôv, 2017 23:04:39    Sudjet: Responde tot citant

Citåcion:
Mady d' Orcîmont ås scoles di Bive (31 d' octôbe)

Pocwè Poudjemont a-t i tchoezi l' Beldjike? Paski c' esteut l' ci des payis uropeyins ki n' aveut nén vraiymint critiké l' sitouwåcion.
Vos n' compurdoz nén pocwè? Dji supoize ki c' est paski c' est l' NVA ki goviene, et k' zels ont håsse di liberté avou.

Nén seur ! El politike, sovint, les lwès sont vit distournêyes et pu stårêyes.

Metans k' ça nos arive on djoû. Vos n' veyoz nén ? Nosse catalan, da nosse, c' est l' walon ki rsereut a l' oneur, po bén mostrer nosse provnance. Ké bea tåvlea ! Schoûter des ptits efants berdeler avou leus parints e walon.

K' è djhoz?

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group