|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: dim 23 djn, 2019 14:22:50 Sudjet: Codjowaedje (1ire troke) - disfacer ; efacer ; ... |
|
|
Bondjoû tèrtou,
Dispoy èl fén dès egzamins, dji studeye lès viebes dal prumire troke. Mins néren, dj' a ène grosse rujhe (problinme), i gn' a pon d' codjowaedje po lès viebes dal prumire troke come disfacer ey efacer, ki sont dès viebes insi (bodjes: A=B=C=disfaç-, eyet ç <-> c).
Målureuzmint, dji n' a nén trové leus codjowaedjes so 'l waibe do Lucyin Mahin (https://lucyin.walon.org/codjowaedjes/index.html) eyet dji ni lès a nén trové so 'l Wiki etou (https://wa.wikipedia.org/wiki/Prumire_troke_di_viebes_e_walon).
Poloz vs m' aidî, s' i vs plait ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: lon 24 djn, 2019 22:49:14 Sudjet: |
|
|
Bondjoû,
Vos ploz vey la : https://lucyin.walon.org/codjowaedjes/codjowoe.cgi
Li candjmint ç/c (come k/c, g/gu, y/i) n' est nén on candjmint d' codjowaedje mins d' ortografeye.
Les rîles sont :
- pol candjmint ç/c (son /s/) : c pa dvant e (é, è, ê), i (î), y; et ç dins tos ls ôte cas.
- pol candjmint k/c (son /k/) : c pa dvant a (å, â), o (ô), u (û), ou ene cossoune (såf "y"); et k dins ls ôte cas (al fén d' on mot, pa dvant e, i, y).
- pol candjmint g/gu (son /g/) : gu pa dvant e (é, è, ê), i (î); et g dins tos ls ôte cas.
- pol candjmint y/i (son /y/) : i etur deus voyales (såf èn "i" pa drî), eyet y dins ls ôte cas (a l' atake do mot, pa drî ou pa dvant ene cossoune, al fén do mot, pa dvant i, î).
Dins l' codjowoe, li codjowaedje est fwait po do bon avou on bodje "disfaç-", et poy les candjmints ç/c sont fwaits sorlone les rîles d' ortografeye cial a dzeu.
* dji disfaçe : pa dvant "e" => dji disface
* nos disfaçans : pa dvant e,i,y ? neni => nos disfaçans
* negocyî : nos negocyans : etur deus voyales => nos negocians
* viker : nos vikans : pa dvant "a" => nos vicans
PS: sol wiccionaire vos ploz eto eployî l' modele {{-codjow-|...}} po fé on ptit tåvlea d' codjowaedje (s' i n' a nén co d' pådje pol viebe ki vos vloz, vos l' poloz fé come saye dins vosse pådje d' uzeu) :
{{-codjow-|troke=1|A=disfaç}}
(come B et C sont les minmes nén mezåjhe di les mete).
Djel radjoute al pådje https://wa.wiktionary.org/wiki/disfacer |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: mår 25 djn, 2019 21:20:49 Sudjet: |
|
|
Merci bråmint, Pablo, po vos desplicaedjes !
Dji sayreu bén d' scrire on artike sol Wiccionaire, kin dj' årè bråmint pus dal pratike avou 'l sistinme Wikimedia. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|