Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

nouve modêye del coridjrece

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 863
Eplaeçmint: Oûpêye

PostDate: mår 26 dja, 2016 22:05:53    Sudjet: nouve modêye del coridjrece Responde tot citant

Come bistoke pol novele anêye 2017 dj' a fwait ene nouve
modêye (0.4.18) del coridjrece e walon.

(vey pus lon po les candjmints dispoy les dierinnès modêyes)

vos l' poloz prinde al minme plaece ki todi:
http://chanae.walon.org/walon/aspell.php

et bén seur, c' est l' minme modêye k' est eployeye sol coridjrece
do forom (boton «Coridjî») eyet co sol pådje:
http://chanae.walon.org/walon/coridjoe/
wice ki vos ploz mete vos tecses a coridjî si vos vloz)

Vos î trovroz ossu on pacaedje a-z astaler pol betchteu Firefox
(cweroz après "pacaedje XPI"). Come li pacaedje n' est nén siné
pa Mozilla, vos åroz on messaedje dijhant ki l' astalaedje a stî
bloké, et vos dvroz clitchî sol boton po l' otorijhî.

Dierins candjmints:
Côde:

2016-01-26  Pablo Saratxaga
        * "coridjaedje" do problinme des apostrofes avou Firefox (l' aroke
          c' est kel betchteu n' les prind nén; adon, on mete les mots
          tot les rsaetchant: «c'» -> «c»
        * coridjaedje do verifiaedje des modêyes pol pacaedje Firefox

2016-01-24  Pablo Saratxaga
        * coridjaedje des drapeas "v" et "V" po les suddjonctifs prezintrece
          singulî et les cognes -nut/-nuxhe
        * 12862 intrêyes

2016-01-23  Pablo Saratxaga
        * coridjaedje do drapea "v" po fé les infinitifs des viebes come ponde
          (ti ponds -> ponde)
        * radjouté ene rîle "install hunspell"
        * 12798 intrêyes
        * candjî li modêye a 0.4.18

2016-01-03  Pablo Saratxaga
        * coridjaedje do drapea "v" po fé les suddjonctifs a pårti des
          pårticipes e-n "-ou" (ça n' si doet nén apliker po "-rou" nerén po
          "-rr[a-z]ou"; zels il ont ddja ene ôte rîle)
        * coridjaedje do viebe poleur ("polou/v" dene on cron suddjonctif;
          li suddjonctif esteut ddja tapé directumint; po les ôtes cognes
          do bodje A on eployrè "poloz/V")
        * 12766 intrêyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 863
Eplaeçmint: Oûpêye

PostDate: vén 23 dec, 2016 18:36:24    Sudjet: Re: nouve modêye del coridjrece Responde tot citant

Come bistoke pol Noyé 2016 dj' a fwait ene nouve
modêye (0.4.19) del coridjrece e walon.

(vey pus lon po les candjmints dispoy les dierinnès modêyes)

vos l' poloz prinde al minme plaece ki todi:
http://chanae.walon.org/walon/aspell.php

et bén seur, c' est l' minme modêye k' est eployeye sol coridjrece
do forom (boton «Coridjî») eyet co sol pådje:
http://chanae.walon.org/walon/coridjoe/
wice ki vos ploz mete vos tecses a coridjî si vos vloz)

Vos î trovroz ossu on pacaedje a-z astaler pol betchteu Firefox
(cweroz après "pacaedje XPI"). Come li pacaedje n' est nén siné
pa Mozilla, vos åroz on messaedje dijhant ki l' astalaedje a stî
bloké, et vos dvroz clitchî sol boton po l' otorijhî.

