Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: mår 28 nôv, 2017 2:15:51 Sudjet: Re: script |
|
|
"script", ossu bén e francès k' en inglès, a pus d' on sinse.
C' est l' ké sinse ki vos cweroz on ratournaedje e walon?
Li sinse ki dj' a sovint ratourné, c' est l' ci di "pitit programe éndjolike fwait a l' abeye, dins on lingaedje eterpreté (=nén compilé)".
Dj' ô bén: "pitite shûte di cmandes" ("pitite", ça pout esse sacwantès cintinnes tot l' minme; mins ça dmeure pitit eneviè on programe éndjolike di sacwants miyons d' royes).
Dins ç' sinse la, dj' eploye on calcaedje: on s(i)cripe
metans "Script launched on login" : "Sicripe enondé a l' elodjaedje"
Pol mot inglès "script" dins l' sinse di "sistinme si senes po scrire (copurade al mwin) on lingaedje", dj' eploye "sicrijhaedje" ou "alfabet"; metans "the korean script", l' "alfabet corêyin".
Pol sinse di "foyou ki rprind on metaedje e sinne pol cinema", dji prindreu bén on calcaedje eto.
Eyet dji vén d' aprinde a l' instant k' e francès i gn a eto on sinse di "scrijhaedje al mwin mins nén ataetchî, a môde des letes imprimêyes".
"s(i)crijha" ireut foirt bén po ci-la. |
|