lucyin
Date d' arivêye: 2005-07-07 Messaedjes: 3661 Eplaeçmint: Sidi Smayil, Marok
|
Date: dju 23 awo, 2018 12:29:36 Sudjet: [OK] discramyî les bodjes "heure" "xhore" |
|
|
discramyî les bodjes "heure" [fr. hure]; "xhore" [fr. acorre, nl. schoor]; "xheure" [nl. scheur, gregne]
Li bodje "heure" fwait totes si parintêye (foirt houfowe) avou l' bodje "hour-". Adon-pwis, i subixh on forcoridjaedje OU => O so Lidje => horé (schapé, såvé) foirt corant a Lidje, doet esse rofondou "houré" po wårder l' aloyance divintrinne do rfondou.
Li grand nombe di parints fwaits sol bodje "heure", por mi, ça a-st avey avou l' caractere sacré do singlé mon les Gålwès. On dit ossu, "a ! veråt, ti !" foirt coranmint el Basse Årdene po mostrer on sbarmint divant ene sacwè d' grande, di nén ratindowe. Çou k' a l' minme sourdant, dijheut i l' docteur Pierret d' Åle ås tåvlêyes di rcåzeus d' Bietris.
xhore vént do flamind "schoor" (stançon, aspoya, stipe); fr. acorre, di minme etimolodjeye, (Pièce de bois qu’on dresse presque verticalement pour étayer un objet, pour le maintenir en place).
Avou ene sifwaite usteye, on pour axhorer = touwer ene biesse tot picant avou on coutea dins l' voenne (mot assez bén spårdou: dji l' a rtrové a Libin avou onk des copineus (a.orer l' pourcea).
xheure (Lidje "heûre", Måmdiy "hore", Ôvîfa "cheûre / hyeûre") |
|