Dierins candjmints:
Côde:

2016-12-23 Pablo Saratxaga <pablo@walon.org>
   * novea eplaidaedje, po bistoker l' noyé
   * candjî l' modêye a 0.4.20
   * 14.676 intrêyes (bodjes), 7.988 etictêyes; 173.136 diferinnès cognes

2016-09-15 Pablo Saratxaga <pablo@walon.org>
   * eployaedje di "FLAG UTF-8" po les drapeas nén ascii
   * coridjaedje des viebes e -oumer,-ouner,-ouwer
     ( http://wa.wikipedia.org/wiki/Codjowaedje_alouwer )
   * 14.229 intrêyes (bodjes), 6.902 etictêyes; 164.033 diferinnès cognes

2016-09-08 Pablo Saratxaga <pablo@walon.org>
   * candjî l' drapea å -> d (po les viebes ki fjhèt des mots en -åd/-åde),
     et fwait on novea drapea «å» po les viebes ki fjhèt des addjectifs
     en -åve
   * 14.179 intrêyes (bodjes), 6.815 etictêyes; 162.267 diferinnès cognes

2016-08-15 Pablo Saratxaga <pablo@walon.org>
   * novea eplaidaedje, po bistoker l' 15 d' awousse
   * candjî l' modêye a 0.4.19
   * 14.016 intrêyes (bodjes), 5.836 etictêyes; 160.600 diferinnès cognes

2016-06-28 Pablo Saratxaga <pablo@walon.org>
   * coridjaedje des parints so des viebes e -syî, i gn a deus cas
     sorlon k' i gn a ene voyale (eg: scusyî -> scu_ss_iant) ou
     nén (eg: consyî -> con_s_iant).
   * 13.892 intrêyes (bodjes), 5.495 etictêyes; 157.509 diferinnès cognes

2016-06-09 Pablo Saratxaga <pablo@walon.org>
   * dj' a discovrou ki aspell pout, lu eto, eployî les redjiblaedjes
     di rîles (ene rîle ki riscrît avou on drapea; li rzultat ripasrè
     pa l' novele rîle); do côp, les discrijhaedjes di rîles PFX et SFX
     polèt esse pår les minmes po aspell et hunspell (i gn a ki l' drapea
     «*» (eployî po NEEDSUFIX d' aspell) ki n' a pont d' ekivalint, et
     ki dene on messaedje d' adviertance; mins on l' pout ignorer.
   * radjouté on drapea «å» po les mots d' fijheu -åd/-åde a pårti
     d' on viebe
   * radjouté on drapea «-» NOSUGGEST (hunspell) po marker les cognes
     ki sont djusses, mins ki n' divèt nén esse mostrêyes ezès sudjestions
     (pol moumint dj' a seulmint metou «--»; l' interesse c' est po cwand
     l' coridjrece di Mozilla permetrè di mete des drapeas ezès intrêyes
     da vosse (ou copyî les drapeas d' ene intrêye do motî); et insi
     permete di defini des mots a-z ignorer)
   * coridjaedjes des dierins decidaedjes di rfondaedje.
   * 13.829 intrêyes (bodjes), 5.252 etictêyes; 155.812 diferinnès cognes

2016-03-27 Pablo Saratxaga <pablo@walon.org>
   * zou! passé tot l' motlî en UTF-8 (bén pus pratike po-z ovrer dzeur).
     li fjhaedje do motî aspell/myspell/ispell fwait-st on cviersaedje
     di caracteres e cp1252.
   * 13.469 intrêyes (bodjes), 4.300 etictêyes; 152.671 diferinnès cognes

2016-03-21 Pablo Saratxaga <pablo@walon.org>
   * radjouté on drapea «y» po fé les mots e -reye a pårti des viebes
     (a mete sol bodje A, såf po les viebes del 3inme troke (come
     netyî), ou ki l' bodje A finixh pa ene troke C-Likide (-tr-,
     -tl-, -cr-, -cl-,...) ki c' est l' bodje B k' est eployî:
        candôzé/vy --> candôzreye
      begyî/v
      begueyes/vy --> begueyreye
      pestelé/v
      pesteles/v --> pestelreye
   * 13.452 intrêyes (bodjes); 151.665 diferinnès cognes

