lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: dju 06 djn, 2019 21:30:24 Sudjet: disbåtchî + d(i)båtchî ? |
|
|
Atåvla sol DTW: li sinse come e francès "débauché" sereut rfondou avou l' betchete d(i)- (come dipinde, ...).
Dji n' di nén k' nonna, mins dji n' di nén pår k' oyi. _________________ Li ci ki n' a k' on toû n' vike k' on djoû. |
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dju 06 djn, 2019 22:33:15 Sudjet: |
|
|
C' esteut ddja come ça dins R9.
D' èn ôte costé, i n' a nén vormint d' opôzucion etur dis- et d(i)- mi shonne-t i;
et ça shonne esse li minme etimolodjeye po les cwate (minme si les 4 sinses s' ont bén dispårti).
E francès on dene ene etimolodjeye di "bauc" (poutre); li minme ki "båtchêye" dabôrd.
båtchî : mete des båtcheyes, des plantches.
("baucher" egzistéve e vî francès eto)
Avou ene cawete dis- di disfijhaedje:
1. sinse prumioûle : rissaetchî les båtychêyes ("disbåtchî 2" so R9)
2. did la imådjreçmint, rompe èn egadjmint ene rîle :
2.1 : fé cwiter èn ovraedje, on patron ("disbåtchî 3" so R9)
2.2 : fé cwiter les rrîles di morålité ("d(i)båtche" so R9)
2.3 : rinde målureus ("disbåtchî 1" so R9)
(e francès, a costé di "débaucher" k' a les sinses 2.1 et 2.2, i gn a(veut) "desbaucher" avou l' sins di disgroxhî)
C' est l' minme raecene ki "s(i)båtchî, esbåtche"
(e francès "ébaucher")
et a pårti d' disbåtchî 2.1 (fé cwiter èn ovraedje) a derivé on contråve : ebåtchî
(e francès "embaucher")
Ça fwait k' dji sereut po rfonde disbåtchî, avou cwate mwaisses sinses mins dins ene seule intrêye (ou si, vormint on vout dispårti les mwaisses sinses (po dispårti les hagnons ratourneures, ratournaedjes, spårdaedje, evnd) fé 4 intrêyes {{H|Vi|wa}} a on livea pa dzo etimolodjeye eyet prononçaedje.
Dji sereut eto po mete, dins des sfwaits cas, li hagnon ortografeyes å livea å dzeur (dj' ô bén, sol minme pî ki "etimolodjeye" eyet "prononçaedje" la k' c' est l' minme po les diferinnes intrêyes di croejhete (parey po cwand i gn a des intrêyes "Sustantif", "Addjectif", "Pårticipe erirece" ki si scrijhèt et prononcî parey; purade ki d' mete "ortografeyes" pa dzo tchaeke sôre di croejhete, li mete pa dzo "etimolodjeye/prononçaedje" |
|