Berdelaedjes

[lucyin]

Dj' atåvele k' on rsaetche "en" del båze di dnêye "ricoridjrece".

1. Po les cis ki l' eployèt po scrire e walon, ça leye passer des eployaedje flotchreces come "en" francès; "en" pinsant a vos (rifondou : e francès, e pinsant a vos).

2. dispu k' on-z a accepté -n come lete di beloyance (vo-n ome; po s'-n ome), on pout scrire e-n erîlêymint a pårti del divancete "e".

http://wa.wikipedia.org/wiki/Mot%C3%AE:e
_________________
Li ci ki n' a k' on toû n' vike k' on djoû.

[Pablo Saratxaga]

Mins li "n" rispite dins l' parintêye.
metans: "eneviè" (en eviè).

C' est come "avår" (avå) ou "vier" (viè).
C' est nén djusse ene "lete di beloyance", mins purade on rispitaedje d' on vî son etimolodjike, ki n' s' ôt pus, såf pa côps; chal po "e", pa dvant voyale.

Pol problinme del coridjrece ki n' mostere nén les eployaedjes flotchreces:
1. l' ortografeye ni doet nén esse tuzêye sorlon les limitåcions tecnikes d' ene usteye éndjolike di 2016
2. on djoû li coridjrece frè les bons propôzaedjes sorlon l' mot di dvant et l' mot di drî (pol moumint dji studeye l' usteye "hunspell"; ele wåde des racsegnes sol croejhete (metans: no, viebe, bodje A, B, C des viebes, omrin, femrin, singulî, pluriyal,...), çou ki vénrè bén a pont pus tård.