2016-03-18 Pablo Saratxaga <pablo@walon.org>
   * coridjaedjes d' ortografeye po shure les decidaedjes do
     raploû rfondaedje do 16 di måss
   * radjouté on novea drapea «N» po fé les nos d' fijheu (-eu, -euse)
     a pårti des viebes (a-z eployî avou l' cogne pårticipe erirece
     po les viebes a drapea «v», avou l' cogne des atôtchîs prezintrece
     po les viebes a drapea «V»)
   * li drapea «r» (cawete -resse) a stî amidré, asteure i pout fé
     on femrin -resse a pårti d' on no d' mestî en -î, ou co
     on no d' fijheu e -resse a pårti d' on viebe (a-z eployî avou
     l' cogne di l' atôtchî prezintrece
     egzimpes:
        ataké/vN --> atakeu, atakeuse
      boevoz/VN --> boeveu, boeveuse
      boes/Vr --> boeresse
      begyî/vN --> beguieu, beguieuse
      begueyes/vr --> begueyresse
   * li drapea «c» fwait eto des addjectifs/nos e -rece a pårti d' on
     viebe (s' eploye avou l' minme cogne ki l' drapea «r»); eg:
        abatou/vajN --> abatou, abatowe (addj), abataedje, abateu(se)
      abats/vmc -> abatmint, abatrece
   * sacwantès ptitès sacwès po des propôzaedjes (metans "one -> ene")
   * 13.443 intrêyes (bodjes); 151.258 diferinnès cognes

2016-03-08  Pablo Saratxaga <pablo@walon.org>
   * les addjectifs fwaits avou -rece ni s' metèt måy pa dvant
     (http://rifondou.walon.org/croejhete2.html#addjectif)
     do côp, dji rsaetche les cognes -recès
   * 13.278 intrêyes (bodjes); 148.424 diferinnès cognes

2016-02-27  Pablo Saratxaga <pablo@walon.org>
   * candjî l' mwaisse fitchî di derivaedje di aspell eviè hunspell
     (les drapeas eyet l' ecôdaedje ont stî wårdés copatibes avou
      aspell; mins li diswalpaedje si fwait asteure sol novea modele)
   * introdujhaedje di drapeas d' motlî (lecsicografikes), eployîs pa
     hunspell, po dire li sôre di mot (no, viebe, adviebe,...),
     li djinre (f, o, b(ikebok)), li nombe (sg, pl, inv)
     c' est foirt ahessåve po vey si ene cogne vént bén del boune rîle
     di derivaedje ou nén.
     Eto, po pus tård, ça pôreut esse eployî dins on coridjeu d' croejhete
   * bråmint des coridjaedjes, des noveas mots, et eto do rashonnaedje
     (intrêyes metowes come drapeas d' on minme bodje)
   * les rîles fonetikes po hunspell (mågré k' ça soeye les minmes)
     ni rotèt nén ossu bén; motoit on bug di hunspell ?
   * ratacaedje des pacaedjes po Firefox
   * 12.941 intrêyes (bodjes); 147.873 diferinnès cognes

2016-02-03  Pablo Saratxaga <pablo@walon.org>
   * candjî l' codjowaedje di "vey" (A=voey -> A=vey)
   * 12.961 intrêyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2294
Eplaeçmint: Sidi Smayil, Marok

PostDate: dju 12 dja, 2017 22:32:41    Sudjet: Responde tot citant

Gråces toplin.

Dji sayrè çoula bénrade.

Metou so Wikipedia

https://wa.wikipedia.org/wiki/Coridjrece
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 863
Eplaeçmint: Oûpêye

PostDate: sem 15 djl, 2017 0:31:29    Sudjet: Re: nouve modêye del coridjrece Responde tot citant

Come bistoke po les vacances (et pol cwénze d' awousse en avance),
vocial ene nouve modêye (0.4.21) del coridjrece e walon.

Come çoula fwait on moumint ki dj' eploye hunspell (et pus aspell) come cour di programe, dj' a candjî l' no do pacaedje a djusse "spell".

