|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 263
|
Date: mie 30 may, 2018 16:25:55 Sudjet: lohî/yolèt |
|
|
Dins l' DTW on trove li viebe « yoler » (k' est dins E124 et R9) ; on trove eto a « rciner » ene hårdêye « yeuler » ki n' kidût nole pårt ?! (ene flotche putete)
Dins E124 gn a eto li sustantif « yolèt » : Dj’ ârans fini po l’ yolèt.
Dins G0 et E141, on trove li sustantif « lohî » (fr. : bribe, quignon, vî francès : lohy) ki dj' n' a nén trové dins l' DTW.
Et dins l' live (e l' almand) Die Bezeichnungen der täglichen Mahlzeiten in den romanischen Sprachen und Dialekten da P. Herzog, 1916 (loyén, imådje si ça n' rote nén) on trove on scrijhaedje etur lohî et yolèt : « lyoele » tot djhant (dins l' pî-note) ki gn a putete on parintaedje avou les mots picårds « loé »/« leué » k' on trove dins l' Glossaire étymologique et comparatif du patois picard, ancien et moderne da J. Corblet (loyén).
Savoz ene sacwè d' ôte ?
Fåt i vey « lohî » & « yolèt » come on seu mot ?
Candjî pol dierin côp pa Reptilien, li mie 30 may, 2018 20:03:06; candjî 1 feye |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: mie 30 may, 2018 18:34:03 Sudjet: |
|
|
Dji voe eto lohî dins E177, MoHu et E1 k' a eto « lohê »/« lohèt »... et « lohet » dins l' DTW.
Et dins S0 « iolè » (viebe) avou « ieulè » et « lieulè » espliké dins FEW 5.51b, avou l' francès « iouler ». A vey avou « iyole » dins E1 ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: vén 01 djn, 2018 0:15:09 Sudjet: |
|
|
Po "yeuler", c' est, come vos l' avoz bén metou dins l' wiccionaire, en disfondowe di "yoler" (come dji n' kinoxheut nén l' mot, dji n' l' aveu nén candjî cwand dj' a rfondou l' årtike "riciner").
Po lohî/lohet, dji n' kinoxhe nén les mots neréns, et come on n' les trove nén (co) dins l' DTW ni l' wiccionaire; dji n' såreu vos dire pus...
Mins po çou k' est do prononçaedje eyet al vuwe, lohî est lon erî assez di yoler; i våt mî endè fé deus mots, c' est nén vormint possibe di rfonde avou on seu scrijhaedje les rascovrant les deus.
(l' intrêye "lohet" dins l' DTW (sins waire di contnou), c' est pask' i gn aveut on redjiblaedje des disfondowes nohèt -> lohèt) |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|