Dj' a eto candjî l' licince di GPL à tripe licince GPL/LGPL/MPL (tchaeconk
pout tchoezi l' cene ki l' ahåye mî pol pordjet da lu); çoula esteut necessaire pol poleur fé intrer dins Chrome.
Ces troes licinces permetèt totes di spåde lådje et lon, mins ont des ptitès diferinces so les limites k' ele metèt (metans, li GPL oblidje a spåde tot l' sourdant di tot vosse pordjet minme si vos n' eployîz k' on ptit boket GPL; li MPL permete d' eployî, si c' est dins ene "boesse a pårt", come on tchôke-divins, on côde libe dins on pordjet ki n' l' est nén).

Come li såme del coridjrece est di poleur esse eployeye å pus lådje possibe, ci candjmint la esteut-st a fé.

vos l' poloz prinde al nouve plaece:
http://chanae.walon.org/walon/spell.php

So cisse pådje la i gn a eto l' pacaedje po Firefox.

Eyet, pol prumî côp, ene prumire saye di motî pol betchteu Chrome.
Avou ci dierin c' est nén ossu åjhey d' astaler, i fåt "spotchî" l' coridjrece d' èn ôte lingaedje eyet pretinde k' on vout coridjî dins ç' lingaedje la. Et i s' pôreut k' i gn åye des arokes di cviersaedje, c' est ene prumire saye.
Si vos eployîz Chrome sayîz ene miete et dijhoz cwè. Si ça va bén, on sayrè d' atôtchî les djins d' Chrome po k' i radjoutexhe li walon a môde di djin.

Dierins candjmints:
Côde:
 
2017-07-15 Pablo Saratxaga <pablo@walon.org>
        * candjmint del licince di LGPL => GPL/LGLP/MPL, come çoula ça
          pout esse eployî pa Chrome et ds ôtes
        * rilomé l' pacaedje (aspell -> spell) et candjî l' modêye a 0.4.21
        * Coridjaedje d' on bug dins l' Makefile
        * 14.906 intrêyes (bodjes), 8.450 etictêyes; 177.634 diferinnès cognes
 
2017-07-12 Pablo Saratxaga <pablo@walon.org>
        * candjmint do bodje A di croere
        * 14.855 intrêyes (bodjes), 8.344 etictêyes; 176.526 diferinnès cognes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2294
Eplaeçmint: Sidi Smayil, Marok

PostDate: sem 15 djl, 2017 0:33:50    Sudjet: Responde tot citant

Kén ovraedje, mi ptit blanc !!!

Vos m' metroz çoula so mi éndjole li côp ki vént.

On frè on papî ladsu pol Rantoele ki vént.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 39

PostDate: dim 16 djl, 2017 16:27:55    Sudjet: Responde tot citant

Merci po les candjmints.

So Linux, li comande make va bén, les fitchîs wa.aff eyet wa.dic sont bén aboctés, mins po l' astalåcion fåt scire make hunspell_install, et nén make install come c' est scrît dins l' papî.

Tot va bén ôtrumint, apus ki l' fitchî bdic po chrome(ium) n' est nén accessibe : Error 404 Sad
_________________
Asteme: aprindisse waloncåzant dins l' såle ! Èn tchictez nén a m' coridjî, dji so la po-z aprinde.


Candjî pol dierin côp pa Reptilien, li dim 16 djl, 2017 21:02:18; candjî 1 feye
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 863
Eplaeçmint: Oûpêye

PostDate: dim 16 djl, 2017 18:34:53    Sudjet: Responde tot citant

Rissayîz asteure
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 39

PostDate: mår 18 djl, 2017 18:47:41    Sudjet: Responde tot citant

Merci, li fitchî bdic est accessibe et va bén avou chromium avou l' piceure ki vos av dné : « spotchî" l' coridjrece d' èn ôte lingaedje eyet pretinde k' on vout coridjî dins ç' lingaedje la ».

Gn a des mots ki n' sont nén co dins l' coridjrece, egziste-t i on edroet pol dire** ?

**Dji vleu dire « signaler » (e francès) mins dji n' a nén trové l' viebe Confused
_________________
Asteme: aprindisse waloncåzant dins l' såle ! Èn tchictez nén a m' coridjî, dji so la po-z aprinde.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group